Yirmeya 30:3 - MUKANDA WA MYIDI MUKULU

³ Bualu ndi nkuambila ne: dituku nedifike, dingapikula bantu banyi bena Izrayele mu bupika, kabidi ne bena Yuda. Nembapingaje mu ditunga dimvua mupeshe bankambua babu. Nebasombemu tshiakabidi. Ke tshindi meme Maweja-Nangila ngamba.

Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua Yehowa udi wamba ne, Mu matuku alualua nenkudimune buhika bua bantu banyi Bena Isalele ne Bena Yuda, nembahingashe mu buloba bunakaha batatu babo, ne bobo nebikale nʼabu.

Yirmeya 30:3 ပူးပေါင်းရင်းမြစ်များ

Ezela 3:1

Bena Izrayele bonsu bamane kusomba mu bimenga biabu, kumvuanganabu diyi dimue dia kusangila bonsu mu Yerushalayime, ngondu wa muanda mutekete wa tshidimu.

Ezela 3:12

Batuangaji bavule, bena Levi, ne bamfumu ba meku, bonsu bantu bakole bavua bavuluka muvua nzubu wa Mvidi Mukulu wa kale, kudilabu bikole, pavuabu bamone bantu bibaka tshitaku tshia nzubu wa Mvidi Mukulu mupiamupia. Kadi bantu bakuabu ba bungi, bavua basanka, batuta bikashi.

Ezela 3:8

Bobu bamane kupingana mu Yerushalayime, tshimenga tshivua ne nzubu wa Mvidi Mukulu, tshidimu tshijima tshimane kupita, mu ngondu muibidi kutuadijabu mudimu kudi Zerubabele, muana wa Sheyaltiyele, Yeshuwa, muana wa Yoshadake, bana babu batuangaji bakuabu, bena Levi, ne bonsu bavua bafume ku bupika. Kutekabu bena Levi bavua ne bidimu bituadije ku makumi abidi ne pa mutu, bua kulombola midimu ya kuibaka nzubu wa Maweja-Nangila.

Misambu 126:4

Maweja-Nangila, tupingajila disanka tshiakabidi, bu muudi ufululula misulu miume.

Misambu 53:6

Kadi bantu abu bavua kabayi batshina tshintu kumpala, nebakuatshike bowa mpindiewu, bualu Mvidi Mukulu neamuangalaje mifuba ya badi bakengesha bantu bende. Badi babalembakaja, bualu Mvidi Mukulu mmubabenge.

Yirmeya 16:15

Kadi nebambe ne: “Ndi nditshipa mu dina dia Maweja-Nangila udi ne muoyi, udi mumushe bena Izrayele mu ditunga dia ku mutu, ne mu matunga makuabu avuaye mubatume mu bupika!” Bualu nembapingaje mu buloba buabu, bumvua mupeshe bankambua babu.

Yirmeya 23:5

Maweja-Nangila udi wamba ne: Dituku nedifike dindi mbikila muntu wa ku ndelanganyi ya Davide menemene. Neikale mukalenga muakane. Neenze amu malu mimpe. Neakose amu nsambu pa yoyi mu ditunga.

Yirmeya 27:11

Kadi pikala bena tshisamba kampanda mua kuambula mutshi wa bupika udi mukalenga wa mu Babilone muteke pa makaya abu, bitabe ku diyi diende, nebashale mu buloba buabu. Nebasombe, badime. Ke mundi meme Maweja-Nangila ngamba nanku.

Yirmeya 27:22

“Biuma bionsu bidi bishale mu nzubu wa Mvidi Mukulu, nansha mu nzubu wa mukalenga wa bena Yuda, anyi mu Yerushalayime, nebaye nabi mu Babilone. Nebishale aku too ne diba dindi meme muine musue bua bapingane nabi kuneku.” Ke mudi Maweja-Nangila wamba nanku.

Yirmeya 29:10

“Maweja-Nangila udi wamba kabidi mpindiewu ne: Bukalenga bua bena Babilone nebushale kabidi bidimu makumi muanda mutekete. Diba adi nennusungidile. Nenkumbaje malu mimpe amvua munulaye. Nennupingaje mu Yerushalayime.

Yirmeya 29:14

Nennumushe mu bisamba bionsu ne miaba yonsu imvua munutangalaje. Nennusangishe, nnupingaje muaba ewu umvua munukuatshishe bua kunutuma mu bupika. Meme Maweja-Nangila ndi njadika nanku.

Yirmeya 3:18

Diba adi, bena Yuda ne bena Izrayele nebumvuangane. Bonsu babidi nebafumine mu ditunga didi ku mutu kua dienu, bua kupingana mu ditunga dimvua mupeshe bankambua babu bua dishale diabu.

Yirmeya 30:10

Maweja-Nangila udi wamba ne: Nuenu bena Izrayele nudi bantu banyi, kanutshinyi to. Nuenu ndelanganyi ya Yakobe, kanuzakadi to. Bualu nennusungidile, nnumushe ku matunga adi kule. Nensungidile bana banudi balele badi mu matunga a bende, muvuabu baye nenu mu bupika. Bena Izrayele, nenupingane kuenu, nenusombe talalaa. Kabakunutatshisha kabidi to.

Yirmeya 30:18

Maweja-Nangila udi wamba ne: — Bena meku a Izrayele, nennupingaje mu ditunga dienu! Nemfuile meku enu onsu luse. Nenuasulule bimenga bienu, nenuibakulule nzubu yenu milenga miaba yayi ya kale.

