Yirmeya 27:5 - MUKANDA WA MYIDI MUKULU

⁵ Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nakufuka buloba ebu ne bantu ne nyama bidi hanshi ha buloba, ku bukole buanyi ne ku diboko dianyi diolola; ndi mbidia muntu yonso bu mundi musue.

Yirmeya 27:5 ပူးပေါင်းရင်းမြစ်များ

Genese 1:25

Mvidi Mukulu kufuka nyama ya pa buloba ya mishindu yonsu, bimuna ne bilandadi bia mishindu mishilangane. Kumonaye ne bionsu bidi bimpe.

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Nehemya 9:22

Wewe, udi mubape bumfumu, bua matunga ne bua makalenga. Kuangatabu matunga avua mutumba nabu, ditunga dia Oge, mukalenga wa Bashane, ne ditunga dia Sihone, mukalenga wa Eshebone.

Misambu 102:25

Ke pandi ngela lubila ne: “Mvidi Mukulu wanyi, wewe ngudi ne muoyi bidimu ne bidimu, kungangatshi pankatshinkatshi pa matuku anyi a panu.”

Misambu 96:5

Mvidie ya bisamba bikuabu bionsu idi patupu, Maweja-Nangila ngudi mufuke diulu.

Ekesode 20:11

Bualu meme Maweja-Nangila ndi mufuke diulu, mayi manene ne bionsu bidimu, anu mu matuku asambombu. Meme kuikisha dituku dia muanda mutekete, kudijidila, bua dikale dituku dia Dikisha.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Yeshaya 42:5

Maweja-Nangila udi mufuke diulu ne bionsu bidimu, udi muteke buloba, ne bionsu bidi bimuenekamu, udi mupeshe bantu muoyi, upesha bonsu badi basapu Mueyelu wende. Ke yeye udi wambila muntu uvuaye musungule ne:

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Yeshaya 45:12

Meme ndi muenze buloba, mufuke ne bantu badi basombapu. Meme ndi mubalule diulu. Ndi ntumina mabulunge a kulu ne mitotu diyi.

Yeshaya 48:13

Ndi mushindike buloba ne bianza bianyi meme. Ndi mbalula ne diulu. Pandi mbikila diulu ne buloba, diakamue bidi bimueneka kundi.

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Yirmeya 27:4

Bamienampala abu, ubambile ne: Numanyishe bakalenga tshidi Maweja-Nangila wa bukole buonsu Mvidi Mukulu wa Izrayele, ubambila ne:

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Yirmeya 51:15

Maweja-Nangila mmuleje bukole buende pa kufuka buloba. Mmuleje lungenyi luende, bualu mmushidike buloba ne bionsu bidimu. Diulu dialabale didi dileja meji adiye nawu.

Danyele 2:38

Mmukuteke ku mutu kua bukua bantu, kua nyama ya mu mpata, ne kua nyunyi ya mulu. Udi mfumu wabi miaba yonsu idibi. Mukalenga, mutu wa tshiamu tshia mpawungi ke wewe!

Danyele 4:14

Batumibue ba Mvidi Mukulu kufikisha dipangadika edi, bua bantu bonsu badi ne muoyi bamanye ne: Mvidi Mukulu, Muena kulu, udi mfumu wa makalenga a bantu. Udi upesha muntu udiye musue bukalenga. Udi mua kubupesha nansha muntu udi mushadile ku bonsu.

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 4:22

nebakuipate munkatshi mua bantu! Neusombe ne nyama ya mu tshisuku. Neudie bisosa mudi ngombe idia. Lumuma lukuboleshe! Neushale mushindu ewu bidimu muanda mutekete, too ne pawamanya ne: Mvidi Mukulu, Muena kulu, ke udi mfumu wa makalenga a bantu, kabidi udi upesha muntu udiye musue bukalenga.

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Bienzedi 14:15

— Bana betu, tshinudi nuenza nunku ntshinyi? Tudi amu bantu bu nuenu. Tudi tunumanyisha Lumu lua Disanka, bua nulekele nwidie yonsu ya tshianana eyi, nupingane kudi Mvidi Mukulu wa muoyi, udi mufuke diulu, buloba, mayi manene, ne bionsu bidimu.

Bienzedi 17:24

Mvidi Mukulu udi mufuke bukua panu ne bionsu bidipu, Yeye ke Mfumu wa diulu ne wa buloba. Kena usomba mu nzubu idi bantu bibaka.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Dielulula 2:19

Nenufike pabuipi ne ditunga dia bena Amone. Kadi kanubedi diyi, kanubabundi to, bualu bobu kabidi nndelanganyi ya Lote. Tshiakunupesha kantu nansha kamue ka mu ditunga diabu. Ndi mumane kubapesha ditunga edi.”

Dielulula 2:21

Bena Refayime bavua bantu ba bukole. Bavua ba bungi, kabidi banene bale, bu muvua ndelanganyi ya Anake. Kadi Maweja-Nangila kubabutula bonsu, pakafika bena Amone. Nanku bena Amone kukuata ditunga adi, kuasamu.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Dielulula 2:9

Maweja-Nangila kunkandika ne: “Kanubundi bena Mowabe, kanuluanganyi nabu to. Tshiakunupesha kantu nansha kamue ka mu ditunga edi to. Bualu ditunga edi dia Are, ndi mumane kudipesha ndelanganyi ya Lote.”

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Dielulula 4:17

bu nyama, nyunyi,

Dielulula 4:25

Nuenu bamane kushala matuku a bungi mu ditunga edi, didi Maweja-Nangila munulaye, nuenu bamane kulela bana, bapete ne bikulu, kanuenji bibi to. Kanusongi mpingu, kanuzodi bimfuanyi, bia tshintu nansha tshimue. Kanuenji malu mabi makuabu, adi Maweja-Nangila Mvidi Mukulu wenu ubenga, amufikisha munda.

Dielulula 4:32

Mpindiewu nudikonke bua malu onsu avua menzeke kale, kabayi banji kunulela, katshia Mvidi Mukulu wafuka bantu pa buloba. Nuele meji ku bionsu bivua bienzeka pa buloba bujima. Malu makole a mushindu ewu akavua menzeke anyi? Bantu bakavua bumvua lumu lua malu a nunku anyi?

Dielulula 4:35

Nuenu nudi bena diakalenga, bualu nuakumona bionsu ebi, bua nujadike ne: Maweja-Nangila nkayende ke Mvidi Mukulu, kakuena mvidie mukuabu, amu Yeye.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Dielulula 9:29

Maweja-Nangila, bena Izrayele aba mbantu bebe, baudi mudisunguile, bauvua mupikule, mupatule mu Ejipitu ku bukole ne ku makanda ebe mapite.”

Kolose 1:16

Bualu kudiye Mvidi Mukulu mmufuke bionsu, bidi mu diulu ne bidi pa buloba, bidi bimueneka ne bidi kabiyi bimueneka, makole a mulu, makalenga, makokeshi, ne mamfumu. Mvidi Mukulu uvua mufuke bionsu kudiye, kabidi bualu buende Yeye.

Ebrewu 1:2

Kadi matuku a ndekelu aa, mmutuambidilewu kudi Muanende. Kudiye nkudi Mvidi Mukulu mufukile bintu bionsu. Yeye ke udi Mvidi Mukulu musungule bua apiane bintu bionsu.

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”