Yirmeya 38:6 - MUKANDA WA MYIDI MUKULU

⁶ Balombodi banayi ba bena mvita aba kukuatshisha Yirmeya, kumuela mu tshiina tshia mayi tshia Malkiya, mulombodi wa bena mvita. Tshiina atshi tshivua tshiumbula mu lupangu lua bena mvita balami bamukalenga. Kupuekeshabu Yirmeya ku muonji mu tshiina atshi. Mu tshiina amu kamuvua mayi nansha. Kadi muvua amu bitotshi. Yirmeya kubuelamu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku bakakuta Yelemiya, bakamuela mu dina dia mai dia Malekiya, muana wa mukelenge, diakadi mu tshiendelu tshia balami; bakahuekesha Yelemiya ku mionshi. Mu dina adi kamuakadi mai, anu bitotshi; ne Yelemiya wakabuela mu bitotshi.

Yirmeya 38:6 ပူးပေါင်းရင်းမြစ်များ

Genese 37:24

Kumuelabu mu tshiina tshivua katshiyi ne mayi.

Misambu 109:5

badi bangenzela malu mabi pa malu mimpe, bankina pandi meme mubanange.

Misambu 40:2

Mvua mutekemene bikole kudi Maweja-Nangila. Kuinamaye kundi, kumvuaye lubila luanyi.

Misambu 69:2

Mvidi Mukulu wanyi, unsungidile! Mayi mmankuate ne mu nshingu.

Yirmeya 32:2

Tshikondu atshi, bena mvita ba mu bena Babilone bavua baluisha Yerushalayime. Muambi Yirmeya uvua mu nzubu wa lukanu mu lubanza lua bena mvita balami ba mukalenga wa bena Yuda.

Yirmeya 36:26

Mukalenga kutuma diyi kudi Yerameyele mulombodi wa bena mvita, kudi Seraya, muana wa Azriyele, ne kudi Shelemiya, muana wa Abdeyele, bua bele muambi Yirmeya ne Baruke mufundi mu nzubu wa lukanu. Kadi Maweja-Nangila kusokoka Baruke ne Yirmeya.

Yirmeya 37:16

Kuelabu Yirmeya mu nzubu wa lukanu wa munda mua buloba. Kushalayemu mutantshi mule.

Yirmeya 37:21

Nanku, mukalenga Sedekiya kuela mukenji bua balame Yirmeya mu lupangu lua bena mvita balami ba mukalenga, kabidi bua bamupeshe ku dituku diampa dia tshijengu divuabu balamba mu musesu wa Boshi ba mampa, too ne ku diba didibu kabayi mua kupeta kabidi diampa! Ke muvua Yirmeya mushale mu lupangu lua bena mvita balami ba mukalenga nanku.

Yirmeya 38:13

bantu kukoka mionji, kumupatulabu mu tshiina. Ke Yirmeya kushala mu lupangu lua bena mvita balami ba mukalenga.

Yirmeya 38:22

bakaji bonsu badi bashale mu nzubu wa bukalenga nebabakuate kudi balombodi ba bena mvita ba mukalenga wa mu Babilone. Bakaji abu, nebanusake mu musambu bimba ne: Balunda bebe baudi munange, badi bakudinga! Paudi ne ntatu, kabena nebe kabidi bualu to!

Danyele 6:16

Kadi baluishi ba Daniyele kupingana lukasa kudi mukalenga wa bakalenga, kumuambila ne: — Mukalenga wa bakalenga, udi mumanye bimpe ne: bilondeshile meyi a bena Madayi ne a bena Persa, mukenji muela kudi mukalenga munene kabena mua kushintulula to.

Zekâya 9:11

Maweja-Nangila udi wamba ne: “Bualu bua ndondu undi mutue nenu, udi mashi a nyama ya milambu mashindike, nempikule bana benu badi mu lukanu, badi basomba mu bupika bu mu tshina katshiyi ne mayi.

Bienzedi 16:24

Mulami umvua nanku, kubelaye mu kazubu ka munda mua nzubu menemene. Kubelaye kabidi tshikunyi ku makasa.

Ebrewu 10:36

Nuikale ne munanunanu bua nukumbaje tshidi Mvidi Mukulu musue, nupete bidiye munulaye.