Yirmeya 2:2 - MUKANDA WA MYIDI MUKULU

² — Yirmeya, uye kumanyisha muntu yonsu udi mu Yerushalayime ne: Maweja-Nangila udi wamba ne: Ndi muvuluke mushindu uuvua kale. Ndi muvuluke muuvua mundamate, pautshivua nsongakaji! Uvua munnange bikole, patutshivua babangilangane! Uvua undonda mu tshipela, muaba udi kauyi utoloka tshintu.

Mukanda wa Nzambi Dihungila Dikulukulu ne Dihungila Dihia-dihia 2003

² Ya wele lusanzu mu matshu a Bena Yelushalema, ubambile ne, Yehowa udi wamba ne, Ndi nkuvuluisha bua luse lua mu bunsongakashi buebe, bua dinanga diwakadi nʼadi hanakakubangila, bu muwakandonda mu tshihela, mu buloba buakadi kabuyi ne bintu bikunamu.

Yirmeya 2:2 ပူးပေါင်းရင်းမြစ်များ

Misambu 129:1

Musambu wa bena ngendu… Bavua bankengesha biangatshile ku buana buanyi too ne… — Izrayele ambulule ne:

Ekesode 14:31

Kujadikabu ne: Maweja-Nangila mmubasungidile mu bianza bia bena Ejipitu ku bukole buende. Bantu bonsu kutshina Maweja-Nangila, kumutekemena. Kutekemena kabidi kudi muntu wende Moshe.

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Nsumuinu 1:20

Meji adi ela diyi mu misesu, akula bikole mu bisalu.

Musambu wa Solomo 3:11

“Eyi, nsongakaji ya mu Yerushalayime, luayi, nutangile mukalenga Shelomu! Udi muase tshifulu tshivua mamuende mumupe dituku dia tshibilu tshia dibaka, divuaye musanke mutshionkomoke.”

Musambu wa Solomo 3:6

Nganyi udi ufuma nenku mu tshipela, bu divuba dia muinshi, divuba didi dinunka mupuya wa kamonya, dinunka manananshi a mipuya mishilangane, afuma ku matunga a bende.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yirmeya 11:6

Maweja-Nangila kungambila kabidi ne: — Bualu ebu, ubuambe mu bimenga bia Yuda too ne mu misesu ya mu Yerushalayime: “Nunemeke ndondu utudi batue nenu, numukumbaje.

Yirmeya 19:2

Upatukile nabu bua kuya mu tshibanda tshia Inome, upitshile ku tshiibi tshia Ngesu mifue. Nenkumanyishe bualu buudi ne bua kubambila muaba awu.

Yirmeya 2:1

Maweja-Nangila kungambila ne:

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 3:4

Mpindiewu udi umbikila ne dikamakama, wela mbila ne: “Tatu wanyi, mulunda wanyi wa ku buana,

Yirmeya 7:2

bua kuimanaye mu mushiku wa nzubu wa Mvidi Mukulu, ne bua kuamba ne: “Nuenu bena Yuda bonsu, badi babuela ku mushiku ewu bua kutendelela, telejayi tshidi Maweja-Nangila wamba.

Yezekiyele 16:22

Matuku audi wenda tshiendenda tshiebe tshibi atshi, kuena mutuluke musangu nansha umue buana buebe, tshikondu tshiutua butaka, tshiutua mudibonde mu mashi.

Yezekiyele 16:60

Kadi, meme nennemeke ndondu umvua mutue nebe ku buana buebe. Nengenze bua ndondu wetu nebe ashale kashidi.

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Yezekiyele 23:19

Kadi kuvuaye kuenda tshiendenda kupitshisha. Kuenzaye bibi anu muvuaye muenze ku bunsongakaji buende mu Ejipitu.

Yezekiyele 23:3

Pavuabu bansongakaji bavua benda tshiendenda mu Ejipitu, muvuabu basombe. Muaba awu, ke uvuabu bababonda ku mabele musangu wa kumpala. Ke muaba muabu batuadija kunaya nabu, babakuata ku mabele abu a bunsongakaji.

Yezekiyele 23:8

Uvua mutungunuke ne tshiendenda, mutuaye wenza mu Ejipitu. Kuine aku patshituaye nsongakaji, balume bakavua benda nende tshiendenda, bamubonda ku mabele ende a bushika nkunde, bamusaka ku malu mabi.

Osheya 11:1

Maweja-Nangila udi wamba ne: “Patshivua bena Izrayele bana batekete, meme mvua mubanange. Mvua mbabikila ne: mbana banyi. Meme kubapatula mu Ejipitu.

Osheya 2:15

Nemmunyoke nanku, bua matuku avuaye ulambula mvidie Baale ne mvidie mikuabu. Uvua udilengeja ne tukanu, kabidi ne mabue a mu nshingu, ukeba balume ba kuenda nabu tshiendenda. Kadi uvua umpua muoyi. Meme Maweja-Nangila, ndi ngamba nanku.

Osheya 2:17

Neandonde mu tshipela ne disanka, bu tshikondu tshivuaye nsongakaji, tshivuaye mupatuke mu Ejipitu. Netupingane nende mu Izrayele. Nemmupingajile mionji yende ya mvinyo. Tshibandabanda tshibi tshia Akore, netshiandamuke tshiibi tshidi tshimuleja ditekemena.

Osheya 2:7

Mamuabu udi mubalele, mmuena tshiendenda, kena udinemeka to. Udi wamba ne: “Meme ndi musue kukeba, balume ba mu tshiendenda, badi bangonda biakudia, mampa, mayi a kunua, bilamba bienza ne ndanda, nansha ne boya bua nyama, mafuta ne maluvu a nwinyo.”

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Yona 1:2

— Juka, uye mu tshimenga tshinene tshia Ninive. Ukanyine bena tshimenga atshi mu dina dianyi, bualu tshiena musue kumona kabidi buenzayi bua bantu abu.

Matayi 11:15

Udi ne matshi a kumvua asangane kumvua anyi? Umvue!

Luke 12:13

Muntu mukuabu munkatshi mua bantu kuambila Yezu ne: — Mulongeshi, ambila muanetu tuabanyangane biuma bivua tatu mutushile.

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.

Didimanyisha 2:4

Kadi bualu bundi nkudiwila, mbua paudi kutshiyi munnange bu kumpala.