Yirmeya 20:9 - MUKANDA WA MYIDI MUKULU

⁹ Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bingamba kabidi ne, Tshiena ntela dina diandi, ne tshiena ngambila bantu dî diandi kabidi, mu diba adi didi mu mutshima wanyi bu kahia kadi kosha munda mua mifuba yanyi; kudikanda kudi kuntonda, ne tshiena mua kuhuwa.

Yirmeya 20:9 ပူးပေါင်းရင်းမြစ်များ

Misambu 39:3

Nanku meme kushala bu kamama, tshiyi ngakula, meme kubenga kuamba bualu. Kadi dikenga dianyi kukola amu kukola.

Yirmeya 23:29

Numanye ne: muaku wanyi udi bu kapia, bu nyindu mukole, udi uzaza lubuebue.

Yirmeya 23:9

Ke miaku ya Yirmeya idi itangila bambi. Ndi ne kanyinganyinga, ndi nzakala mubidi mujima, ndi bu muntu mukuatshike maluvu, bu muntu uvua munue mvinyo mupite bungi. Anu bualu bua Maweja-Nangila, bualu bua Mvidi Mukulu wa tshijila, ne bua malu adiye mungambile ne:

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Yezekiyele 3:3

Kungambilaye kabidi ne: — Muntu, diaku mukanda undi nkupa ewu ukute difu tente. Meme kuudia. Utua musheme mukana muanyi bu buitshi.

Amosa 3:8

Padi nyama wa ntambue ukungula, udi kayi ne bowa nnganyi? Padi Maweja-Nangila Mvidi Mukulu umanyisha bantu bualu, udi mua kubenga kubuambila bantu nnganyi?

Yona 1:2

— Juka, uye mu tshimenga tshinene tshia Ninive. Ukanyine bena tshimenga atshi mu dina dianyi, bualu tshiena musue kumona kabidi buenzayi bua bantu abu.

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.

Luke 9:62

Yezu kumuambila ne: — Tshidime udi ukuata lukasu mu bianza, utangila kunyima kuende, Mvidi Mukulu kena mua kukuata nende mudimu mu Bukalenga buende.

Bienzedi 17:16

Patshivua Polu mu Atene, muindile Silase ne Timote, uvua ne kanyinganyinga pa kumona mu tshimenga tshijima mpingu mivule ya kutendelela nayi nwidie.

Bienzedi 18:5

Silase ne Timote kumuka ku Masedoniya, kuya ku Korente. Bobu bamane kufika, ke Polu kudifila muende muonsu ku mudimu wa kulongesha muaku. Uvua ujadikila bena Yuda ne: Yezu udi Kristu.

Bienzedi 4:20

Kadi tuetu katuena mua kubenga kuamba, tshitudi bamone, kabidi bumvue to.