Yirmeya 39:3 - MUKANDA WA MYIDI MUKULU

³ Nanku balombodi bonsu ba bena mvita ba bena Babilone kubuela mu tshimenga, kuimanabu ku tshiibi tshia pankatshinkatshi. Muaba awu, uvua Nergale-Sareshe, mulombodi wa balombodi ba bena mvita, Samgare-Nebo, Sare-Sekime, muntu uvua mufidi wa ngenyi wa kumpala wa mukalenga, ne balombodi ba bena mvita ba bena Babilone bakuabu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

³ Mu tshikondo atshi baminyampala ba mukelenge wa Babulona hakabuela mu musoko, bakashikama hehi ne tshibi tshia hankatshinkatshi ha lumbu lua musoko. Menʼabo akadi Nêgala-shalesê, Samagâ-Nebo, Sâsekima, kapita ka Bantu Batungula, Nêgala-shalesê, kapita ka Bena Meji, ne baminyampala bakuabo bonso ba mukelenge wa Babulona.

Yirmeya 39:3 ပူးပေါင်းရင်းမြစ်များ

2 Bakalenga 17:30

Bantu bavua bafumine ku Babilone bavua benza lupingu lua mvidie Sukote-Benote, ba ku tshimenga tshia Kuta, bavua benza lupingu lua mvidie Nergale, ba ku tshimenga tshia Amate lupingu lua mvidie Ashima,

Yirmeya 1:15

Teleja tshindi ngamba: Nembikile bantu bonsu ba mu makalenga a ku mutu kua ditunga. Bamfumu babu nebafike, nebateke nkuasa yabu kumpala kua biibi bia Yerushalayime. Bimana bia Yerushalayime, ne bimenga bionsu bia bena Yuda, nebabinyungulukile bua kubikuata.

Yirmeya 21:4

Maweja-Nangila Mvidi Mukulu wa bena Izrayele udi wamba ne: “Nudi nuluisha tshiluilu tshia mukalenga wa bena Babilone tshidi tshinunyunguluila. Kadi meme nengambuluishe baluishi benu, bua bena mvita benu badi baluangana kumpala kua bimana bia tshimenga banyeme, bapingane munda mua tshimenga.

Yirmeya 38:17

Nanku Yirmeya kuandamuna mukalenga Sedekiya ne: — Maweja-Nangila Mvidi Mukulu wa bukole buonsu, Mvidi Mukulu wa Izrayele udi ukuambila ne: “Wewe mumuke bua kuya kudi mulombodi wa mvita wa bena Babilone, newikale ne muoyi, wewe ne bena diku diebe, tshimenga etshi kabakutshibutula kudi kapia to.

Yirmeya 39:13

Ke Nebuzaradane, mfumu wa bena mvita balami, kumyuangana ne Nebushazbane, mufidi wa ngenyi wa kumpala wa mukalenga, kabidi ne Nergale-Sareshe, mfumu wa balombodi be bena mvita, ne balombodi banene bakuabu babena mvita ba mukalenga wa Babilone.

Yezekiyele 26:10

Lupuishi ludi tubalu tuabu tua bungi tujule panshi nelukubuikile. Bimana biebe nebizakale ne mikuma ya nyama ya tubalu, kabidi ne mutoyi wa matempu abu a mvita. Nanku, nebabuele ku biibi biebe, anu bu mudibu babuela mu tshimenga padibu bamane kushimbula tshitupa tshia tshimana tshia tshimenga.