Yirmeya 40:12 - MUKANDA WA MYIDI MUKULU

¹² Nanku ke bena Yuda bonsu aba, kumuka miaba mishilangane ivuabu babipate, kuyabu kudi Ngedaliya ku Mispa mu ditunga dia Yuda. Kupolabu bimuma bivule, ne tumuma tua mvinyo tuvule.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bena Yuda aba bonso bakumuka mu miaba yonso yakabatumabo, bakahingana, bakalua ku buloba bua Yuda, kudi Gedaliya mu Misepa, bakasangisha nvinyo ne mamuma bia bungi.

Yirmeya 40:12 ပူးပေါင်းရင်းမြစ်များ

Nsumuinu 27:25

Kosa bisosa mu mpata. Diba didi bipiabipia bimena, kosa bidi pa mukuna bua kudisha nyama.

Yeshaya 16:9

Ke pandi ndila, pamue ne bantu ba mu Yazere, bua budimi bua mvinyo bua mu Sibma budi bunyanguke. Ndi ndila bikole bualu buenu, nuenu, bena Eshebone, ne bena Elale, bua padi bena mvita bapitshila ne mvita, muaba unuvua bapole bimuma, banowe bia pa madimi.

Yirmeya 40:10

Meme mene ndi ngasa mu Mispa emu, bua ngikale muena mpala wenu kudi bena Babilone badi bafika kunudi. Kadi nuenu nupole tumuma tua mvinyo, ne bimuma bikuabu, nuenze ne mafuta. Nubilame mu diyeba. Nuase kabidi mu bimenga munuvua basombe kumpala.

Yirmeya 40:13

Dituku dikuabu, Yowanane, muana wa Kareya, ne balombodi bakuabu batshi vua mu mpata, kuyabu kudi Ngedaliya mu Mispa.

Yirmeya 41:10

Ishemayele kuela bantu bonsu bavua bashala mu Mispa, mu lukanu, kabidi ne bana ba bakaji ba mukalenga, ne bonsu ba-vua Nebuzaradane, mfumu wa bena mvita mupeshe Ngedaliya. Pashishe, Ishemayele kuya ne bena lukanu bonsu aba bua kusomba kudi bena Amone.

Yirmeya 43:5

Pashishe, Yowanane, ne balombodi bakuabu ba bena mvita, kuangata bena Yuda bavua bashala mu ditunga diabu, ne bonsu bavuabu bapeta mu matunga avua nabu mutumba, bakavua bamane kupingana mu ditunga dia Yuda:

Yirmeya 44:18

Kadi katshia tulekela kufila milambu eyi ya manananshi ne ya maluvu kudi mvidie Astarte, Mukalenga mukaji wa mu diulu, tukadi bapange bintu bionsu. Tudi bapungile ne mvita kabidi ne tshiyole tshia nzala.

Yezekiyele 34:6

Eyowa, mikoku yanyi mmilalakane mu mikuna minene ne mikese, pashishe mmitangalake miaba yonsu pa buloba bujima, kakuyi muntu udi nayi bualu, uya kuyikeba.