Yirmeya 4:5 - MUKANDA WA MYIDI MUKULU

⁵ Umanyishe bena Yuda ne: baluishi bakadi pabuipi. Udimuje bena Yerushalayime. Wele mpungi mu ditunga. Ela mbila ne diyi dikole, ubambile ne: nudisangishe mu bimenga bidibu bakoleshe ne bimana.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Umanyishe ba mu Yuda ne wele dî edi mu Yelushalema, ubambile ne, Elai mpungi ha buloba; bandisha mei ebe, ubambile ne, Nudisangishe hohamue, tubuele bietu mu misoko idi ne ngumbu.

Yirmeya 4:5 ပူးပေါင်းရင်းမြစ်များ

Yeshaya 28:19

Dinda dionsu, tshipupu netshinukuate, nansha bufuku katshiakunushila muaba. Bantu pumvuabu batshitela, nebafue bowa bunene!

Yirmeya 11:2

“Nunemeke ndondu umvua mutue nenu. Kuambaye kabidi ne: — Wambile bena Yuda ne bena Yerushalayime,

Yirmeya 35:11

Kadi tshikondu tshivua Nebukadnesare, mukalenga wa mu Babilone mubuele mu ditunga, tuvua bumvuangana bua kubuela mu Yerushalayime bua kunyema bena mvita ba bena Babilone ne ba bena Ashure. Nanku lelu, tudi tusomba mu Yerushalayime.

Yirmeya 5:20

Maweja-Nangila udi wamba ne: Ambila ndelanganyi ya Yakobe manyisha bena Yuda ne:

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Yirmeya 9:12

Maweja-Nangila nkayende kuandamuna ne: “Bualu bantu mbabenge mikenji imvua mubapeshe. Kabena bateleja nansha bakumbaja bimvua mubambile to.

Yezekiyele 7:14

Nansha bobu bela mpungi, balongolole mvita, muntu nansha umue kena uya ku mvita, bualu ndi mufikile bantu bonsu munda.”

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Yowele 2:1

Elayi mpungi mu Siyone, elayi mbila pa mukuna wa tshijila wa Mvidi Mukulu! Nuenu bonsu bena ditunga, nuzakale, bualu dituku didi Maweja-Nangila ufika munda dikadi pabuipi.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Amosa 3:8

Padi nyama wa ntambue ukungula, udi kayi ne bowa nnganyi? Padi Maweja-Nangila Mvidi Mukulu umanyisha bantu bualu, udi mua kubenga kubuambila bantu nnganyi?

Dibadika 10:2

— Wenzeje mpungi ibidi ya tshiamu tshitoke tshia mushinga mukole bua kubikila nayi bantu, nansha bua kubamanyisha diba didi tshiluilu tshionsu mua kubanga luendu.

Dibadika 10:3

Pelabu mpungi ayi ibidi musangu umue, bantu bonsu basemene pabuipi nebe mu mushiku wa ntenta wa kusambakena.

Yoshua 10:20

Yoshuwa ne bena Izrayele kutshimuna bena Amore menemene, kubabutula bonsu. Amu bantu bakese bavua banyema mvita ke bavua bapande, bapingana mu bimenga biabu, bivuabu bakolesha ne bimana.