Yirmeya 38:18 - MUKANDA WA MYIDI MUKULU

¹⁸ Kadi paudi ubenga kuya kudi balombodi ba mukalenga wa bena Babilone, tshimenga etshi, nebatshikuate kudi bena Babilone, nebatshibutule batshioshe. Wewe mene kuakushala, kuakupanda to.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kadi biwabenga kuluhuka kudi baminyampala ba mukelenge wa Babulona, nunku nenfile musoko eu mu bianza bia Bena Kasada; bobo nebawoshe ne kahia, ne wewe kuena uhanduka mu bianza biabo.

Yirmeya 38:18 ပူးပေါင်းရင်းမြစ်များ

2 Bakalenga 24:12

Ke mukalenga Yowakine kumuka mu tshimenga ne mamuende, balombodi ba bena mvita bende, bena mudimu bende bavua bamanyike bikole, kabidi ne bantu bonsu bavuaye mutekemene bikole. Yowakine kuya kudi mukalenga wa bena Babilone. Kadi, mukalenga wa bena Babilone kubela mu nzubu wa lukanu. Tshikondu atshi, Nebukadnesare uvua mumane kulala mu bukalenga bidimu muanda mukulu.

Yirmeya 21:10

Tshiena ne meji a kusungidila tshimenga etshi, kadi anu a kutshibutula. Mukalenga wa bena Babilone neatshikuate, neatshioshe ne kapia.”

Yirmeya 27:8

Pikala bena tshisamba kampanda, anyi bena bukalenga, babenga kuitaba ku diyi dia mukalenga Nebukadnesare, nansha babenga kuambula mutshi wa bupika udiye ubateka pa makaya, nembanyoke ne mvita, ne tshiyole tshia nzala, kabidi ne disama dia tshiambu. Nengambuluishe Nebukadnesare bua amone mua kubutula bantu aba.

Yirmeya 37:8

Bena Babilone nebafike kabidi bua kuluisha tshimenga etshi. Nebatshikuate, batshioshe ne kapia.

Yirmeya 38:23

Eyowa, nebafile bakaji bebe ne bana bebe ba balume kudi bena Babilone. Nansha wewe kuakunyema to. Mukalenga wa bena Babilone neakuele mu lukanu. Neabutule tshimenga etshi ne kapia.

Yirmeya 38:3

Yirmeya uvua wamba kabidi ne: — Maweja-Nangila udi wamba ne: ndi mumane kushindika bua kufila tshimenga etshi kudi tshiluilu tshia mukalenga wa mu Babilone. Yeye mene ke watshikuata.

Yirmeya 39:3

Nanku balombodi bonsu ba bena mvita ba bena Babilone kubuela mu tshimenga, kuimanabu ku tshiibi tshia pankatshinkatshi. Muaba awu, uvua Nergale-Sareshe, mulombodi wa balombodi ba bena mvita, Samgare-Nebo, Sare-Sekime, muntu uvua mufidi wa ngenyi wa kumpala wa mukalenga, ne balombodi ba bena mvita ba bena Babilone bakuabu bonsu.

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yezekiyele 12:13

Kadi meme Maweja-Nangila ndi mmuteya bua bamukuate. Nemmutume mu ditunga dia bena Babilone, didiye kayi mua kumona. Kadi neafuilemu.

Yezekiyele 17:15

Kadi mukalenga mupiamupia uvua mutombokele usua mumutshimune. Uvua mutume bantu ne mukenji ku Ejipitu, ulomba bena mvita ba bungi ne nyama ya tubalu. Kadi muntu uvua muenze bionsu ebi neapete diakalenga anyi? Neasungidile ditunga anyi? Nansha kakese! Bualu muntu uvua munyange ndondu uvuabu batue, kabakupanga kumunyoka.