Yirmeya 30:4

Ke Maweja-Nangila kuambila Yirmeya bua kumanyishaye bena Izrayele ne bena Yuda kabidi ne: Ndi ngunwua bantu bela mbila ne bowa. Badi bazakala, kabayi bikisha.

Yirmeya 31:16

Kadi Maweja-Nangila udi umuambila ne: Lekela muadi, kupula binsonji biebe, bualu nenkufute bua bionsu biuvua wenzela bana bebe. Ke meme Maweja-Nangila udi wamba nanku! Bana bebe nebumuke kudi baluishi, kudi bena lukuna babu, bua kupingana kuabu.

Yirmeya 31:23

Maweja-Nangila wa bukole buonsu, Mvidi Mukulu wa Izrayele, udi wamba ne: Pangapingaja bantu mu ditunga diabu ne mu bimenga bia Yuda, nebambe tshiakabidi ne: “Maweja-Nangila akuele lupemba, wewe mukuna wa tshijila wa Siyone, muaba udiye usomba!”

Yirmeya 31:27

Maweja-Nangila udi wamba ne: Dituku adi, nenguwuje Bukalenga bua Izrayele ne bua Yuda ne bantu, kabidi ne nyama, mudibu bamiamina ntete mu budimi.

Yirmeya 31:31

Maweja-Nangila udi wamba ne: nkadi pa kutua ndondu mupiamupia ne bena mu bukalenga bua Izrayele, kabidi ne bena mu bukalenga bua Yuda.

Yirmeya 31:38

Maweja-Nangila udi wamba ne: Matuku makese aa, nebasulule bimana bia tshimenga tshianyi tshia Yerushalayime, kutuadija ku kaleya ka Ananeyele too ne ku tshiibi tshia mu Ditumba.

Yirmeya 32:37

Bushuwa, mvua mufike munda, munyingalale ne tshiji tshikole bua bantu ba mu tshimenga etshi. Ke mumvua mubatangalaje mu matunga mashilangane. Kadi nembakunguje, nembapingaje munemu. Nembasombeshe mu ditalala.

Yirmeya 32:44

Eyowa, mu buloba bua Binyamine, bu buloba bua Yerushalayime, mu bimenga bia Yuda, mu bimenga bidi pa mikuna bidi mu bibandabanda, bidi mu Negebe, nebasumbe kabidi madimi, nebafunde mikanda ya disumba, nebatue tshitampi, nebabikile bantu bua bajadike bualu. Bualu nempingaje bantu mu ditunga diabu. Ke meme Maweja-Nangila udi wamba nanku.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Yezekiyele 20:42

Nuenu kabidi, nenujadike ne: ndi Maweja-Nangila, bualu nennufikishe mu ditunga dia Izrayele dimvua muditshipe, mulaye bua kupesha bankambua benu.

Yezekiyele 34:13

Ndi nya kuyikeba mu matunga a bantu benyi mudiyi misombe. Nenyisangishe, nyipingaje mu ditunga diayi. Nennye nayi pa mikuna ya mu Izrayele, mu bibandabanda, miaba yonsu ya mu ditunga idi bantu basombe.

Yezekiyele 36:24

“Pandi mumane kunumusha munkatshi mua matunga a bantu munuvua, nennusangishe, nnupingaja mu ditunga dienu.

Yezekiyele 47:14

Nudi mua kuabanyangana buloba ne muoyi wa kalolu. Bualu mvua muditshipe bua kufila ditunga dia bena Izrayele kudi bankambua benu. Nanku nudi mua kudipeta bu bumpianyi buenu.

Yowele 3:1

Maweja-Nangila udi wamba ne: “Tshikondu netshifike tshindi mpesha muntu yonsu Mueyelu wanyi. Bana benu ba balume ne ba bakaji nebamanyishe bantu malu mu dina dianyi; bakulumpe benu nebalote bilota; bansonga benu nebamone malu adi Mvidi Mukulu uleja.

Sefanya 2:7

Bena Yuda badi bashale ne muoyi, nebakuate ditunga dienu. Nebadishilemu bisumbu bia nyama yabu. Butuku nebaye kulala mu nzubu ya mu Askalone. Maweja-Nangila Mvidi Mukulu wabu neabenzele bimpe, neakudimune dikenga diabu, dienza disanka.

Sefanya 3:20

Diba adi, nennupingaje mu ditunga dienu, nennusangishe muaba umue. Nenudimuene mundi nkudimuna dikenga dienu. Nennupeshe butumbi ne lumu, munkatshi mua bantu bonsu ba pa buloba. Meme Maweja-Nangila ndi ngamba nanku.”

Luke 17:22

Ke Yezu kuambila balongi bende ne: — Tshikondu netshifike tshinuajinga kumona dimue dia ku matuku a Muana wa muntu. Kadi kanuakudimona to.

Luke 19:43

Matuku neafike adi bena lukuna bebe bakuela munkatshi ne biamu binene bia mvita, bakuluisha, bakufimpakaja nseke yonsu.

Luke 21:6

— Matuku neakumbane adi bionsu binudi numona ebi ne bua kuupuka. Kakushala dibue ditentakaja pa dikuabu nansha.

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

Dielulula 30:5

bua kunupingaja mu ditunga dia bankambua benu. Nenusombemu. Maweja-Nangila neanuenzele bimpe bipite bivuaye muenzele bankambua benu. Nenubapite ku bungi.

Ebrewu 8:8

Kadi Mvidi Mukulu uvua udiwula bantu bende, padiye wamba ne: “Maweja-Nangila udi wamba ne: matuku adi kumpala, nentue ndondu mupiamupia ne bena Izrayele, kabidi ne tshisamba tshia bena Yuda.