Yirmeya 38:7 - MUKANDA WA MYIDI MUKULU

⁷ Muena Kushe mukuabu, dina diende Ebede-Meleke, uvua mufidi wa ngenyi mu nzubu wa bukalenga. Kumvuaye ne: mbele Yirmeya mu tshiina tshia mayi. Bu muvua mukalenga Sedekiya muimane ku tshiibi tshia Binyamine.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakunvua Ebede-meleke, Muena Atiopa, muntu mutungula wakadi mu nsubu wa mukelenge, ne, Bakubuesha Yelemiya mu dina dia mai (mu diba adi mukelenge wakadi ushikama hehi ne Tshibi tshia Benyamina),

Yirmeya 38:7 ပူးပေါင်းရင်းမြစ်များ

2 Bakalenga 24:15

Nebukadnesare kuya ne mukalenga Yowakine, ne mamuende, bakaji ba Yowakine, kabidi ne bantu bavua mukalenga Yowakine mutekemene bikole, ne bamfumu ba bena Yuda.

Misambu 68:31

Kanyina bena Ejipitu, nyama ya mu mayi eyi. Tandisha bakalenga ba matunga, balume ba ngombe aba. Bakuambule nkanu yabu ya tshiamu tshitoke tshia mushinga mukole. Tangalaja bisamba bidi binanga mvita.

Nsumuinu 29:10

Bantu badi bashipangana badi bakina bantu bakane. Kadi bantu ba muoyi muimpe badi bakeba mua kuenda ne bantu bakane.

Yeshaya 56:3

Muena tshisamba tshikuabu, udi mulamate Maweja-Nangila, kena mua kuela meji a ne: “Maweja-Nangila mmunteke ku luseke. Mmungumushe munkatshi mua bantu bende.” Muntu mutungula kambi ne: “Ndi amu bu lukunyi luume.”

Yirmeya 13:23

Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.

Yirmeya 20:2

Kufutaye Yirmeya mapi, kumuelaye ku tshikunyi tshivua ku tshiibi tshia kulu tshia bena Binyamine, tshivua mu nzubu wa Mvidi Mukulu.

Yirmeya 26:16

Nanku balombodi ba mu bukalenga ne bantu bonsu kuambila batuangaji ne bambi ne: — Kabashipi muntu ewu nansha! Bualu mmutuambile menemene malu mu dina dia Maweja-Nangila Mvidi Mukulu wetu.

Yirmeya 29:2

(Mukanda awu Yirmeya uvua muutume pavuabu bamane kumuka mu Yerushalayime baye mu bupika kudi mukalenga Yekonya, mamuende mukalenga mukaji, balombodi ba mu bukalenga, bamfumu ba Yuda ne ba mu Yerushalayime, bansenda ne bena midimu ya biamu.)

Yirmeya 37:13

Uvua mupitshile ku tshiibi tshia Binyamine. Kupetanganaye ne mfumu wa balami ba bena mvita, dina diende Iriya, muana wa Shelemiya, ne muikulu wa Ananiya. Iriya kuimanyika muambi Yirmeya, kumuambila ne: — Udi uya kudi bena Babilone bua kubambuluisha anyi?

Yirmeya 38:8

Ebede-Meleke kupatuka mu nzubu wa bukalenga, kuya kumuambila ne:

Amosa 5:10

Ku tshilumbuluilu nudi nukina muntu udi unuvuluija munudi mua kukosa nsambu pa yoyi; nudi nutshina bikole udi ujadika malu amu muvuawu menzeke.

Zekâya 14:10

Ditunga dijima didi dinyunguluka Yerushalayime, nedishale mpata, biangatshile ku Ngeba ku mutu wa ditunga, too ne ku Rimone, kuinshi mu ditunga. Yerushalayime neikale ku mutu kua misoku idi mimunyunguluke. Tshimenga etshi netshituadije ku tshiibi tshia Binyamine, too ne ku tshiibi tshia ku Ditumba, ku muaba uvua tshiibi tshia kale, ne ku kaleya ka Ananeyele, too ne ku bikaminu bia nwinyo bia Mukalenga.

Matayi 20:16

Ke Yezu kuamba kabidi ne: nanku ba ndekelu nebikale ba kumpala; ba kumpala nebikale ba ndekelu.

Dielulula 21:19

baledi bamukuate, baye nende ku tshilumbuluilu kudi bakulu ba mu tshimenga.

Yoshua 20:4

Padi muntu uvua mushipangane awu mumane kufika mu tshimenga tshia kunyemena, udi wimanyina ku tshibuelelu, muaba udibu balumbuluishila bantu bonsu. Udi umvuija bakulu badi muaba awu, mushindu uvua njiwu mienzeke. Pashishe bakulu badi bamuanyisha bua abuele mu tshimenga, bamuleja muaba udiye mua kusomba.