Yirmeya 2:20 - MUKANDA WA MYIDI MUKULU

²⁰ Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bua kale kale wewe wakatshibula mutshi wa tshikokedi wa ha nshingu hebe, wakakosa nkanu yebe, wakamba kabidi ne, Tshiena nkukuatshila mudimu. Wakinamina mpingu mutu ha mutu ha mukuna wonso mule ne muinshi mua mutshi wonso mubishi, wenda nʼai masandi.

Yirmeya 2:20 ပူးပေါင်းရင်းမြစ်များ

1 Bakalenga 12:32

Yerobowame kujadika bua bikale benza tshibilu mu matuku dikumi ne atanu a ngondu wa muanda mukulu. Tshibilu atshi, tshivua mushindu umue ne tshivuabu benza mu buloba bua bena Yuda. Kabidi Yerobowame nkayende uvua ulambula milambu pa tshilambuilu. Ke tshivua Yerobowame wenza mu Betele. Uvua ulambuila mpingu ya tuana tua ngombe tuvuaye wenza milambu ayi. Batuangaji bakuabu bavuaye musungule bua kuenzabu mudimu miaba ya tshijila, uvua mubateke ne mu Betele amu.

1 Bakalenga 14:23

Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

Misambu 107:14

Kubapatulaye mu nzubu wa lukanu wa miidima, kutshibula nkanu yabu.

Misambu 2:3

Badi bamba ne: “Tukosayi mionji ya bupika idibu batuela. Katuena basue bua batumune kabidi!”

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Ekesode 19:8

Bantu bonsu kuitaba ne: — Netuenze bionsu bidi Maweja-Nangila muambe. Moshe kufikisha bivua bantu bandamune kudi Maweja-Nangila.

Ekesode 24:3

Moshe kupueka bua kumanyisha bantu meyi ne mikenji bivua Maweja-Nangila mumuambile. Bantu bonsu kuitaba ne: — Netuenze bionsu bidi Maweja-Nangila muambe.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Yeshaya 1:21

Mmunyi muvua tshimenga tshia bantu bavua bangitaba, tshiandamuka tshia bena buendenda? Tshimenga tshivua bantu banemekangana, banemeka ne bintu bia bantu bakuabu, mpindiewu tshikadi tshimenga tshia bashipianganyi.

Yeshaya 10:27

Dituku adi, neakumushile bujitu budi bukunemenena pa makaya. Neakupepejile mutshi uuvua wambula nawu bintu bia bujitu pa dikaya diebe. Bena mvita ba bena Ashure badi baya mu Samariya,

Yeshaya 14:25

Nenyangakaje bukole bua bena Ashure, mu buloba buanyi meme. Nembudiatakaje pa mikuna yanyi. Nenjikije tshinyangu, tshidibu banyanga natshi bantu banyi. Nengumushe bujitu bunene, budibu babambuishe.”

Yeshaya 9:4

Bisabata bia baluishi bidi bizakaja buloba, binkutu biabu binyanguke ne mashi, nebabioshe mu kapia, babishidisha.

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Yirmeya 30:8

Maweja-Nangila wa bukole buonsu udi wamba ne: Pafika matuku awu, nentshibule mutshi wa bupika udi pa makaya abu. Nenkose mionji yabu. Nanku kabakuikala kabidi bapika ba bantu bakuabu to.

Yirmeya 5:5

Ndi musue kuyukila ne bantu baneme. Bobu badi bamanye tshidi Maweja-Nangila musue. Badi bamanye mikenji ya Mvidi Mukulu wabu.” Kadi, bantu bonsu badi amu mushindu umue, kabena batshina kabidi Maweja-Nangila. Badi babenga mikenji ya ndondu ivuabu batue nende.

Yezekiyele 16:28

Kadi lukuka luebe kalutua lujika to. Wewe kuenda tshiendenda ne bena Ashure. Kadi nansha bobu kabavua mua kukusankisha to.

Yezekiyele 16:31

Wewe kuasa tshibumba ku tshibuelelu tshia musesu onsu. Uvua muakaje, mu bisalu bionsu, muaba mutumbuke bua umueneke bimpe. Kuuvua nansha mulombe bua bakufile, bu mudibu bonda muena tshiendenda yonsu!

Yezekiyele 16:41

Neboshe nzubu yebe. Nanku nebakumbaje tshibawu tshivuabu bakufundile, bakaji ba bungi batangile. Nenjikije buendenda buebe. Kuakonda kabidi balume to.

