Yirmeya 38:19 - MUKANDA WA MYIDI MUKULU

¹⁹ Mukalenga Sedekiya kumuandamuna ne: — Bowa budi bunkuata bua bena Yuda bavua badifile kudi bena Babilone. Ndi ntshina ne nebainfile kudi bantu abu bua bampetule.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Mukelenge Sedekiya wakambila Yelemiya ne, Ndi ntshina Bena Yuda bakubuela ku luseke lua Bena Kasada, bua tshifidibu mu bianza biabo, ne bua bobo kabantshimbishi.

Yirmeya 38:19 ပူးပေါင်းရင်းမြစ်များ

2 Kulondolola 30:10

Bantu bavua Izkiya mutume abu, kuendakanabu mu buloba bua Efrayime ne bua Menashe. Kupitshilabu mu bimenga bionsu. Pashishe kuyabu mu tshisamba tshia Zebulone. Kadi muaba awu bantu bavua babaseka, babalembakaja.

Nehemya 4:1

Kadi Sanebalate, Tobiya, bena Arabe, bena Amone, ne bena Asdode, ku-mvuabu muvua dibakulula dia tshimana tshia tshimenga tshia Yerushalayime diya kumpala, mutuvua tuamba kujikija mudimu wa kuibakulula miaba ivua miupuke. Nanku kufikabu munda bikole.

Yobe 31:34

Tshivua ne bowa bua kudileja patoke mu bantu nansha. Tshivua mutshine kapeja kabu. Tshivua mushale mupuwa ne bowa nansha.

Nsumuinu 29:25

Udi utshina bantu udi uditeya nkayende. Kadi muntu udi uditeka mu bianza bia Maweja-Nangila udi usomba talalaa.

Yeshaya 57:11

Udi mukukuatshishe bowa, uudi utshina bikole nanku, bua wewe kunshima, bua wewe kubenga kunzuluka, bua wewe kubenga kungangata ne mushinga, nnganyi? Bu mundi mupuwe mutantshi mule, kuena ungangata kabidi ne mushinga. Udi wela meji ne: biudi wenza mbiakane anyi?

Yirmeya 20:7

Maweja-Nangila wewe kuntekesha! Meme kuanyisha bua wewe kuntekesha! Wewe kunkuata, wewe kumpita bukole! Bantu badi banseka matuku onsu. Bonsu badi bampetula.

Yirmeya 38:22

bakaji bonsu badi bashale mu nzubu wa bukalenga nebabakuate kudi balombodi ba bena mvita ba mukalenga wa mu Babilone. Bakaji abu, nebanusake mu musambu bimba ne: Balunda bebe baudi munange, badi bakudinga! Paudi ne ntatu, kabena nebe kabidi bualu to!

Yirmeya 38:5

Nanku, mukalenga Sedekiya kuandamuna ne: — Ee mbimpe! Numuenzele munudi basue. Bualu nansha meme mukalenga, tshiena ne bumfumu bua kunukandika to.

Yirmeya 39:9

Pashishe, Nebuzaradane, mfumu wa bena mvita balami ba mukalenga, kukuata bantu bavua bashale mu tshimenga ne bavua badifile kudiye, too ne bena midimu ya bianza bavua bashale.

Yowanane 12:42

Kadi nansha munkatshi mua bamfumu ba bena Yuda, ba bungi kuitaba Yezu. Kadi kabavua badileja patoke. Bualu bavua batshina Baparushe bavua mua kubipata mu nzubu wa kutendelela.

Balombodi 16:25

Bu muvua bena Peleshete ne disanka dia bungi, kutumabu diyi bua bafike ne Shimeshone bua kubasekeshaye. Kupatulabu Shimeshone mu nzubu wa lukanu. Bantu bamumone, kusekabu bikole. Bamane kumuimanyika pankatshi pa makunji a ku nzubu wa mvidie wabu,

Balombodi 9:54

Diakamue Abimeleke kubikila muana wa balume uvua muambule bia mvita biende. Kumuambilaye ne: — Angata muele webe, unshipe, bua bantu kabambi ne: muntu mukaji mmushipe Abimeleke. Muana wa balume awu kutua Abimeleke muele, kuabulukangana. Abimeleke kufua.

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.