Yirmeya 14:9 - MUKANDA WA MYIDI MUKULU

⁹ Udi udileja bu muntu, udi kayi mua kutuambuluisha, bu muena bukitu udi mupange bukole bua kusungidila bakuabu, bua tshinyi? Eku wewe Maweja-Nangila udi munkatshi muetu. Tudi bantu bebe. Kutulekedi nansha.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu kai ukadi kutudi bu muntu udi ne buowa, bu muena bukitu udi kayi mua kutusungila? Kadi wewe, Yehowa, udi munkatshi muetu; tuetu ludi tubikidibua ku dina diebe; kutulekedi nansha.

Yirmeya 14:9 ပူးပေါင်းရင်းမြစ်များ

2 Kulondolola 7:14

padi bantu banyi bena Izrayele, bandi muinyike dina dianyi, badipuekesha, bantendelela, padi bena Izrayele bankeba, balekela bibidilu biabu bibi, Meme Maweja-Nangila, mu diulu mundi, nembateleje. Nembalekele bilema biabu, nengakaje ditunga diabu.

Misambu 10:1

Maweja-Nangila, udi muimanyine kule bua tshinyi? Udi musokome patudi mu dikenga bualu kaayi?

Misambu 27:9

Kunsokomi, kungipatshi ne tshiji. Wewe ke udi mungambuluishe misangu yonsu. Nanku lelu Wewe Mvidi Mukulu, mumpandishi, kumbengi, kundekedi.

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 43:7

Nufike ne bonsu badibu binyike dina dianyi, bonsu bandi mufuke, bonsu bandi musonge, bandi muenze, bualu bobu badi baleja butumbi buanyi.”

Yeshaya 51:9

Wewe Maweja-Nangila, tabalaku. Juka lukasa, kunengakanyi. Leja bukole buebe tshiakabidi. Ubuleje bu muuvua muenze kale mu bikondu bipite. Uvua mushipe, musaye Rakabe, nyama wa tshikisu wa mu mayi manene, ki ngwewe anyi?

Yeshaya 59:1

Nudi nuela meji ne: maboku a Mvidi Mukulu kaena male makumbane bua kunusungidila anyi? Nudi nuela meji ne: matshi a Maweja-Nangila adi mapate, kaayi mua kunuteleja anyi?

Yeshaya 63:19

Kukadi bidimu bivule, tudi amu bamueneke bu bantu baudi kuyi uludika, baudi kuyi muinyike dina diebe. Eyi! Bu wewe mua kupanda diulu, bu wewe mua kupueka panuapa! Mikuna ivua mua kuzakala kumpala kuebe.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Yirmeya 51:5

Bualu Maweja-Nangila Mvidi Mukulu wabu wa bukole buonsu, ki mmubenge bena Izrayele ne bena Yuda. Kadi bena Babilone mbenzele Maweja-Nangila wa tshijila wa Izrayele bibi bitambe.

Yirmeya 8:19

Telejayi, bantu banyi bena Izrayele, badi badila muadi mu ditunga dionsu, bakeba udi mua kubambuluisha, bamba ne: “Maweja-Nangila kena kabidi mu Siyone anyi? Siyone kena kabidi ne mukalenga anyi?” Kadi bena Izrayele neatendelele mvidie ya bantu ba bisamba bikuabu, ya mitshi misonga, idi kayiyi mua kubambuluisha bua tshinyi? Bavua bamfikisha munda bua tshinyi?

Muadi 5:20

Neutupue muoyi, neutubenge matuku onsu atutshidi ne muoyi panu anyi?

Yezekiyele 48:35

Bimana bionsu bidi binyungulula tshimenga pamue, bidi ne bule bua metre binunu tshitema. Nanku, tshimenga etshi nebatshinyike ne: “Maweja-Nangila udiku.”

Abakuke 1:2

Maweja-Nangila, matuku bungiwu andi nkubikila, Wewe nansha kunteleja! Ndi nkumanyisha tshinyangu tshitudi natshi, kadi Wewe nansha kutusungidila!

Zekâya 2:5

Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Bienzedi 15:17

Nanku bantu bakuabu bonsu nebakebe Maweja-Nangila: ke bena bisamba bionsu bimvua mubikile, bua bishale bianyi. Meme Maweja-Nangila nenkumbaje,

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Dielulula 23:14

Muena mvita yonsu ikale ne tshikasu, bua padiye usesuka, ambule buloba, ajibikile bunyawu.

Dielulula 28:10

Bantu ba bisamba bikuabu bionsu nebamone munudi bantu ba Maweja-Nangila, badi bamuenzela mudimu. Nanku nebanutshine.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

1 Samuele 12:22

Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.