Yirmeya 38:4 - MUKANDA WA MYIDI MUKULU

⁴ Balombodi ba bena mvita aba mbamane kumvua muvua Yirmeya muambe, kuambilabu mukalenga Sedekiya ne: — Tudi tulomba bua kushipa Yirmeya ewu. Bionsu bidiye wamba, bidi bitekesha bikole bena mvita ne bantu badi bashale mu tshimenga. Muntu ewu udi utukebela amu diakabi. Kena bualu ne diakalenga dietu to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe baminyampala bakambila mukelenge ne, Tudi tukusengelela bua bashihe muntu eu, bualu bua udi utekesha maboko a bena nvita badi bashala mu musoko eu, ne maboko a bantu bakuabo bonso, habambileye mei a nunku; bualu bua muntu eu kena ukebela bantu diakalengele, kadi udi ubakebela dikenga.

Yirmeya 38:4 ပူးပေါင်းရင်းမြစ်များ

1 Bakalenga 21:20

Eliya kuya kuambila Akabe bionsu abi. Akabe kumuambila ne: — Wewe muluishi wanyi, wapinganyi kabidi kundi! Eliya kuitaba ne: — Eyowa, ngapinganyi kabidi kuudi, bualu wewe udi usanka bua kuenza bidi Maweja-Nangila ubenga.

2 Kulondolola 24:21

Bena Yuda kuelela mutuangaji Zekarya tshifufu tshibi. Mukalenga Yowashe kubabikila bua base Zekarya mabue mu lubanza mene lua nzubu wa Mvidi Mukulu.

Ezela 4:12

“Mukalenga, tudi tukumanyisha ne: bena Yuda badi bumuke kuebe, bafike kuetu kunu ku Yerushalayime, badi basue kuasulula tshimenga etshi tshibi tshia bantomboji. Badi benzulula tshitaku, babandisha ne bimana.

Nehemya 6:9

Bionsu abi, Sanebalate ne Ngesheme bavua babienza bua binkuatshisha bowa. Bavua bakeba mua tuetu kuteketa mu maboku, kulekela mudimu. “Eyi, Maweja-Nangila ungambuluishe mu mudimu ewu.”

Ekesode 5:4

Mukalenga wa bena Ejipitu kuandamuna ne: — Wewe Moshe ne Arone, lekelayi kupumbisha bantu bua kuenzabu mudimu. Pinganayi ku midimu yenu.

Yirmeya 11:21

Ke mudi Maweja-Nangila wa bukole buonsu ne bualu budiye musue kuambila bena Anatote, badi bakeba kunshipa. Bena musoku wetu badi bankandika ne: “Kuena mua kuikala kabidi muambi udi umanyisha bantu malu mu dina dia Maweja-Nangila. Tshianana tudi tukushipa.”

Yirmeya 18:23

Wewe Maweja-Nangila udi mumanye bionsu, bidibu benza bua kunshipesha. Kuena mua kubafuila luse. Kuena mua kulengulula bilema biabu. Ubele panshi, ubaleje tshiji tshiebe!

Yirmeya 26:11

Ke batuangaji ne bambi kuambila balombodi aba ne bantu bavua muaba awu ne: — Muntu ewu, mbimpe bamushipe, bualu uvua muambe tshimenga tshia Yerushalayime bibi. Nuenu mene nuvua badiumvuile.

Yirmeya 29:7

Nuambuluishe tshimenga tshindi munutume ku bupika, tshipete bubanji. Nutshilombele kundi. Bualu, tshiotshi tshikale ne diakalenga, nenuikale nadi ne nuenu kabidi.

Yirmeya 38:16

Kadi mukalenga kuditshipa kudi Yirmeya, bobu bikale amu babidi, wamba ne: — Bu mudi Maweja-Nangila ne muoyi, mutupe kabidi muoyi, ndi nditshipa ne: tshiena mua kukushipesha, nansha kukufila kudi bantu aba badi bajinga lufu luebe to.

Yirmeya 38:25

Kadi balombodi banene ba bena mvita nebajingulule ne: ndi muyukile nebe. Nanku nebafike bua kukukonka pa malu atudi bambilangane. Nebakulaye ne: katuakushipa paudi utuambila bualu bujima.

Yirmeya 43:3

Barake, muana wa Neriya, ke udi ukusonsola bua wewe kutuambila nanku. Barake mmusue bua batukuate kudi bena Babilone, batushipe, nansha baye netu kuabu mu bupika.

Yezekiyele 22:27

Balombodi benu badi bashipangana anu bua kunema, bu mudi nyama ya lonji ishipa nyama, iyipandabipese bipese.

Amosa 7:10

Amashiya, mutuangaji wa mu Betele, kumanyisha Yerobowame, mukalenga wa Izrayele, ne: “Amosa mmukuelele tshifufu tshibi munkatshi mua bena Izrayele. Bidiye wamba, bidi mua kunyanga ditunga.

Luke 23:2

Kutuadijabu kumusonguela kua Pilate, bamba ne: — Tudi basangane muntu ewu upambula bena ditunga. Udi ukandika bantu ne: kanufutshi tshitadi tshia mukalenga wa bakalenga. Udi udiamba kabidi ne: ndi Kristu, mukalenga wa ditunga.

Bienzedi 16:20

Kubimanyikabu kumpala kua balombodi ba tshimenga ba bena Rome, babambila ne: — Bantu aba badi batombola bantu mu tshimenga tshietu. Badi bena Yuda!

Bienzedi 17:6

Bu muvuabu kabayi babasangane, kukuatabu Yazone ne bena ditaba bakuabu, kuyabu babapulumuna kumpala kua bamfumu ba tshimenga, bela mbila ne: — Bantu aba mbatombole bantu miaba yonsu. Mpindiewu bakadi muetu munu!

Bienzedi 24:5

Tudi bamanye se: muntu ewu ntshipupu. Udi utombueja bena Yuda bonsu pa buloba bujima. Udi mfumu wa tshisumbu tshia bena Nazarete.

Bienzedi 28:22

Nanku tudi basue kudiumvuila meji audi wela. Bualu tudi bamanye ne: tshisumbu tshiudi mubuele atshi, miaba yonsu bantu badi batshibenga.