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Yezekiyele 23:5

Kadi Okola, nansha meme mumusele, uvua wenda amu buendenda. Uvua walakana bena mutumba nende bena Ashure. Kupetaye bananga bende momu amu.

Osheya 1:2

Teleja malu avua Maweja-Nangila mutuadije kumanyisha Osheya, bua ambile bena Izrayele. Uvua mumuambile ne: “Uye kusela mukaji muena tshiendenda. Bana bawalela ne mukaji awu, nebalonde bibidilu bibi bia mamuabu. Bualu bena Izrayele bonsu mbambenge meme Maweja-Nangila, basue kuikala bena tshiendenda.”

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Osheya 3:3

Meme kuambila mukajanyi ne: “Ushale nanyi muaba ewu, kuyi wenda tshiendenda, kuyi unanga mulume mukuabu. Meme kabidi tshiakukubuelela mu nzubu to.”

Osheya 4:13

Badi balambula milambu ku nsongu ya mikuna. Badi bosha musenga wa manananshi pa mikuna, bua muinshi ubande mulu. Badi bimane muinshi mua mitshi: ya nsanga, ne mikuabu. Bualu dileji dia mitshi ayi, didi dibalengelela. Ke padi bana benu ba bakaji benda tshiendenda, bakaji ba bana benu ba balume, batomboka ku mabaka.

Osheya 9:1

Nuenu bena Izrayele, kanuena mua kuenza tshibilu, nansha kusanka, mudi bisamba bikuabu bienza. Bualu nudi balekela Mvidi Mukulu wenu, nutendelela mvidie ya patupu. Miaba yonsu idibu bashipule ntete ya bukula, nudi nukeba difutu dia ku buenzavi buenu.

Lewitiki 26:13

Meme ndi Maweja-Nangila Mvidi Mukulu wenu, uvua munupatule ku bupika mu ditunga dia Ejipitu. Meme kukosa nkanu ya bupika buenu, bua numone mua kuenda ntunku.

Nahume 1:13

Ndi nnupikula mpindiewu, ku bupika bua baluishi benu, nkosa nkanu idibu banusuika.”

Dielulula 12:2

Nunyangakaje miaba ya tshijila yonsu, idibu base pa nsongu ya mikuna minene ne mikese, munkathi mua mitshi ya dileji, muaba udibu batendelela mvidie kudi bisamba binuanyenga matunga abi.

Dielulula 15:15

Nuvuluke ne: nuvua bapika mu ditunga dia Ejipitu. Maweja-Nangila Mvidi Mukulu wenu kunupatula. Ke pandi nnupesha mukenji ewu mpindiewu.

Dielulula 26:17

Lelu Maweja-Nangila Mvidi Mukulu wenu, udi unulaya ne: nuenu benze mudiye musue, bakumbaje meyi ende ne mikenji yende, Yeye neikale Mvidi Mukulu wenu.

Dielulula 4:20

Kadi nuenu bena Izrayele, Maweja-Nangila mmunukebe, munupatule kabidi mu Ejipitu, munuvua munkatshi mua dikenga dikole, bua nuikale tshisamba tshiende yeye, bu munudi lelu.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Dielulula 5:27

Nanku wewe Moshe, usemene kudi Maweja-Nangila Mvidi Mukulu wetu, uteleje bionsu bidiye ukuambila, utumanyishabi. Tuetu netubiteleje, tubikumbaje kabidi.”

Yoshua 1:16

Bena bisamba ebi kuandamuna Yoshuwa ne: — Netukumbaje bionsu biudi mutuambile. Netuye muaba onsu uudi ututuma.

Yoshua 24:24

Bena Izrayele kuandamuna ne: — Eyowa, tudi basue kuenzela Maweja-Nangila Mvidi Mukulu wetu mudimu, kutumikila diyi diende.

Yoshua 24:26

Kufundaye meyi ne mikenji abi mu mukanda wa mikenji wa Mvidi Mukulu. Pashishe kuangataye dibue dinene, kudimanyikaye muinshi mua mutshi wa lusanga, muaba wa tshijila wa Maweja-Nangila.

Didimanyisha 17:1

Ke umue wa ku batumibue muanda mutekete bavua ne makopu muanda mutekete kufika, ungambila ne: — Luaku. Nenkuleje mudibu ne bua kunyoka muena buendenda munene, tshimenga tshinene tshivuabu bibake ku mielelu ya misulu mivule.

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.

Balombodi 2:11

Bena Izrayele kuenza malu avua Maweja-Nangila ubenga. Kutuadijabu kutendelela mvidie Baale.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.

1 Samuele 12:10

Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”