Yirmeya 32:9 - MUKANDA WA MYIDI MUKULU

⁹ Nanku, meme Yirmeya kusumba budimi bua Anameyele buvua ku Anatote, kufuta nkanu dikumi ne muanda mutekete ya tshiamu tshitoke tshia mushinga mukole.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nunku nakasumba budimi buakadi mu Anatota kudi Hanamele, muana wa mansebʼanyi, nakamuidikishila bituha bia argent, bu nshekele ya argent dikumi ne muanda mutekete.

Yirmeya 32:9 ပူးပေါင်းရင်းမြစ်များ

Genese 24:22

Nsongakaji mumane kunuisha tumelu tuonsu mayi, muena mudimu kumupa kakanu ka mpawungi kikale ne bujitu bu bua gramme isambombu. Kumupa kabidi bikanu bibidi bia ku maboku, tshikanu tshionsu tshivua ne bujitu bupite pa gramme lukama.

Genese 37:28

Pamonubu bangenda mushinga ba bena Madiyane bapita, kupatulabu Yozefe mu tshiina, kumusumbishabu kudi bena Ismayele ku nkanu ya tshiamu tshitoke tshia mushinga mukole makumi abidi. Bena Ismayele kuya nende mu Ejipitu.

1 Bakalenga 20:39

Pavua mukalenga Akabe upita, muambi kumuambila ne: — Mukalenga, mvua munkatshi mua mvita. Muntu mukuabu kumuka ku milongu ya bena mvita, kumpesha muena lukanu, ungambila ne: “Undamine muntu ewu! Yeye munyeme, wewe neuye mu bupika pa muaba wende, anyi neumpeshe nkanu mitoke ya mushinga mukole binunu bisatu.”

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Estere 3:9

Paudi musue, funda mukanda, ele diyi bua babutule bantu aba. Nanku meme nempeshe bena mudimu badi balongolola malu a bukalenga kilo binunu nkama isatu ya tshiamu tshitoke tshia mushinga mukole, bua babiteke mu tshibutshilu tshia bukalenga.

Ekesode 21:32

Pikala ngombe mulume mutuute mupika mulume nansha mukaji ku nsengu, nebafute mfumu wa mupika awu nkanu ya tshiamu tshitoke tshia mushinga mukole makumi asatu. Kadi ngombe nebamushipe ku mabue.

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Yezekiyele 4:10

Neudie ku dituku ku dituku biakudia bia grame 250, kuyi upeta tshintu tshikuabu dituku adi.

Osheya 3:2

Nanku, meme kuangata mukajanyi tshiakabidi, ku nkanu dikumi ne itanu ya tshiamu tshitoke tshia mushinga mukole, ne ku litre 600 ya ntete ya orje.