Yirmeya 21:9 - MUKANDA WA MYIDI MUKULU

⁹ Muntu yonsu washala mu tshimenga etshi, neafue anu ku mvita, ku tshiyole tshia nzala, nansha ku disama dia tshiambu. Kadi muntu wa kunudi udi umuka mu tshimenga etshi, uya kudi bena Babilone badi bamuluisha, neikale ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Washala mu musoko eu nebamushihe ne muele wa nvita ne ku tshiole ne ku tshihuhu; kadi wahatuka udi ufika kudi Bena Kasada badi banutshintshimika, neikale ne muoyo, ne muoyo wandi newikale kudiye bu tshintu tshidiye unyenga mu nvita.

Yirmeya 21:9 ပူးပေါင်းရင်းမြစ်များ

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Yirmeya 21:7

Pashishe, Sedekiya, mukalenga wa bena Yuda, balombodi ba bukalenga buende, ne bantu ba mu tshimenga etshi, badi bapanduke ku disama dia tshiambu, ku mvita, ne ku tshiyole tshia nzala, mukalenga wa bena Babilone neabakuate. Eyowa, nembafile kudi baluishi babu badi bajinga kubashipa. Mukalenga Nebukadnesare neabashipe kayi luse. Kakushiya muntu nansha umue ne muoyi.”

Yirmeya 24:10

Nembatumine mvita, tshiyole tshia nzala, ne disama dia tshiambu, bua bajimine pa buloba bumvua mubapeshe bobu ne bankambua babu.

Yirmeya 27:11

Kadi pikala bena tshisamba kampanda mua kuambula mutshi wa bupika udi mukalenga wa mu Babilone muteke pa makaya abu, bitabe ku diyi diende, nebashale mu buloba buabu. Nebasombe, badime. Ke mundi meme Maweja-Nangila ngamba nanku.

Yirmeya 27:12

Yirmeya uvua mumanyishe Sedekiya, mukalenga wa bena Yuda, malu a mushindu umue, umuambila ne: — Wewe ne bantu bebe, nudi ne bua kuanyisha mua kuambula mutshi wa bupika udi Nebukadnesare, mukalenga wa mu Babilone, muteke pa makaya enu. Numuenzele mudimu, yeye ne bantu bende. Nanku kanuakufua to.

Yirmeya 27:13

Wewe ne bantu bebe, nudi basue kufua mu mvita, ku tshiyole tshia nzala, nansha ku disama dia tshiambu, anyi? Bualu Maweja-Nangila mmuambe ne: tshisamba tshionsu tshidi tshibenga kuenzela Nebukadnesare, mukalenga wa mu Babilone mudimu, netshibutuke.

Yirmeya 38:2

— Maweja-Nangila udi wamba ne: “Muntu yonsu washala mu tshimenga etshi neafue ku mvita, ku tshiyole tshia nzala, nansha ku disama dia tshiambu. Kadi muntu yonsu umuka mu tshimenga etshi, bua kuya kudifila kudi bena Babilone, neashale ne muoyi.”

Yirmeya 38:3

Yirmeya uvua wamba kabidi ne: — Maweja-Nangila udi wamba ne: ndi mumane kushindika bua kufila tshimenga etshi kudi tshiluilu tshia mukalenga wa mu Babilone. Yeye mene ke watshikuata.

Yirmeya 39:18

Eyowa, nenkuepule ku lufu. Neushale ne muoyi, bualu uvua muntekemene meme. Ke mundi meme Maweja-Nangila ngamba nanku.”

Yirmeya 45:5

Kadi wewe udi ne dikamakama dia kukeba bidi bikusankisha amu wewe! Kukebi kantu nansha kamue to! Bualu dikenga dingatuma nedikuate bantu bonsu. Ke tshindi meme Maweja-Nangila ngamba. Kadi ndi nkulaya amu bualu bumue: Konsu kuudi musue kuya, kabakukushipa nansha!”

Yezekiyele 5:12

Tshia bisatu tshia bantu ba kunudi netshifue ku disama dia tshiambu, nansha ku tshiyole tshia nzala, munda mua tshimenga. Tshia bisatu tshikuabu netshifue ku muele wa mvita, ku mpenga kua tshimenga. Tshia bisatu tshia ndekelu nentshitangalaje ku nseke inayi ya buloba, ntshilondakaja ne muele wa mvita.