Yirmeya 22:18 - MUKANDA WA MYIDI MUKULU

¹⁸ Bua Yoyakime, muana wa Yoshiya, mukalenga wa bena Yuda, Maweja-Nangila udi wamba ne: Yeye mufue, bantu kabakumudila to. Muntu kakuamba ne: “Tutu wanyi, diakabi kaayi edi?” “Yaya wanyi, diakabi kaayi edi?” Kabakumudila bamba ne: “Mfumuanyi, diakabi kaayi?” “Mukalenga, diakabi kaayi edi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nunku Yehowa udi wamba bua Yehoyakima, muana wa Yoshiya, mukelenge wa Yuda ne, Kabena bamuashila muadi, badila ne, Aka, muanʼetu mulume! Aka, muanʼetu mukashi! Kabena bamujinga ne, Aka, mukelenge wetu! Anyi ne, Aka, butumbi buandi!

Yirmeya 22:18 ပူးပေါင်းရင်းမြစ်များ

2 Samuele 1:26

Mwoyi wanyi udi unyingalala bualu buebe, Yonatane wanyi, muanetu mulunda wanyi wa pa muoyi. Dinanga diuvua munnange nadi, divua dinsankisha mudi dinanga dia bakaji kadiyi mua kunsankisha.

1 Bakalenga 13:30

Kujiikaye tshitalu tshia muambi nende atshi mu lukita luende yeye. Bantu bonsu kudila muambi awu, bamba ne: “Eyi, muambi wetu mmufue!”

2 Bakalenga 23:36

Yowakime kudia bukalenga, muikale ne bidimu makumi abidi ne bitanu. Kushalaye mu bukalenga bidimu dikumi ne tshimue mu Yerushalayime. Mamuende wa Yowakime uvua Zebuda, muana wa Pedaya, wa mu musoku wa Ruma.

2 Bakalenga 23:6

Yoshiya kutuma bantu bua bajule dikunji dia mvidie mukaji Ashera, divua mu nzubu wa Mvidi Mukulu. Kumukabu nadi mu Yerushalayime, bua kuya kudioshila mu tshibandabanda tshia Sedrone. Kuoshabu dikunji adi, kudibutula. Butu buadi kubutangalajabu muaba uvua nkita ya bantu bonsu.

2 Bakalenga 24:6

Yowakime mumane kufua, muanende wa balume Yowakine kumupingana mu bukalenga.

1 Kulondolola 3:15

Bana ba balume ba Yoshiya badi: Yowanane ke muanabute, bamulonda kudi Yoyakime, muisatu Sedekiya, ne Shalume muinayi.

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

2 Kulondolola 36:5

Yowakime kubuela mu bukalenga muikale ne bidimu makumi abidi ne bitanu. Kushalaye mu bukalenga bidimu dikumi ne tshimue mu Yerushalayime. Yowakime uvua wenza malu adi Maweja-Nangila Mvidi Mukulu wende mubenge.

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Yirmeya 21:11

Telejayi malu avua Yirmeya ne bua kumanyisha bena diku dia bukalenga bua bena Yuda.

Yirmeya 22:10

Nuenu bena Yuda, kanudidi mukalenga Yoshiya uvuabu bashipe. Kanuikadi ne tshinyongopelu bualu buende. Dilayi amu mukalenga Shalume, udibu baye nende mu bupika. Bualu kakupingana kabidi to. Kakumona kabidi ditunga diende divuabu bamulele nansha.

Yirmeya 22:12

Neafuile muaba udibu baye nende mu bupika. Kakumona kabidi ditunga edi to.”

Yirmeya 34:5

Nenku, neufue mu bupole. Mu madilu ebe nebakuenzele muvuabu benzele bankambua bebe, bakalenga bavua bakudianjidile mu nkuasa wa bukalenga. Nebakoshile manananshi, bakudile bela kasala ne: Eyi! Mukalenga mmufue. Meme Maweja-Nangila ndi nkujadikila nanku.”

Yirmeya 36:30

Ke padi Maweja-Nangila wamba ne: Ku ndelanganyi ya Yoyakime kakuakuikala muntu nansha umue udi mua kubuela mu bukalenga bua Davide kunyima kuende. Tshitalu tshia Yoyakime nebatshimanshe pambelu, butuku netshikanyanyanye ne mashika, mu munya netshiuminyine ne luya.