Yirmeya 27:4 - MUKANDA WA MYIDI MUKULU

⁴ Bamienampala abu, ubambile ne: Numanyishe bakalenga tshidi Maweja-Nangila wa bukole buonsu Mvidi Mukulu wa Izrayele, ubambila ne:

Mukanda wa Nzambi Dihungila Dikulukulu ne Dihungila Dihia-dihia 2003

⁴ Welele miloho mukenji bua kuambilayi bakelenge bai ne, Yehowa wa misumba, Nzambi wa Isalele, udi wamba ne, Nuambile banfumu benu ne,

Yirmeya 27:4 ပူးပေါင်းရင်းမြစ်များ

Ekesode 5:1

Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Yirmeya 25:27

Maweja-Nangila kuntuma bua kubambila ne: “Maweja-Nangila wa bukole buonsu Mvidi Mukulu wa Izrayele udi wamba ne: Nunue, mikuatshike, nuluke, too ne munuadishinda panshi, kanuyi mua kujuka kabidi. Bualu nenumone mundi nshipa bantu munkatshi muenu.”

Yirmeya 27:3

Pashishe, uyitume kudi mukalenga wa bena Edome, wa bena Mowabe, wa bena Amone, kudi mukalenga wa bena Tire, too ne kudi mukalenga wa bena Sidone. Bua bakalenga aba bayipete, ufile mitshi eyi kudi bamienampala ba bakalenga abu bavua bafika mu Yerushalayime bua kumonangana ne Sedekiya mukalenga wa bena Yuda.

Yirmeya 27:5

Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

Yirmeya 28:14

Yirmeya kuamba kabidi ne: — Maweja-Nangila wa bukole buonsu Mvidi Mukulu wa Izrayele udi wamba ne: “Ndi nteka mulonda pa makaya a bantu ba mu bisamba bionsu. Nebakuatshile Nebukadnesare, mukalenga wa mu Babilone mudimu. Nansha nyama ya muitu mene neitabe ku diyi diende.”

Yirmeya 51:19

Maweja-Nangila wa Izrayele kena bu mpingu ayi to, bualu Yeye ke udi mufuke bintu bionsu. Mmusungule tshisamba tshia Izrayele, bua tshikale tshiende yeye. Dina diende: Maweja-Nangila wa bukole buonsu.