Yirmeya 2:8 - MUKANDA WA MYIDI MUKULU

⁸ Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakuidi kabakakonka ne, Yehowa udi hanyi? Bayishi ba mikenji yanyi kabakammanya; bakokeshi kabidi bakatombokela, baprofete bakamba mei abo mu dina dia Bâla, bakalonda bintu bidi kabiyi mua kubakuatshisha.

Yirmeya 2:8 ပူးပေါင်းရင်းမြစ်များ

1 Bakalenga 18:22

Ke Eliya kubambila kabidi ne: — Meme ndi mushale muambi wa Maweja-Nangila anu nkayanyi. Kadi, bambi ba Baale badi nkama inayi ne makumi atanu.

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

Yobe 35:10

Kadi muntu nansha umue kena ukonka ne: “Mvidi Mukulu uvua mumfuke udi penyi? Yeye udi utuimbisha misambu nansha butuku.

Yeshaya 28:7

Nansha batuangaji ne bambi, badi batenkakana, bakuatshika maluvu makole. Bavua banua maluvu makole mapite bungi, kabayi nansha mua kuimana kulu, lungenyi luabu lujimina. Bambi badi bamona malu, kabayi mua kuajingulula. Batuangaji badi bakosa bilumbu, batatakana, badishinda panshi.

Yeshaya 29:10

Bualu Maweja-Nangila neanuladike tulu tukole. Uvua munusuike tshilamba pa mesu. — Mesu enu ke bambi benu. — Mmunubuikile tshilamba mu mitu yenu. — Mitu yenu ke badi bamona malu. —

Yeshaya 30:5

Buonsu buabu nebabafuishe bundu, kudi bantu badi kabayi mua kuambuluisha muntu nansha umue. Kudi bena Ejipitu, nenupete amu bundu ne kadiwu. Kabakunuambuluisha nansha ku tshintu tshimue.

Yirmeya 10:21

Balombodi betu mbenze tshilema. Bavua bu bantu ba bidingidingi. Kabena bakonka Maweja-Nangila malu. Ke muvuabu bapange malu bikole. Ke muvuabu batangalaje bana betu bena tshisamba tshietu bonsu.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 2:11

Nenujadike ne: kakuena tshisamba tshidi tshianji kubenga mvidie yatshi. Kabidi mvidie ayi, kayena nansha mvidie ya bushuwa! Kadi, tshisamba tshianyi tshia bena Izrayele, nansha bobu bamane kumona butumbi buanyi, kumbengabu, kunshintakaja ne mvidie idi kayiyi mua kubambuluisha.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 7:8

Kadi, nudi nutekemena miaku ya dishima idi kayiyi mua kunuambuluisha.

Yirmeya 9:14

Nanku, meme Maweja-Nangila wa bukole buonsu Mvidi Mukulu wa bena Izrayele ndi ngamba ne: Nendishe bantu aba biakudia bia bululu, nembanuishe mayi mabi adi ne lulengu.

Yezekiyele 22:26

Batuangaji benu kabena balonda mikenji yanyi, kabena banemeka miaba idibu bajidila mu dina dianyi. Kabena basunguluja bintu bidi bia tshijila, ne bintu bikuabu bidi bia tshianana. Kabena balongesha bantu mudi bintu bikuabu kabiyi ne mikiya, bikuabu ne mikiya. Kabena banemeka kabidi dituku dia Dikisha; badi badilengulula ku bukole. Nanku, kamuena muntu nansha umue udi unnemeka, mudibu ne bua kunnemeka.

Yezekiyele 34:2

— Muntu, kanyina bamfumu ba bena Izrayele, ubamanyishe mikanu indi mbakanyina nayi meme Maweja-Nangila. Ndi mbambila ne: “Nuenu balami ba mikoku ba bena Izrayele, nudi bena diakabi. Nudi badivuluke amu nuenu nkayenu! Balami kabena ne bua kudisha mikoku anyi?

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Abakuke 2:18

Mpingu inudi badienzele bua kutendelela nwidie, neyinuambuluishe ku tshinyi? Idi amu bintu binudi nusonga, nansha nufula, kabiyi biakula, bidinga bantu. Mudibi mua kunuambuluisha mbishi?

Matayi 16:26

Muntu udi upeta buloba bujima, kadi ujimija muoyi wende, nebimuambuluishe ku tshinyi? Kakuena tshidi muntu mua kufila bua kupeta tshiakabidi muoyi wende.

Luke 11:52

Nuenu balongeshi ba mikenji, nudi bena diakabi! Bualu nudi bumushe nsapi idibu mua kunzulula nayi tshiibi tshia muaba wa kumanya malu. Nuenu mene kanuena numubuela. Kadi nudi nukandika kabidi badi bajinga kubuelamu.

Yowanane 16:3

Nebanuenze nanku, bualu kabavua bamanye Tatu, nansha meme.

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

Dielulula 33:10

Bena Levi badi balongesha bena Izrayele mikenji yebe. Badi balambula pa tshilambuilu tshiebe milambu ya manananshi, ne ya kuosha.

1 Samuele 12:21

Kanukebi bua kuenzela mvidie ya tshianana mudimu. Bualu kayena ne bukole bua kunuambuluisha, nansha bua kusungila muntu. Idi amu mvidie ya dishima.

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.