Yirmeya 21:2 - MUKANDA WA MYIDI MUKULU

² — Yirmeya, bu wewe musue, utukonkele Mvidi Mukulu, bualu Nebukadnesare, mukalenga wa bena Babilone, udi udiluisha. Ulombe Maweja-Nangila bua adienzele tshishima, bu muvuaye muenze kale, bua bena Babilone batushile muaba bumuke.

Mukanda wa Nzambi Dihungila Dikulukulu ne Dihungila Dihia-dihia 2003

² Ndi nkusengelela bua kutukonkelaku Yehowa bua bualu buetu; bualu bua Nebukadenesâ, mukelenge wa Babulona, udi uluangana nʼetu mata. Bumue Yehowa neatuenzele bimpe bu mudi midimu yandi yonso ya kukema, bua muntu eu umuke kutudi.

Yirmeya 21:2 ပူးပေါင်းရင်းမြစ်များ

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

2 Bakalenga 1:3

Kadi, mutumibue wa Maweja-Nangila kuya kuambila muambi Eliya, muena Tishebe, ne: — Juka uye kusambakena ne bantu badi mukalenga Akaziya wa mu Samariya mutume, ubakonke ne: “Mu ditunga dia bena Izrayele kamuena Mvidi Mukulu anyi? Nudi nuya kukonka anu mvidie Baale Zebube, udi mu Ekrone bua tshinyi?”

2 Bakalenga 17:24

Mukalenga wa bena Ashure, kubikidisha bantu ba mu Babilone, Kuta, Ava, Amate ne Sefawayime, bua kubapesha miaba ya kuasa mu ditunga dia Samariya. Kuasabu mu misoku ivua bena Izrayele bashiye, bualu bavua babakuata baye nabu mu bupika. Nanku, bantu aba, kuangata buloba abu, kuasamu misoku yabu.

2 Kulondolola 32:21

Maweja-Nangila kutuma mutumibue wende mu mitanda ya bena Ashure, bua kushipa bena mvita bonsu ba bukitu ne balombodi bonsu ba bena mvita. Mukalenga wa bena Ashure kupingana mu ditunga diende ne bundu. Dituku dikuabu, pavua Senakeribe ubuela mu nzubu wa mvidie wende, bana bende ba balume ba munda muende menemene kumushipa.

Ekesode 9:28

Numulombe: alekele kulokesha mvula wa makubakuba ne mabue, bualu mbimane kuntonda. Nennulekele, nuye. Tshiena nnulama kabidi to.

Yeshaya 48:2

Nuenu nudi nudisua, bua padibu banuinyika ne: “Bena tshimenga tshijidila.” Nudi nuditemba nuamba ne: tudi tunemenena kudi Mvidi Mukulu wa bena Izrayele, udibu binyika ne: “Maweja-Nangila muena bukole buonsu.” Kadi telejayi bualu ebu:

Yirmeya 15:11

Eyowa, Maweja-Nangila, milawu yabu idi mua kunkuata, bu meme tshiyi mukuenzele mudimu muanyi muonsu, bu meme tshiyi muakuile baluishi banyi kumpala kuebe, diba divuabu mu dikenga, banyingalala!

Yirmeya 21:3

Kadi Yirmeya kuandamuna bantu bavua mukalenga mutume ne: — Pinganayi kudi mukalenga Sedekiya, numuambile ne:

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yirmeya 34:1

Nebukadnesare, mukalenga wa mu Babilone, uvua muluishe Yerushalayime ne bimenga bikuabu bia bena Yuda. Uvua ne bena mvita bende bonsu, kabidi ne bena mvita ba mu matunga ne bisamba bionsu bivua ku diyi diende. Tshikondu atshi, ke Maweja-Nangila kuambila Yirmeya ne:

Yirmeya 37:17

Pashishe mukalenga Sedekiya kutuma muntu bua kukeba Yirmeya. Mukalenga uvua musue kumukonka malu mu musokoku mu nzubu wende wa bukalenga. Mukalenga kumukonka ne: — Udi ne malu a kungambila a kudi Maweja-Nangila anyi? Yirmeya kumuandamuna ne: — Eyowa, ngwowu aa: Nebakukuate, bakufile kudi mukalenga wa mu Babilone.

Yirmeya 37:3

Nanku, mukalenga Sedekiya kutuma Yukale, muana wa Shelemiya, ne mutuangaji Sefanya, muana wa Masheya, kudi muambi Yirmeya bua kumuambila ne: — Tudi bavua kukulomba bua kutendelela Maweja-Nangila Mvidi Mukulu wetu bualu buetu bonsu.

Yirmeya 37:7

Maweja-Nangila Mvidi Mukulu wa Izrayele udi wamba ne: — Nuye kuambila Sedekiya mukalenga wa bena Yuda, udi munutume kundi bua kungebeja malu ne: tshiluilu tshia mukalenga wa bena Ejipitu, tshivua tshifike bua kunuambuluisha, tshikadi tshialukile kuabu ku Ejipitu.

Yezekiyele 7:26

Nenukenge anu kukenga. Nebanumanyishe anu ngumu mibi. Nebasengelele muambi bua abaleje malu atshidi kumpala, kadi kakubalejawu to. Mutuangaji kakuikala ne bualu budiye mua kulongesha. Bakulu kabakusa kabidi ngenyi.

Balombodi 20:27

Tshikondu atshi, mushete wa tshijila wa Mvidi Mukulu uvua ku Betele.

1 Samuele 10:22

Kukonkabu kabidi Maweja-Nangila ne: — Muntu ewu mmufike muaba ewu anyi? Maweja-Nangila kuandamuna ne: — Nuye kutangila munkatshi mua mabuki, ke muaba udiye musokome.

1 Samuele 28:15

Mukishi wa Samuwele kukonka Shawule ne: — Meme mumane kuikisha, udi mumbishe bua tshinyi? Udi umbikila bua tshinyi? Shawule kuandamuna ne: — Bualu ndi nkenga bikole. Bena Peleshete mbafike bua kunduisha. Maweja-Nangila mmumane kumbenga. Kena ungandamuna nansha kudi bambi, nansha mu tshilota. Ke pandi mukubikile bua wewe ungambile tshindi mua kuenza.

1 Samuele 28:6

Shawule kukonka Maweja-Nangila tshia kuenza. Kadi Maweja-Nangila kena mumuandamune nansha mu tshilota, nansha ku Urime ne Tumime, nansha kudi muambi.