Yirmeya 32:2 - MUKANDA WA MYIDI MUKULU

² Tshikondu atshi, bena mvita ba mu bena Babilone bavua baluisha Yerushalayime. Muambi Yirmeya uvua mu nzubu wa lukanu mu lubanza lua bena mvita balami ba mukalenga wa bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

² Mu tshikondo atshi masalayi a mukelenge wa Babulona akadi atshintshimika Yelushalema, ne bakamana kubuesha muprofete Yelemiya mu lukanu luakadi mu tshiendelu tshia bansentedi tshia mu nsubu wa mukelenge wa Yuda.

Yirmeya 32:2 ပူးပေါင်းရင်းမြစ်များ

2 Bakalenga 25:1

Ke Nebukadnesare kufika mu Yerushalayime ne bena mvita bende bonsu. Kuasaye mitanda yende kumpala kua tshimenga. Bena Babilone kunyungulula tshimenga atshi ne mishiki ya maloba. Bualu ebu buvua buenzeka mu matuku dikumi a ngondu wa dikumi, Sedekiya mumane kulala mu bukalenga bidimu tshitema.

Nehemya 3:25

Palale, muana wa Uzayi, uvua wibakulula tshitupa tshia tshimana tshivua pankatshi pa ditumba divua dipatuka, ne ku kaleya kavuabu basa kumpala kua nzubu wa bukalenga, uvua pabuipi ne lubanza lua bena mvita bavua balame mukalenga. Pashishe, Pedaya, muana wa Paroshe,

Misambu 88:8

Udi muntekele tshiji tshikole, udi unkengesha ne mavuala.

Yirmeya 32:3

Sedekiya uvua mumuelemu bualu uvua mufike munda bua muaku uvua Yirmeya muakule mu dina dia Maweja-Nangila ne: “Nemfile Yerushalayime mu bianza bia mukalenga wa mu Babilone. Yeye neakuate tshimenga.

Yirmeya 32:8

Bu muvua Maweja-Nangila mungambile, Anameyele, muana wa tatu mukuabu, kufikaye kundi mu lupangu lua bena mvita balami ba mukalenga. Kungambilaye ne: — Wewe udi ne bua kusumba budimi bundi nabu ku Anatote, mu buloba bua bena Binyamine. Bualu wewe udi muanetu menemene. Wewe ke wa kumpala udi mua kubuangata, kubupikula bua buikale buebe. Ke meme kujadika ne: Maweja-Nangila ke uvua mungambile malu.

Yirmeya 33:1

Muambi Yirmeya utshivua mu lukanu mu lupangu lua bena mvita balami ba mukalenga. Maweja-Nangila kumumanyisha kabidi ne:

Yirmeya 34:1

Nebukadnesare, mukalenga wa mu Babilone, uvua muluishe Yerushalayime ne bimenga bikuabu bia bena Yuda. Uvua ne bena mvita bende bonsu, kabidi ne bena mvita ba mu matunga ne bisamba bionsu bivua ku diyi diende. Tshikondu atshi, ke Maweja-Nangila kuambila Yirmeya ne:

Yirmeya 36:5

Pashishe, Yirmeya kuambila Baruke ne: — Mbakandike bua meme kubuela mu nzubu wa Mvidi Mukulu. Nanku meme tshiena mua kuyamu to.

Yirmeya 37:15

Bobu abu kufikila Yirmeya munda, kumutuutabu. Pashishe kumukangilabu mu nzubu wa Yonatane, mufundi wa mikanda ya mu bukalenga. Nzubu wende bavua bamuenze nzubu wa bena lukanu.

Yirmeya 37:21

Nanku, mukalenga Sedekiya kuela mukenji bua balame Yirmeya mu lupangu lua bena mvita balami ba mukalenga, kabidi bua bamupeshe ku dituku diampa dia tshijengu divuabu balamba mu musesu wa Boshi ba mampa, too ne ku diba didibu kabayi mua kupeta kabidi diampa! Ke muvua Yirmeya mushale mu lupangu lua bena mvita balami ba mukalenga nanku.

Yirmeya 37:4

Mu tshikondu atshi, kabavua banji kuela kabidi Yirmeya mu lukanu to. Utshivua wendakana muvuaye musue.

Yirmeya 38:13

bantu kukoka mionji, kumupatulabu mu tshiina. Ke Yirmeya kushala mu lupangu lua bena mvita balami ba mukalenga.

Yirmeya 38:6

Balombodi banayi ba bena mvita aba kukuatshisha Yirmeya, kumuela mu tshiina tshia mayi tshia Malkiya, mulombodi wa bena mvita. Tshiina atshi tshivua tshiumbula mu lupangu lua bena mvita balami bamukalenga. Kupuekeshabu Yirmeya ku muonji mu tshiina atshi. Mu tshiina amu kamuvua mayi nansha. Kadi muvua amu bitotshi. Yirmeya kubuelamu.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.