Yirmeya 17:9 - MUKANDA WA MYIDI MUKULU

⁹ — Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Yirmeya 17:9 ပူးပေါင်းရင်းမြစ်များ

Genese 6:5

Maweja-Nangila kumona ne buenzayi bua bantu budi buenda buvulangane pa buloba, meji adibu bela matuku onsu adi anu mabi.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

2 Samuele 11:15

Mu mukanda awu, Davide uvua mufunde ne: “Uteke Uriya anu mulongu wa kumpala, muaba udi mvita mikole. Pashishe numuke, numushiye nkayende bua bamuase kudi baluishi, bamushipe.”

Misambu 51:5

Ndi mumanye mundi mukutombokele. Ndi muvuluke bubi buanyi diba dionsu.

Misambu 64:7

Badi bela meji a kuenzelangana bibi, bamba ne: “Bitudi balongolola ebi mbiobi! Amu patudi batekela apa. Bantu ba meji ke mudibu balongolola malu”

Nsumuinu 28:26

Muntu udi uditekemena amu yeye nkayende, mmubule lungenyi. Kadi udi wenda ukeba meji neasombe ne ditalala.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yeshaya 1:6

Biangatshile ku makasa too ne ku mutu, pambidi penu padi amu mputa, mibundabunda, ne mputa ipatuka tufina. Muntu nansha umue kena muyisukule, kena muyele mafuta, kena nansha muyisuike.

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Yirmeya 16:12

Nuenu kabidi nudi nuenza malu mabi mapite, avua baledi benu kabayi benza. Yonsu wa kunudi udi unanukila kuenza anu malu mabi ne muoyi mubi wa tshitunu. Muntu nansha umue kena uteleja tshindi ngamba.

Yirmeya 7:24

Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Matayi 13:15

Bualu bena tshisamba etshi mbapapishe muoyi wabu, mbadijike matshi, mbabuikile mesu. Bu bobu kabayi benza nanku, mesu abu avua mua kumona, matshi abu avua mua kumvua, lungenyi luabu luvua mua kujingulula malu. Nanku bavua mua kupingana kundi, Meme kujikija masama abu.”

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Marke 2:17

Yezu umvua nanku, kubambilaye ne: — Bantu badi ne bukole bua mubidi kabena bakengela munganga nansha, amu badi basama ke badi bamukengela. Tshiena mulue kubikila bantu bakane. Kadi ndi mulue kubikila benji ba malu mabi.

Rome 1:21

Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Rome 7:11

Ke meyi ne mikandu kupetesha bubi njila, bua bubi bundenduishe, bumfikishe ku lufu ku meyi ne mikandu mene abi.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Ebrewu 3:12

Bana hetu, dimukayi! Muntu wa kunudi nansha umue kikadi ne muoyi mubi, wa kuvila ditaba, mufuane kulamuka kudi Mvidi Mukulu wa muoyi.