Yirmeya 22:3 - MUKANDA WA MYIDI MUKULU

³ Udi wamba ne: Nukose tshilumbu tshionsu amu pa tshiotshi. Nupatule bantu badibu bakengesha mu bianza bia bantu badi biba bintu biabu. Kankengeshi muena tshimuangi, kanunyengi tshintu tshia muana nshiya, nansha tshia mukaji mukamba. Lekelayi kushipa mwaba ewu bantu kabayi ne bualu.

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa udi wamba ne Lumbululai bilumbu ne kulumbulula kuakane ne enzai bienzedi biakane; nuhandishe udi ne bintu biandi bi nyengibue mu bianza bia mumukengeshi. Kanubenzedi bibi, kanukengeshi nansha muenyi nansha muanʼa nshiya nansha mukashi wa mulufuila; kanumatshishi mashi a muntu udi kayi ne bualu hanshi mumuaba eu.

Yirmeya 22:3 ပူးပေါင်းရင်းမြစ်များ

2 Samuele 23:3

Mvidi Mukulu wa Izrayele kuakula, mulami wa bena Izrayele kungambila ne: “Mukalenga udi ulombola bantu bimpe, uludika bantu, ukumbaja bidi Mvidi Mukulu musue,

2 Bakalenga 24:4

bualu uvua mushipe bantu bapite bungi bavua kabayi ne bualu to, muele mashi mapite bungi panshi mu Yerushalayime. Ke muvua Maweja-Nangila kayi musue kufuila bena Yuda kabidi luse to.

Yobe 22:9

Uvua muipate bakaji bankamba bumuke bianza bitupu. Uvua mukengeshe bana ba nshiya, muibe bintu biabu.

Yobe 24:9

Badi banyafula muana nshiya ku dibela dia mamuende. Badi banyenga bapela tshinkutu ku bukole bu tshieya.

Misambu 68:5

Imbilayi Mvidi Mukulu misambu, nutumbishe dina diende. Nuakidile udi wendakana pa mavuba. Dina diende mMaweja-Nangila. Nutue tshianga, numusamune.

Misambu 82:4

Nusungidile badi kabayi ne mubakuidi ne bena diakabi, nubapandishe mu bianza bia bantu babi.

Misambu 94:21

Badi belela bantu bakane tshifufu, bapisha muntu udi kayi ne bualu.

Misambu 94:6

Badi bashipa mukaji mukamba ne muenyi, bashipa bana ba nshiya.

Ekesode 22:21

Kanukengeshi bakaji bakamba nansha bana ba nshiya.

Ekesode 22:22

Bualu bobu badile, bambikile, nembateleje.

Nsumuinu 23:10

Kutentudi mikalu ya kale bua wewe kunyenga bana ba nshiya lupangu.

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yirmeya 26:16

Nanku balombodi ba mu bukalenga ne bantu bonsu kuambila batuangaji ne bambi ne: — Kabashipi muntu ewu nansha! Bualu mmutuambile menemene malu mu dina dia Maweja-Nangila Mvidi Mukulu wetu.

Yirmeya 5:28

Bena Izrayele badi badiunda bikole, mubidi wabu mmusenene. Kadi badi anu benza malu mabi, kabayi bapungila. Kabena bakosa nsambu pa yoyi, kabena bakuila bana ba nshiya mu bilumbu biabu, bua bamone mua kubinga. Kabena bambuluisha bapele, bua bapete bidibu ne bua kupeta.

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yirmeya 9:24

Maweja-Nangila udi wamba ne: Dituku nedifike dindi nnyoka bantu bonsu badibu bateka panshi, kadi kabayi badilengeja,

Muadi 3:36

padibu bakosa tshilumbu tshia muntu bibi, Maweja-Nangila kena umona anyi?

Yezekiyele 18:12

Udi ukengesha bapela ne bena dikenga. Udi wiba bintu bia bantu. Kena upingaja tshieya tshivua muena dibanza mumueyeke. Udi utendelela mvidie, wenza malu mabi, andi mbenga.

Yezekiyele 18:7

Kena ukengesha muntu, nansha wiba muntu awu. Udi upingaja tshieya tshivua muena dibanza mumueyeke. Udi upesha muntu udi ne nzala biakudia, upesha muntu uvua butaka tshilamba.

Yezekiyele 22:7

Muebe, muntu kena unemeka tatuende nansha mamuende. Badi bakengesha benyi, batatshisha bana ba nshiya ne bakaji bakamba.

Yezekiyele 45:9

Telejayi bidi Maweja-Nangila wamba ne: “Bakalenga bena Izrayele, nuvua bakoleshe malu bushiwa! Lekelayi malu a tshinyangu a kukengesha bantu, kanubanyengi bintu biabu, nuenze anu bimpe, nulonde anu njila wa malu mimpe. Kanuipatshi kabidi bantu banyi mu buloba buabu to. Meme Maweja-Nangila ndi nnutumina diyi edi.

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Amosa 5:15

Nulekele malu mabi, nunange bidi bimpe. Nukose nsambu pa yoyi. Bumue Maweja-Nangila, Mvidi Mukulu wa bukole buonsu, neamone mua kufuila bantu ba ndekelu ba ku ndelanganyi ya Yozefe luse.

Amosa 5:24

Nukuate mudimu bua bakose nsambu pa yoyi; bua malu mempe adi bantu benzelangana, ikale bu misulu idi yuwula mayi tente, ipasalala, kayiyi ikama dituku nansha dimue.

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Matayi 23:23

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nulambula Mvidi Mukulu tshia dikumi tshia biakudia bienu, nansha tshia luenyi, tshia tshidibi a luenyi, ne tshia tshikote. Kadi nudi nulengulula malu mapite bunene adi mikenji itulongesha, bu mudi kuenzela bantu bimpe, kufuilangana luse, ne kuitaba Mvidi Mukulu. Kadi ke malu anuvua ne bua kuenza, kanuyi nulengulula makuabu.

Dielulula 10:18

Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.

Dielulula 24:7

Pikala muena Izrayele mukuate muanabu, mumulame bu mupika, nansha mumupane, mbimpe kushipa mukuatshianganyi awu. Ke munudi mua kujikija buenzayi munkatshi mua bena Izrayele nanku.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.