Yirmeya 16:4 - MUKANDA WA MYIDI MUKULU

⁴ bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bobo nebafue ne lufu lua masama mabi, bantu kabena babashila muadi ne kabena babajika; nebikale bu tunvi ha buloba. Nebashihibue ku muele wa nvita ne ku tshiole; bitalu biabo nebikale bia kudia bia nyunyu ya mulu ne bia nyama ya ha buloba.

Yirmeya 16:4 ပူးပေါင်းရင်းမြစ်များ

2 Bakalenga 9:10

Kadi tshitalu tshia Yezabele kabakutshijika to. Mbua neitshidile mu budimi bua Yizreyele.” Muambi nsongalume wamba nanku, kunzulula tshiibi. Kapatuka lubilu.

Misambu 78:64

Batuangaji kufua ku muele wa mvita, kakuvua kushala nansha bakaji bakamba bua kudila.

Misambu 83:10

Eyi, Mvidi Mukulu, enzela bantu aba bu muuvua muenzele Sisra ne Yabine, ku musulu wa muenji mukole wa Kishone. Nansha bu muuvua muenzele bena Madiyane,

Yeshaya 18:6

Ke mudibu bimanshe bena Kushe, bashala tshiakudia tshia nyunyi ya pa mikuna, ne tshia nyama ya muitu. — Mikanku idi ibadia mu tshikondu tshia luya, nyama ya muitu mu tshikondu tshia mashika. —

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Yirmeya 19:7

Muaba ewu nempangishe bena Izrayele ne bena Yuda, bua kabakumbaji tshidibu bela meji. Nemfile bantu aba kudi baluishi babu badi kabayi ne luse. Nenganyishe bua bitalu biabu babizokole kudi nyunyi ya mikanku, babidie kudi nyama ya mibuabua.

Yirmeya 21:6

Nenshipe bantu badi basomba mu tshimenga etshi, bantu ne nyama. Nebafue ku disama dikole dia tshiambu.

Yirmeya 25:33

Dituku dikale malu aa mua kuenzeka, kakuakuila muntu nansha umue pa buloba bujima udi mua kudila bantu badi Maweja-Nangila ushipa. Kakuakuila muntu udi mua kuambula bitalu biabu bua kubajika. Nebishale panshi bu bufuke budi bufukisha buloba.

Yirmeya 34:17

Yirmeya kuamba kabidi ne: — Maweja-Nangila udi wamba ne: “Yonsu wa kunudi uvua ne bua kuanyisha bua mupika wende, muanabu nansha muena mutumba nende, aye mudiye musue. Kadi kanuena bangitabe to. Nanku, meme Maweja-Nangila ndi ngamba ne: Nennutumine mvita, tshiyole tshia nzala, ne disama dia tshiambu. Nenku makalenga onsu a pa buloba neikale ne bowa padiwu amona bidi binuenzekela.

Yirmeya 34:20

Nanku nembafile kudi bantu badi bajinga kubashipa. Nyunyi ya mikanku ne nyama ya mibuabua neyidie bitalu biabu.

Yirmeya 36:30

Ke padi Maweja-Nangila wamba ne: Ku ndelanganyi ya Yoyakime kakuakuikala muntu nansha umue udi mua kubuela mu bukalenga bua Davide kunyima kuende. Tshitalu tshia Yoyakime nebatshimanshe pambelu, butuku netshikanyanyanye ne mashika, mu munya netshiuminyine ne luya.

Yirmeya 44:12

‘Nengangate bena Yuda bavua bashale, baye kusokoma mu Ejipitu. Bonsu nebafue. Mu ditunga edi ke muafuilabu bonsu nansha ku mvita, nansha ku tshiyole tshia nzala. Muntu kakushala ne muoyi to. Eyowa, nebafue nanku. Bantu nebabateke tshilejilu tshia kutshipa natshi, tshia kukuatshisha natshi bowa, tshia kufuisha natshi bundu.

Yirmeya 44:27

Nennutumine dikenga. Tshiena nnutumina kabidi disanka to. Bena Yuda badi basombe kabidi mu Ejipitu nebafue bonsu, too ne wa ndekelu, ku mvita nansha ku tshiyole tshia nzala.

Yirmeya 7:33

Bitalu bia bantu aba nebabidie kudi nyunyi ya mikanku ne nyama ya mibuabua. Muntu kena uyipata to.

Yirmeya 9:22

Maweja-Nangila udi wamba ne: “Muntu udi ne meji, kaditambishi bua meji ende to! Muntu udi ne bukole, kaditambishi bua bukole buende to! Muntu mubanji, kaditambishi bua bubanji buende to!

Muadi 4:9

Bivua bipite buimpe kufua ku muele wa mvita, pa mutu pa kufua ku nzala, pa mutu pa kulewuka ku tshiyole.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Yezekiyele 5:12

Tshia bisatu tshia bantu ba kunudi netshifue ku disama dia tshiambu, nansha ku tshiyole tshia nzala, munda mua tshimenga. Tshia bisatu tshikuabu netshifue ku muele wa mvita, ku mpenga kua tshimenga. Tshia bisatu tshia ndekelu nentshitangalaje ku nseke inayi ya buloba, ntshilondakaja ne muele wa mvita.

Sefanya 1:17

Maweja-Nangila udi wamba ne: “Nembueje bantu mu dikenga, nebababate mudi bampofu benza, bualu bavua bangenzela malu mabi. Mashi abu neatangalake miaba yonsu, bu mudi lupuishi. Bitalu biabu nebibole, mudi bintu bidibu bela ku dyala.”

Dielulula 28:22

Nenunyane, nupeta mubidi luya ne biuja. Biakudia bienu nebiume ne munanga; nansha nebibole. Neanukengeshe nenku too ne panuabutuka bonsu.

Dielulula 28:26

Bitalu bienu, nebabidie kudi nyama ya mibuabua ne nyunyi ya mikanku, muntu kayi mua kuyipata to.