Yirmeya 12:3 - MUKANDA WA MYIDI MUKULU

³ Maweja-Nangila udi mummanye meme. Udi mummone, udi mujadike mundi mukunange, mukusungule amu wewe. Kadi bantu babi, ubateke ku luseke, anu bu mudibu bateka mbuji ya mikoku pa nkayayi bua kuyishipa. Ubateke ku luseke bua dituku dia kabutu babashipe.

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi wewe, Yehowa, udi mu mmanye meme, wewe udi untangila, udi uteta mutshima undi nʼau kûdi; ubahatule bu mudibo bahatula mikoko mu luhangu bua kuya nʼai ku tshishihelu, ne ubalongoluele bua kufuabo dituku dia kubashiha.

Yirmeya 12:3 ပူးပေါင်းရင်းမြစ်များ

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Misambu 11:5

Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Misambu 139:23

Mvidi Mukulu wanyi, jingulula malu adi mu muoyi wanyi, ummanye. Untete, umanye majinga anyi onsu.

Misambu 17:3

Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Misambu 26:1

Musambu wa mu mukanda wa misambu ya Davide. Maweja-Nangila, umbingishe, bualu tshiena muenze bualu bubi nansha bumue. Ndi nkutekemena muanyi muonsu.

Misambu 7:9

Maweja-Nangila, wewe mulumbuluishi wa bisamba, kosa tshilumbu tshianyi pa tshiotshi, leja buakane buanyi patoke ku bantu.

Yirmeya 15:15

Kadi wewe, Maweja-Nangila, udi mumanye bimpe malu anyi onsu. Umvuluke, ungambuluishe. Unsombuele kudi baluishi banyi, Wewe mulame lutulu kuyi ubanyoka lukasa, nebanshipe. Umanye ne: bipendu ebi ndi mbilengulula anu bualu buebe.

Yirmeya 17:16

Maweja-Nangila, meme tshivua mukusake bua wewe kubatumina dikenga. Tshivua mujinge ne: babutuke. Amu wewe ke uvua mujadike malu onsu amvua muambe.

Yirmeya 17:18

Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.

Yirmeya 20:12

Wewe Maweja-Nangila wa bukole buonsu, udi mumanye muntu udi ukulamata. Udi ujingulula meji adi muntu nawu munda. Mvua muteke tshilumbu tshianyi mu bianza biebe. Nanku ndi musue kumona muudi unyoka bena lukuna banyi.

Yirmeya 48:15

Bantu badi ne bua kubutula ditunga dienu dia Mowabe bakadi bafike bua kuluisha bimenga bionsu. Bansongalume benu balenga nebaye kupetangana nabu bua kubashipa. Ke tshidi mukalenga munene, udi dina ne: Maweja-Nangila wa bukole buonsu wamba.

Yirmeya 50:27

Nushipe bilobu biende bionsu! Nuye nabi ku tshishipelu, mudibu benza ne ngombe milume. Bena Babilone nudi bena diakabi. Dituku didi Maweja-Nangila ne bua kununyoka, ndimane kufika!

Yirmeya 51:4

Bantu bavuabu batape mputa nebalale panshi, mu buloba bua Babilone. Bitalu bia bantu bafuile mu mvita nebiuwule mu misesu ya tshimenga tente.

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Yakobe 5:5

Nuvua basombe pa buloba mu biuma ne masanka. Nudi nudia nuondoloka. Kadi dituku dia kunushipa dikadi pabuipi.

2 Petro 2:12

Kadi bantu aba badi benza malu, bu badi kabayi bela meji. Badi bu nyama ya lonji idi kayiyi yela meji, idibu balela amu bua bantu bamone mua kuyikuata, kuyishipa. Badi bapenda tshidibu kabayi bamanye. Nebabashipe mudibu bashipa nyama ya lonji ayi.