Yirmeya 39:4 - MUKANDA WA MYIDI MUKULU

⁴ Mukalenga Sedekiya ne bena mvita bende, kunyemabu pavuabu bamone bena Babilone. Butuku buila, kumukabu mu tshimenga. Kupitshilabu ku lupangu lua bukalenga ne ku tshiibi tshivua pankatshi pa bimana bibidi. Pashishe kupitshilabu mu njila uvua mutangile mu tshibanda tshia Yardene.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hakabatuma mukelenge Sedekiya, mukelenge wa Yuda, ne bena nvita bandi bonso, bakanyema, bakaluhuka mu musoko butuku, bakayila mu nshila wa tshibidi tshia mukelenge, bahitshila mu tshibi tshiakadi hankatshi ha ngumbu ibidi, bakayila mu nshila wa ku tshibanda tshia Alabâ.

Yirmeya 39:4 ပူးပေါင်းရင်းမြစ်များ

2 Kulondolola 32:5

Bu muvua Izkiya ne muoyi mukole, kulongolueshaye tshimana tshia ku tshimenga miaba yonsu ivuatshi tshinyanguke. Kulepeshaye tuleya. Pashishe, kuibakabu tshimana tshikuabu tshibidi pa mpenga pa tshimenga. Kukoleshabu bimana bivua muaba uvua mushiki wa buloba mu Tshimenga tshia Davide. Izkiya kuenzeja misongolu ne ngabu mivule.

Yeshaya 22:11

Nuvua bumbule tshiina tshia mayi, munkatshi mua bimana bibidi, bua kukoka mayi avua mu tshiina tshia mayi tshikulukulu. Kadi kanuena bavuluke ne: Mvidi Mukulu ke udi muenze malu onsu. Uvua mualongolole ku kale. Kadi nuenu kanuvua bamone bualu ebu.

Yeshaya 22:3

Balombodi ba tshituilu tshiebe bavua banyema bonsu, baluishi babu kabayi banji kubela mikete. Bantu bonsu bavua muluishi mupete, uvua ubela mu lukanu, nansha bavua banyeme kule mene.

Yeshaya 29:2

kadi nenkunyoke! Meme Maweja-Nangila ndi njadika nanku. Neudile muadi, neubungame. Tshimenga tshijima netshikale amu bu tshilambuilu tshitampakane mashi miaba yonsu.

Yirmeya 32:4

Nansha Sedekiya, mukalenga wa bena Yuda, kakunyema bena Babilone to. Bualu ndi musue kumufila kudi mukalenga wa mu Babilone. Nebamonangane ne Nebukadnesare mpala ne mpala. Neikale ne tshilumbu tshia kuandamuna ku nkonku idibu bamuela.

Yirmeya 32:5

Maweja-Nangila udi wamba ne: Pashishe nebaye ne Sedekiya mu Babilone. Neashalemu too ne ku lufu luende. Nansha nuenu batungunuke ne mvita, nuluisha bena Babilone, kanuakubatshimuna to.”

Yezekiyele 12:12

Mukalenga udi unulombola neambuile bintu biende pa makaya, neumbuke mu tshimenga mu midima. Nebatubule tshimana bua kumonaye mua kupatuka. Neadibuikile mpala bua kamonyi mudiye uya.

Yezekiyele 12:4

Munda munya, upatule bintu biebe kuebe, bobu batangile. Pashishe, dilolu uye bu mudi mupika umuka, bobu amu batangile.

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Amosa 2:14

Nansha muntu ne lubilu lukole, muaba wa kunyemena, kakuufika. Nansha tshilobu mene katshiakupeta bukole. Bena mvita ba bukitu kabakudisungidila ku lufu.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.