Yirmeya 27:9 - MUKANDA WA MYIDI MUKULU

⁹ Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi nuenu, kanunvu mei a baprofete benu, anyi a bena lubuku benu, anyi a badi banuambila bilota biabo, anyi a bena muhongo benu anyi a bena lubuku lua muzangu badi banuambila ne, Kanuena nukuatshila mukelenge wa Babulona mudimu.

Yirmeya 27:9 ပူးပေါင်းရင်းမြစ်များ

Ekesode 22:18

“Muntu yonsu udi ulala ne nyama, numushipe.

Ekesode 7:11

Mukalenga wa bena Ejipitu kubikila bena meji ne benji ba bilengulengu ne majimbu ba mu Ejipitu. Kuenzabu pabu tshishima atshi.

Nsumuinu 19:27

Muananyi, wewe mulekele kuteleja badi bakubela, neupue nansha bidibu bamane kukulongesha muoyi.

Yeshaya 8:19

Bantu bakuabu badi bamba ne: “Nukonke bakishi malu, bualu badi batumanyisha malu adi kaayi manji kuenzeka. Nukonke bena mbuku, bakuambile malu ku ditshi. Bualu tshisamba tshionsu tshidi tshikonka mvidie yatshi, tshikonka bakishi buakulongolola malu a bantu badi panu.” Padibu bakuambila nanku,

Yirmeya 14:14

Maweja-Nangila kungambila ne: — Bambi abu kabena bakula mu dina dianyi to. Badi bena dishima. Meme tshiena mubatume, tshiena mubape mukenji nansha umue, tshiena mubambile bualu to. Badi banuambila anu malu a dishima, adi kaayi ne mushinga, ngenyi ya patupu!

Yirmeya 23:16

Maweja-Nangila wa bukole buonsu udi wamba ne: “Kanuteleji tshidi bambi banuambila. Badi banuambila malu a dishima. Malu adibu banuambila adi mafuma mu ngenyi yabu nkayabu. Meme tshivua mubaleje bualu nansha bumue.

Yirmeya 23:25

Meme Maweja-Nangila mvua mumvue bivua bambi bamba. Badi bamba ne: tudi tuakula mu dina dia Maweja-Nangila. Kadi mbia dishima. Badi bamanyisha bantu ne: “Mvua mulote! Mvua mumone malu!”

Yirmeya 23:32

Ndi nduisha bambi badi bamba malu avuabu bamone mu ndota, bapambuisha bantu banyi, babadinga. Meme tshiena mubapeshe mudimu nansha umue, tshiena mubelele mukenji nansha umue. Kabena bambuluisha bantu banyi. Meme Maweja-Nangila ndi ngamba nanku.

Yirmeya 29:8

“Maweja-Nangila wa bukole buonsu, Mvidi Mukulu wa Izrayele, udi wamba kabidi ne: Kanuitabi malu a dishima adi bambi ba munkatshi muenu bamba, nansha malu adibu banuambila kudi bantu bua matuku atshidi kumpala. Kanuitabi badi banumvuija ndota yenu.

Yezekiyele 21:29

Ke pandi meme Maweja-Nangila mbambila ne: “Nudi numvuluija bubi buenu matuku onsu, ku malu mabi anudi nuenza patoke. Malu onsu anudi nuenza, adi amvuluija munudi bena tshibawu. Nanku, bu munudi kanuyi basue kudilengeja, nenubuele mu bianza bia baluishi!

Danyele 4:7

Pamvua mulale mu bulalu buanyi, mvua mulote nenku: Mutshi mule uvua muimane kulu munkatshi mua buloba.

Mika 3:7

Bantu bonsu badi bamba malu adi kaayi manji kuenzeka, nebadibuikile bilamba ku mesu, bua kusokoka bundu buabu, bualu Mvidi Mukulu kena ukumbaja bidibu bamba.

Zekâya 10:2

Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Bienzedi 8:11

Nanku bavua bamuanyisha, bualu uvua ubakemesha matuku mavule ne midimu yende ya dialu.

Efeze 5:6

Muntu kanudingi ne miaku ya bupote. Mvidi Mukulu neanyoke bantu badi benza malu mabi a nenku, babenga kumutumikila.

Dielulula 13:2

Dituku dikuabu, pikala muambi nansha muntu udi Mvidi Mukulu uleja malu munumuenekela, nnumanyisha tshishima,

Dielulula 18:14

Maweja-Nangila Mvidi Mukulu wenu, udi unukandika bua kanulondi buenzayi bua bena ditunga dinuakuata. Bualu bobu abu badi bitaba badi benza malu a majimbu, babuka mbuku.

Yoshua 13:22

Tshikondu atshi, bena Izrayele bavua bashipa kabidi Balaame, muana wa Beyore, muena lubuku.

Didimanyisha 18:23

Muendu kawakukenka kabidi muebe nansha musangu umue. Kabakumvua kabidi muebe mbila ya disanka ya badi babuela mu dibaka. Bangenda mushinga ba muebe ke bavua bapite ba buloba bujima. Kadi udi mushime bisamba bionsu ne malu ebe a majimbu.”

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

Didimanyisha 9:21

Bantu aba kabavua nansha badilengeja ku bibidilu biabu bibi bia kushipangana, kuenza malu a majimbu, kuenda buendenda, kuibangana bintu.