Yirmeya 4:6 - MUKANDA WA MYIDI MUKULU

⁶ Asayi makunji adi aleja njila wa kuya ku Siyone bua kudipandisha. Kanuimanyi, kanujingakanyi to. Maweja-Nangila udi utuma dikenga dinene ne kabutu. Nebifumine luseke lua ku mutu kua ditunga.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Jadikai dibendela ditangilangana ne Siona; nyemai bua kudibandisha, kanujanguluki nansha; bualu bua nenyishe makenga ku luseke lua nôde, ne kubutuka kunene.

Yirmeya 4:6 ပူးပေါင်းရင်းမြစ်များ

Yeshaya 62:10

Bena Yerushalayime, patukayi, patukayi lukasa mu tshimenga. Longoluelayi bantu badi bapingana muabu njila. Jibikilayi biina bidi panshi mu misesu. Umbushayi mabue adimu. Bandishayi dibendele, bua bantu bamanye

Yirmeya 10:22

Telejayi, umvuayi. Mutoyi munene udi wenda usemena pabuipi, ufuma ku mutu kua ditunga. Bena mvita mbanyange bimenga bia bena Yuda, bishale tshipela, bishale miaba idi nyama ya mibuabua isomba.

Yirmeya 18:11

— Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yirmeya 21:7

Pashishe, Sedekiya, mukalenga wa bena Yuda, balombodi ba bukalenga buende, ne bantu ba mu tshimenga etshi, badi bapanduke ku disama dia tshiambu, ku mvita, ne ku tshiyole tshia nzala, mukalenga wa bena Babilone neabakuate. Eyowa, nembafile kudi baluishi babu badi bajinga kubashipa. Mukalenga Nebukadnesare neabashipe kayi luse. Kakushiya muntu nansha umue ne muoyi.”

Yirmeya 22:7

Ndi kutumina bantu ne tshisuyi. Nebupule makunji ebe mimpe a mitshi ya sedre. nebaoshe mu kapia.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 4:21

Nemmone mabendela a baluishi too ne ku diba kaayi? Nengikale anu muteleje muadi wa mpungi wa kuya ku mvita anyi?

Yirmeya 50:2

Numanyishe bantu bonsu lumu elu: Nuambile bantu bonsu bidi bienzeka. Kanusokoki bualu nansha bumue! Eyowa, baluishi nebakuate Babilone. Mpingu yende neifue bundu! Mvidie yende ya dishima neyizakale! Eyowa Bele neafue bundu! Marduke neazakale.

Yirmeya 50:22

Bantu bakadi bumvua mutoyi wa mvita mu ditunga. Kabutu kakadi pabuipi!

Yirmeya 51:12

Nuele diyi dia nuenu kubanga kuluisha bimenga bia Babilone. Nuteke bena mvita ku nseke yonsu ya tshimenga. Nuteke batentekedi. Ke mudi Maweja-Nangila ukumbaja tshivuaye mujadike bua kuenzela bena Babilone.

Yirmeya 51:27

Nuele diyi bua babange kuluisha Babilone. Nuele mpungi bua bantu ba bisamba bionsu bumvue. Nutuadije mvita. Nubikidishe bantu ba mu bukalenga bua Ararate, bua Mini ne bua Ashekenaze, Nusungule bantu badi mua kulombola bena mvita. Nutume ku mvita nyama ya tubalu bungi bu mukongolu wa mpasu ya mukumbi.

Yirmeya 51:54

Telejayi: Bantu badi bumvua mbila, ifuma mu Babilone. Mutoyi munene wa muadi udi mu ditunga dijima.

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.

Yirmeya 6:22

Maweja-Nangila udi wamba ne: Bantu nebafumine mu ditunga didi luseke lua ku mutu kua ditunga. Tshisamba tshinene netshituadije luendu ku ndekelu kua buloba.

Yezekiyele 9:1

Pashishe, meme kumvua Maweja-Nangila wela diyi dikole, umanyisha bantu ne: — Luakunuayi, nuenu bonsu badibu batume bua kuya kunyoka tshimenga! Muntu yonsu afike ne tshiende tshia mvita mu bianza.

Yezekiyele 9:2

Nanku meme kumona bantu balume basambombu bapatukila mu tshiibi tshia nzubu wa Mvidi Mukulu tshidi luseke lua ku mutu menemene. Muntu yonsu uvua ne tshiende tshia mvita mu bianza. Munkatshi muabu muvua muntu umue muvuale bilamba bia buanda bua ndanda. Muntu awu uvua mupayika ku mikaba kabuta kavua ne bintu bia kufunda nabi. Bonsu kusemena, kuimana pabuipi ne tshilambuilu tshienza ne tshiamu tshikunze.

Sefanya 1:10

Maweja-Nangila udi wamba ne: “Mu Yerushalayime dituku adi, nebumvue mbila mikole ku tshiibi tshia Mishipa, miadi mu Tshimenga Tshipiatshipia, mutoyi wa bungi pa mikuna.

Zekâya 6:6

Ditempu divuabu bakoka kudi tubalu tufike kuyadi ku luseke lua buloba bua ku mutu. Tubalu tutoke kuyatu ku luseke ludi diba dibuelela. Tubalu tua matobamatoba kuyatu ku buloba bua kuinshi.