Yirmeya 32:7 - MUKANDA WA MYIDI MUKULU

⁷ — Anameyele, muana wa Shalume, tatuebe mukuabu, neafike kuudi bua usumbe budimi buende budi mu Anatote. Bualu wewe udi muanabu menemene. Nanku wewe ke muntu wa kumpala udi mua kubupikula.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Tangila, Hanamele, muana wa Shaluma mansebʼebe, nealue kudi wamba ne, Usumbe hudimi buanyi budi mu Anatota bualu bua bukokeshi bua kubuhikula ku mushinga budi kudi.

Yirmeya 32:7 ပူးပေါင်းရင်းမြစ်များ

1 Bakalenga 14:5

Kadi, Maweja-Nangila uvua mumane kumumanyisha ne: — Mukaji wa Yerobowame neafike. Neikale mudileje bu mukaji mukuabu. Pafikaye, neakukonke bua muanende wa balume udi usama. Nanku, umuambile bionsu bindi mukuambile.

Yirmeya 1:1

Mu mukanda emu, badi batuambila malu onsu adi Yirmeya, muana wa Ilkiya muambe, ne adiye muenze. Yirmeya uvua wa mu diku dia batuangaji. Batuangaji abu bavua basombela mu musoku wa Anatote, mu buloba bua bena Binyamine.

Yirmeya 11:21

Ke mudi Maweja-Nangila wa bukole buonsu ne bualu budiye musue kuambila bena Anatote, badi bakeba kunshipa. Bena musoku wetu badi bankandika ne: “Kuena mua kuikala kabidi muambi udi umanyisha bantu malu mu dina dia Maweja-Nangila. Tshianana tudi tukushipa.”

Yirmeya 32:6

Yirmeya uvua wamba ne: Meme kumvua Maweja-Nangila ungambila ne:

Yirmeya 32:8

Bu muvua Maweja-Nangila mungambile, Anameyele, muana wa tatu mukuabu, kufikaye kundi mu lupangu lua bena mvita balami ba mukalenga. Kungambilaye ne: — Wewe udi ne bua kusumba budimi bundi nabu ku Anatote, mu buloba bua bena Binyamine. Bualu wewe udi muanetu menemene. Wewe ke wa kumpala udi mua kubuangata, kubupikula bua buikale buebe. Ke meme kujadika ne: Maweja-Nangila ke uvua mungambile malu.

Lewitiki 25:23

“Kanuena mua kusumbisha buloba bua kashidi to, bualu buloba mbuanyi meme Maweja-Nangila. Nuenu nudi anu bena tshimuangi, benyi badi basombe mu ditunga dianyi meme.

Lewitiki 25:24

Nenku mu ditunga dionsu dindi nnupesha, nenuelele mikenji idi mua kuambuluisha muntu bua apikule madimi ende.

Lewitiki 25:25

“Padi muanenu musue kusumbisha budimi buende, bua dikenga didi dimukuata, anu muena diku ke udi ne mushindu wa kupikula budimi abu.

Lewitiki 25:34

Kadi madimi onsu a bena Levi adi ku mpenga kua bimenga biabu, kabena mua kuapanyisha to, bualu mmamane kushala kashidi anu mu dina dia bena Levi.

Lewitiki 25:49

Padiye kayi ne muanabu wa tatuende udi mua kumupikula, nebamupikule kudi tatuende mukuabu, nansha kudi muana wa tatuende mukuabu, nansha kudi muanabu wa mu diku. Nansha yeye muine udi mua kudipikula padiye ne mushindu.

Dibadika 35:2

— Wambile bena Izrayele, basungule mu buloba buabu bimenga, ne miaba ya kudishila bimuna biabu, babipeshe bena Levi.