Yirmeya 17:4 - MUKANDA WA MYIDI MUKULU

⁴ Nenushiye ditunga divua dienu, dimvua meme munupeshe. Ndi nnutuma mu bupika, mu ditunga dinudi kanuyi bamanye. Bualu nudi balundule tshiji tshianyi. Tshikadi bu kapia kadibu kabayi mua kujima.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wewe nkayebe neulekele kulama buhianyi bunakukuha; nenkuenzeshe bua wewe kukuatshila badi nʼebe lukuna mudimu mu buloba bûdi kuyi mumanye; bualu bua nsola tshiji tshianyi bu kahia kadi kosha tshiendelele.

Yirmeya 17:4 ပူးပေါင်းရင်းမြစ်များ

1 Bakalenga 9:7

nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

2 Bakalenga 25:21

Mukalenga wa bena Babilone kubashipela mu tshimenga atshi, mu ditunga dia Amate. Ke muvuabu bumuke ne bena Yuda mu buloba buabu, nanku baye nabu mu bupika.

Nehemya 9:28

Kadi bobu bamane kupatuka mu dikenga, ke kupinganabu ku malu mabi. Nanku, wewe kubalekela tshiakabidi mu bianza bia baluishi. Ke bobu kukubikila, wewe kubateleja mu diulu, kubasungidila misangu ne misangu, bu mudi dinanga diebe kadiyi ndekelu.

Yeshaya 14:3

Maweja-Nangila neapatule bena Izrayele mu bupika. Bobu bamane kupitshila mu makenga ne ntatu, nebapete dikisha.

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Yeshaya 50:11

Kadi nuenu bonsu badi batemesha kapia, badi benda ne kapia kasuika ku mikete mu bianza, ndimi ya kapia kenu neinukuate. Mikete inuvua batemeshe neinoshe. Ke bidi Maweja-Nangila musue kunuenzela. Nenukenge bikole, nufuilamu.

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Yirmeya 12:7

Ndi nshiya nzubu wa tshijila, uvua nzubu wanyi meme. Ndi mbenga bantu bavua banyi. Ndi mfila mu bianza bia baluishi babu, bantu bamvue munange ne muoyi wanyi mujima.

Yirmeya 15:14

Nenkufile kudi baluishi bebe, bua baye nebe ku bupika, mu ditunga diudi kuyi mumanye. Bualu tshiji tshianyi ntshimane kutema bu kapia. Ndi mukufikile munda.

Yirmeya 16:13

Nenku nennuipate mu ditunga edi, bua nuye mu dikuabu, divua baledi benu kabayi bamanye, dinuvua nuenu mene kanuyi bamanye. Kuine aku nenutendelele munya ne butuku mvidie ya bantu ba bisamba bikuabu. Kadi meme tshiakunuenzela kabidi bualu buimpe nansha bumue.”

Yirmeya 18:23

Wewe Maweja-Nangila udi mumanye bionsu, bidibu benza bua kunshipesha. Kuena mua kubafuila luse. Kuena mua kulengulula bilema biabu. Ubele panshi, ubaleje tshiji tshiebe!

Yirmeya 2:14

Mpindiewu bena Izrayele mbapika bavuabu basumbe anyi? Bavua babalele bapika bua bashale nanku kashidi anyi? Nansha kakese! Kadi mudibu bashale lelu tshiakudia tshia bantu ba bisamba bikuabu mbishi?

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yirmeya 22:28

Bantu nebakonke ne: “Konya, udi muntu mufuanangane ne luesu lufue ludibu bimansha anyi? Udi bu tshintu tshia patupu anyi? Yeye ne bana bende mbabipate baye nabu mu ditunga didibu kabayi bamanye bua tshinyi?”

Yirmeya 5:19

Kadi, pakonkabu ne: “Maweja-Nangila wetu mmutukengeshe nenku bua tshinyi,” wewe Yirmeya, wandamune ne: “Bualu nudi babenge Maweja-Nangila, bua kutendelela mvidie ya bantu ba bisamba bikuabu munda mua ditunga dienu. Nenku, nenuye momumue mu ditunga dia bende bua kukuatshila bantu ba bisamba bikuabu mudimu!”

Yirmeya 5:29

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua ditunga dia nanku anyi?

Yirmeya 7:20

Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Muadi 1:12

Nuenu bonsu badi bapitshila mu njila, luayi nutangile, nujadike ne: kakuena dikenga dikuabu bu dindi nadi edi, didi Mvidi Mukulu muntumine dituku divuaye mufike munda bikole!

Muadi 5:2

Bintu bietu bia bumpianyi mbabinyenge kudi bantu bakuabu. Nzubu yetu mbayangate kudi bantu benyi.

Yezekiyele 21:31

Meme Maweja-Nangila Mvidi Mukulu ndi ngamba ne: kuakuikala kabidi ne bimanyinu bia bukalenga to. Nebakutale tshifulu tshia bumfumu. Malu onsu mmandamuke. Bantu bapuekele nebasombe miaba ya lumu. Bantu ba bukole nebabapuekeshe.

Yezekiyele 7:24

Nembikidishe bantu ba tshikisu, bua babuele mu nzubu yabu mimpe, basombemu. Nansha bilobu mene nebitekete mu maboku, padi baluishi banyanga miaba yabu idibu batendelela.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.