Yirmeya 16:6 - MUKANDA WA MYIDI MUKULU

⁶ Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ne bantu banene ne bantu bahuekele nebafue mu buloba ebu; kabena bajikibua, bakuabo kabena babajinga anyi baditaha mputa bualu buabo, anyi badibeya nsuki bualu buabo.

Yirmeya 16:6 ပူးပေါင်းရင်းမြစ်များ

2 Kulondolola 36:17

Maweja-Nangila kutuma mukalenga wa Babilone bua kukuata ditunga. Bantu bonsu kushala ku bumfumu bua mukalenga awu. Mukalenga awu kushipa bena mvita bonsu too ne bavua muaba wa tshijila. Kavua mushiye muntu nansha umue ne muoyi! Bansongalume, bansongakaji, bantu bakole ne bakulakaje, kufuabu bonsu.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 24:2

Bualu bua mumue budi bukuata batuangaji ne bantu bakuabu, bukuata bamfumu ne bapika babu, bukuata bamamu ba nzubu ne bena mudimu babu, bukuata basumbishi ba bintu ne badi basumba, bukuata basombeshanganyi ba bintu ne badi basomba bintu, bukuata bangatshi ba kasombela ne bafidi ba kasombela.

Yirmeya 13:13

ubambile ne: Maweja-Nangila udi wamba ne: “Bena ditunga edi bonsu, nansha bakalenga mene badi basombe mu nkuasa wa Davide, nansha batuangaji, bambi, ne bantu bakuabu ba mu Yerushalayime, nembanuishe maluvu bua bakuatshike kashidi.

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 41:5

Nanku bantu balume makumi muanda mukulu ba ku Shekeme, ba ku Shilo, ne ba ku Samariya, kufika. Bavua babeya miedi, bavuale bilamba bipandike, baditape mputa pambidi. Bavua bambule milambu ya ntete ya kuenza bukula, ne ya musenga wa kamonya, bua kuya kulambula Maweja-Nangila mu nzubu wende wa mu Yerushalayime.

Yirmeya 47:5

Bena Ngaza mbakungule mu mitu, badi mu madilu. Bena mu Askalone mbashale bapuwa ne kanyinganyinga. Nuenu ndelanganyi ya bantu ba mpolondu. Nenuditape mputa pambidi too ne ku diba kaayi?

Yirmeya 48:37

Bantu balume bonsu neakungule nsuki, babeya miedi yabu. Bavua batapa nsalu ku bianza biabu bienza mputa, bavuale bilamba bia lufuila.

Yirmeya 7:29

Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Lewitiki 19:27

Kanubeyi nsuki yenu biketu, kanukungudi muedi wenu ku nseke to.

Lewitiki 19:28

Panudi mu madilu, kanuditapi mputa pambidi. Kanuditapi nsalu pambidi to. Bualu meme Ndi Maweja-Nangila.

Amosa 6:11

Dimukayi, bualu: Maweja-Nangila mmuele diyi, nzubu yonsu neyele mitanta, yupuka, minene, nansha mikese.

Matayi 9:23

Yezu kufika ku nzubu kua mfumu wa bena Yuda. Kumonaye bimbi ba bisanji bamane kudilongolola bua kujika muntu uvua mufue. Kumonaye kabidi bantu ba bungi bateka mutoyi.

Dielulula 14:1

Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.

Didimanyisha 20:12

Pashishe meme kumona bafue bonsu, baneme ne bashadile, bimane kulu kumpala kua nkuasa wa butumbi. Kubululabu mikanda. Kubululabu kabidi mukanda mukuabu, mukanda wa muoyi. Kulumbuluishabu bafue, bilondeshile malu avuabu benze, avuabu bafunde mu mikanda ayi.

Didimanyisha 6:15

Bakalenga ba pa buloba, balombodi, bamfumu ba basolayi, babanji, bena mianzu, kabidi ne bantu bakuabu bonsu, bapika nansha badi badienzela malu, kuyabu kusokomena mu mikuna ne mu mbuebue ivuamu.