Yirmeya 13:9 - MUKANDA WA MYIDI MUKULU

⁹ “Meme Maweja-Nangila ndi ngamba ne: Ke mundi nnyanga lumu lua bena Yuda, ne lua bena Yerushalayime ludibu baditambisha nalu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa udi wamba ne, Nenyange dihetu dia Bena Yuda ne dihetu dinene dia Bena Yelushalema muomumue.

Yirmeya 13:9 ပူးပေါင်းရင်းမြစ်များ

Nsumuinu 16:18

Udi uditambisha neabutuke. Udi udisua neapone panshi.

Yeshaya 16:6

Tuvua bumvue bakula ne: bena Mowabe badi baditambisha, badisua bikole, baditemba, badiamba tshianana, baditambisha patupu.

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yirmeya 13:8

Nanku, Maweja-Nangila kungambila ne:

Yirmeya 25:18

Meme kutuadija kunuisha bena mu Yerushalayime, bena mu bimenga bia Yuda, bakalenga ba balombodi ba mu bukalenga, bua kubabutula bonsu. Ditunga diabu ndishale lubuwa. Bionsu ebi, nebikemeshe bantu. Nebibeleshe bibingu. Nanku bantu nebatshipe batela tshilejilu tshiabu.

Yirmeya 48:29

Tuvua bumvue muvua bena Mowabe baditambisha, badisua bikole, bapepeja bantu bakuabu, baleja dikamakama, baditemba, baditeka ku mutu kua bantu bakuabu.

Yezekiyele 16:50

Bavua ne kapeja, benza malu mabi andi tshiyi mua kuitaba. Nanku meme kubabutula pa buloba, bu muudi mumanye amu.

Yezekiyele 16:56

Pautua uditambisha, uvua utela Sodome ne kapeja.

Lewitiki 26:19

Bua kujikija ditambisha ne tshitunu tshinudi natshi, tshiena unulokeshila mvula to. Biakudia kabiena bitoloka to. Diulu nedikole bu tshiamu, buloba nebuume bu tshiamu tshikunze.

Nahume 2:2

Nuenu bena mu tshimenga tshia Ninive, baluishi benu badi balua bua kunubutula. Bena nwita, lamayi tshimenga tshienu tshinuvua bakoleshe ne bimana, nutentekele ku njila, nudilongolole ku nwita, nusangishe bonsu badi bamanye mua kuluangana.

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”