Yirmeya 4:9 - MUKANDA WA MYIDI MUKULU

⁹ Maweja-Nangila udi wamba ne: pikala bionsu ebi bienzeka, mukalenga kakuikala ne muoyi mukole to. Balombodi ba mu bukalenga kabidi kabakuikala ne muoyi mukole to. Batuangaji nebatshine bikole. Bambi nebazakale.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa udi wamba ne, Mu dituku adi mutshima wa mukelenge neufue, mitshima ya baminyampala neyifue kabidi; bakuidi nebakeme, baprofete nebatue mikemu.

Yirmeya 4:9 ပူးပေါင်းရင်းမြစ်များ

2 Bakalenga 25:4

bena Babilone kupula tshitupa tshia tshimana tshia tshimenga. Butuku, bena mvita ba bena Yuda kunyema. Bena Babilone bavua anu banyungulula Yerushalayime. Kadi, bena mvita ba bena Yuda kuyila mu njila, bapitshila pa tshiibi tshivua pankatshi pa bimana bibidi bia tshimenga, pabuipi ne lupangu lua mukalenga. Diba adi, mukalenga Sedekiya uvua mulonde njila wa ku tshibandabanda tshia musulu wa Yardene.

Misambu 102:4

Bualu matuku anyi a panu adi ajimina, bu mudi muinshi wa kapia, mifuba yanyi idi ipia bu nkunyi.

Yeshaya 19:16

Dituku dikuabu, bena Ejipitu nebazakale bu tukajikaji. Nebikale ne bowa, padibu bamona Maweja-Nangila wa bukole buonsu, olola tshianza bua kubanyoka.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Yeshaya 28:19

Dinda dionsu, tshipupu netshinukuate, nansha bufuku katshiakunushila muaba. Bantu pumvuabu batshitela, nebafue bowa bunene!

Yirmeya 2:26

Nuenu bena Izrayele: bakalenga ne balombodi ba mu bukalenga, batuangaji ne bambi, matuku makese aa nenuikale ne bundu, bu muivi udibu bajikidila.

Yirmeya 25:34

Asayi muadi, elayi nshiba, nuenu balombodi ba bantu. Nubunguluke panshi mu lupuishi, nuenu balami ba bantu. Bualu matuku akumbanyi a nuenu kuya ku tshishipelu. Nebanushipe mudibu bashipe bimpanga bimpe.

Yirmeya 37:19

Bambi benu bavua banuambila ne: mukalenga wa mu Babilone kena ubuela mu ditunga edi bua kunuluisha, wewe ne bena ditunga edi, lelu badi penyi?

Yirmeya 48:41

Nebakuate bimenga, nebabuele mu nzubu mikolesha ne bimana. Bilobu bia mvita bia bena Mowabe, bidi ne dikenga bu dia mukaji pa lulelu.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 52:7

bena Babilone kunyanga tshitupa tshia tshimana tshia tshimenga. Butuku, bena mvita ba bena Yuda kunyema. Nansha muvua bena Babilone banyungulukile tshimenga, bena Yuda kupatukila ku tshiibi tshia pankatshi pa bimana bibidi, pabuipi ne lupangu lua mukalenga. Pashishe kuyilabu ku njila wa ku tshibanda tshia Yardene.

Bienzedi 13:41

“Nuenu bena kapeja, tangilayi! Zakalayi ne bowa, nubutuke! Bualu mu tshikondu tshienu etshi nkadi pa kuenza tshishima, tshidi muntu mua kunulondela, kanuyi mua kuitaba.”