Yirmeya 2:14 - MUKANDA WA MYIDI MUKULU

¹⁴ Mpindiewu bena Izrayele mbapika bavuabu basumbe anyi? Bavua babalele bapika bua bashale nanku kashidi anyi? Nansha kakese! Kadi mudibu bashale lelu tshiakudia tshia bantu ba bisamba bikuabu mbishi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Isalele udi muhika, anyi? Udi muhika muledibue mu nsubu wa nfumu wandi, anyi? Wakulua bu tshintu tshidibo bakuata mu bulembi bualu kai?

Yirmeya 2:14 ပူးပေါင်းရင်းမြစ်များ

Genese 15:3

Bianyi bionsu nebabipiane anu kudi Eliyezere, muena Damase, udi wenza mudimu mu nzubu muanyi.

Ekesode 12:49

“Mikenji eyi idi bua bantu bonsu, benyi ne bena ditunga.”

Ekesode 4:22

Wewe umanyishe mukalenga wa bena Ejipitu ne: Maweja-Nangila udi wamba ne: “Izrayele udi muananyi wa balume muanabute.

Muambi 2:7

Meme kusumba bapika balume ne bakaji, kusakidila ku bimvua mumane kuikala nabi. Mvua ne ngombe ne mikoku mivule, bipite bia bonsu bavua bandianjidile mu Yerushalayime.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yirmeya 17:4

Nenushiye ditunga divua dienu, dimvua meme munupeshe. Ndi nnutuma mu bupika, mu ditunga dinudi kanuyi bamanye. Bualu nudi balundule tshiji tshianyi. Tshikadi bu kapia kadibu kabayi mua kujima.

Yirmeya 5:19

Kadi, pakonkabu ne: “Maweja-Nangila wetu mmutukengeshe nenku bua tshinyi,” wewe Yirmeya, wandamune ne: “Bualu nudi babenge Maweja-Nangila, bua kutendelela mvidie ya bantu ba bisamba bikuabu munda mua ditunga dienu. Nenku, nenuye momumue mu ditunga dia bende bua kukuatshila bantu ba bisamba bikuabu mudimu!”