Yirmeya 4:20 - MUKANDA WA MYIDI MUKULU

²⁰ Badi bamanyisha kabutu pa kabutu. Badi banyangakaja ditunga dijima. Nzubu yetu ya ntenta badi bayishimbula, bapanda bilamba biayi diakamue.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kubutuka kudi kulonda kubutuka, bualu bua buloba buonso buakubutuka; ntenta yanyi idi ishimbuka lukasa, ne bilulu bianyi bikudika bidi bituanyika mu kuvinya kua disu.

Yirmeya 4:20 ပူးပေါင်းရင်းမြစ်များ

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Ekesode 33:5

Maweja-Nangila kuambila Moshe bua kumanyisha bena Izrayele ne: “Bu mudibu ne tshitunu, meme muende nabu mutantshi mukese, ndi mua kubabutula bonsu. Kadi badikengeshe, bumushe bilenga bionsu bidibu nabi, bavuale anu bilamba bia dibungama, nanku nemmone tshindi mua kubenzela.”

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 15:5

Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Yeshaya 33:20

Neutangile Yerushalayime, neutangile Siyone, muaba udibu benzela bibilu bietu, nanku neumone ne: Yerushalayime ukadi muaba wa dikisha ne wa bupole, bu ntenta udibu kabayi batentemuna kabidi, kabayi batula milonda, kabayi basulula mionji yende.

Yeshaya 47:9

Kadi makenga aa abidi, neakukuate amu dituku dimue. Neufuishe bana bebe ne bayebe amu diatshimue. Bionsu ebi nebikuenzekele, nansha baloji ne bena majimbu benza tshinyi ne ntshinyi, bua kukusungidila.

Yeshaya 54:2

Diundisha munda mua ntenta webe, sakidila bilamba, ubivungulule. Kutangidi bungi bua biudi utula. Lepesha mionji ya kusuika nayi ntenta. Popela milonda bikole mu buloba.

Yirmeya 12:11

Lupangu luanyi lukadi bu lububa. Bavua banyanga bionsu, ki mbashiya tshintu nansha tshimue! Utshidi nalu ne bualu nnganyi?

Yirmeya 17:18

Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.

Yirmeya 4:21

Nemmone mabendela a baluishi too ne ku diba kaayi? Nengikale anu muteleje muadi wa mpungi wa kuya ku mvita anyi?

Yirmeya 4:27

Maweja-Nangila udi wamba ne: “Ditunga dijima nedishale amu tshipela tshidi tshikuatshisha bantu bowa. Kadi, tshiena musue kubutula bintu bionsu to.

Yirmeya 4:6

Asayi makunji adi aleja njila wa kuya ku Siyone bua kudipandisha. Kanuimanyi, kanujingakanyi to. Maweja-Nangila udi utuma dikenga dinene ne kabutu. Nebifumine luseke lua ku mutu kua ditunga.

Yirmeya 9:18

Badi bumvua meyi a muadi atumine ku Siyone, amba ne: “Tudi tukenga, tudi babutuke bikole be! Tudi ne bundu, bualu tudi ne bua kumuka mu ditunga dietu, kabidi bantu mbupule nzubu yetu!”

Muadi 3:47

Tshidi tshituindila tuetu: ke bowa ne dijimba, tshinyangu ne dibutuka.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Lewitiki 26:18

“Padi bionsu ebi binuenzekela kanuyi nungitaba, nanku nemvudije makenga enu awu misangu muanda mutekete, bua malu mabi anudi benza.

Lewitiki 26:21

“Panudi anu numbenga kanuyi nungitaba, meme nemvudije kabidi makenga enu misangu muanda mutekete.

Lewitiki 26:24

meme panyi nennubenge. Nemvudije tshiakabidi dinyoka dienu misangu muanda mutekete.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Abakuke 3:7

Ndi mmona mudi bena Kushane ne bowa, mudi bena Madiyane bazakala, batshina.

Dibadika 16:21

— Umukayi muaba udi bantu aba, bualu ndi musue kubabutula bonsu amu mpindiewu.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

2 Tesalonike 1:9

Nebapete dinyoka, babutuka kashidi. Kabakumonangana ne Mfumu; kabakumona bukole ne butumbi buende.