Yirmeya 12:2 - MUKANDA WA MYIDI MUKULU

² Udi mubakune, bobu kuela miji, kusampila, kukuama bimuma. Matuku onsu badi bakutela mukana, kadi muoyi wabu kawena kuudi.

Mukanda wa Nzambi Dihungila Dikulukulu ne Dihungila Dihia-dihia 2003

² Wewe wakubakuna, bakuela miji; badi badiunda; e, badi bakuama mamuma; Wewe udi ha buihi ne mishiku yabo, udi kule ne mitshima yabo.

Yirmeya 12:2 ပူးပေါင်းရင်းမြစ်များ

Yobe 24:12

Mu tshimenga, bantu badi batua mikemu, badi bapunga ne lufu, bela mbila. Kadi Mvidi Mukulu kena uteleja miadi ya bantu abu nansha.

Yobe 5:3

Bushuwa, meme kumona tshidingidingi tshipeta diakalenga, kadi, diakamue meme kutshipa nzubu wende ne:

Misambu 37:35

Meme kumona muena tshinyangu ukengesha bantu, wenda ukola bu mutshi wa sedre wa mu Lebanone.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Yirmeya 11:17

Maweja-Nangila wa bukole buonsu uvua mukune Izrayele ne Yuda. Kadi udi ubambila lelu ne: nennubutule. Dikenga edi nedinukuate bua bubi bunuvua benze. Bualu nuvua bampende, balambule mvidie Baale milambu.

Yirmeya 3:10

Yuda ntomboji, muanabu ne Izrayele, yeye mumane kuenza bionsu ebi, kena mupingane kundi ne muoyi mujima to, kadi amu ne miaku patupu. Meme Maweja-Nangila ndi njadika nanku.

Yirmeya 45:4

Nanku Maweja-Nangila mmungambile bua kukumanyisha ne: “Ndi nshimbula tshimvua muibake, ndi njuula tshimvua mukune. Ndi mbondakaja ditunga dijima.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Osheya 7:14

Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Abakuke 1:13

Kadi mesu ebe adi mimpe be. Kuena mua kuanyisha bua amone malu mabi. Bantu badi bakengesha bakuabu, kuena mua kubatangila, kuyi wenza bualu. Kadi muudi umona bidi bena tshinyangu abu benza, kuyi wamba bualu, mbishi? Bantu babi aba badi babutula matunga a bantu ba nsongu badi babapita bobu. Kadi udi umona nanku, upuwa bua tshinyi?

Matayi 15:8

“Bantu aba badi bannemeka amu ne miaku patupu, kadi muoyi wabu udi kule, kawena kundi.

Marke 7:6

Yezu kubandamuna ne: — Nuenu bena mpala ibidi, Yeshaya uvua mudianze kuambilamu bualu buenu, pavuaye mufunde ne: “Mvidi Mukulu udi wamba ne: Bantu aba badi bantumbisha amu ku mishiku, kadi muoyi wabu kawena kundi.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.