Yirmeya 11:7 - MUKANDA WA MYIDI MUKULU

⁷ Bu mumvua nsengelela bankambua benu matuku amvua mubapatule mu Ejipitu, ke mundi nnusengelela nuenu lelu. Ndi nnuambila ne: Itabayi bindi nnuambila.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua nakasengelela bankambua benu bikole mu dituku dinakabaluhula mu buloba bua Ejipitu tô ne ku dituku edi, mbika ne lunkelu bua kubadimusha ne, Nutumikile dî dianyi.

Yirmeya 11:7 ပူးပေါင်းရင်းမြစ်များ

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

2 Kulondolola 36:15

Maweja-Nangila Mvidi Mukulu wa bankambua ba bena Izrayele, uvua munange bikole bantu bende bena Izrayele, munange kabidi ne nzubu wende wa tshijila. Kutumaye bantu misangu ya bungi bua kumanyisha bena Izrayele majinga ende.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Yirmeya 11:4

Mu matuku amvua mupatule bankambua benu mu dikenga dikole mu Ejipitu, meme kutua nabu ndondu. Meme kubambila ne: Nuteleje bionsu bindi nnuambila, nubikumbaje. Nanku, nenuikale bantu banyi, meme nengikale Mvidi Mukulu wenu. Ke mukenji undi nnuelela.

Yirmeya 25:3

— Kutuadija ku tshidimu tshia dikumi ne tshinayi tshivua Yoshiya, muana wa Amone, mu bukalenga bua bena Yuda too ne lelu, kukadi bidimu makumi abidi ne bisatu bindi nnubela, tshiyi ndekela, nnuambuluila amu malu adi Maweja-Nangila ummanyisha. Kadi kanuena nuateleja to.

Yirmeya 25:4

Maweja-Nangila uvua unutumina amu kunutumina bambi bena mudimu bende, kadi kanuena babateleje nansha. Kanuvua bateya matshi bua kumvua tshivuabu bamba.

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.

Yirmeya 32:23

Bushuwa, bavua bangata ditunga edi. Kadi kabavua bateleja tshiuvua wamba. Kabavua balonda mikenji yebe. Kabavua benza tshiuvua mubatumine diyi. Ke muuvua mutume makenga onsu aa atudi tumona lelu.

Yirmeya 34:14

Mvua mubambile ne: Pakumbana bidimu muanda mutekete, yonsu wa kunudi apikule muanabu muena Ebrewu uvua mudipane kudiye bu mupika, ne ukavua mumane kumuenzela mudimu bidimu bisambombu. Nudi mua kumulekela aye mudiye musue. Kadi bankambua benu ki mbanteleje, ki mbitabe tshimvua mubambile to.

Yirmeya 35:14

Yonadabe, muana wa Rekabe, uvua mukandike bana bende bua kabanu maluvu a mvinyo to. Bena Rekabe kuitaba miaku yende too ne lelu. Ki mbanue maluvu a mvinyo to. Bualu bavua bitabe mukenji wa kudi nkambua wabu. Meme Maweja-Nangila kunubela misangu ne misangu, kadi kanuena nunteleja to.

Yirmeya 35:15

Meme kunutumina bantu banyi bavule, bambi, bua banuambile ne: ‘Muntu yonsu wa kunudi adilengeje. Enzayi malu mimpe. Kanulamatshi mvindie ya bantu ba bisamba bikuabu bua kuyitendelela. Nenku nenusombe mu buloba bumvua munupeshe nuenu ne bankambua benu.’ Kadi kanuvua banteleje ne ntema, kanuvua bangumvue nansha.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Zekâya 1:4

Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.

Efeze 4:17

Mu dina dia Mfumu, ndi nnuambila, nnujadikila se: kanuenji kabidi malu adi bantu badi kabayi bamanye Mvidi Mukulu benza, bualu badi balonda meji abu a patupu.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Dielulula 4:6

Nuenu bakumbaje mikenji eyi bimpe, bantu ba bisamba bikuabu pamanyabu mikenji eyi, nebajadike ne: nuenu nudi bantu ba lungenyi ne meji. Nebakeme, bamba ne: “Bena tshisamba tshinene etshi badi ne bantu ba lungenyi ne meji.”

Dielulula 5:29

Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.

Dielulula 8:6

Nutumikile mikenji ya Maweja-Nangila Mvidi Mukulu wenu, numunemeke, nuenze mudiye musue.

2 Tesalonike 3:12

Bantu abu tudi tubalomba, tubambila mu dina dia Mfumu Yezu ne: nukuate mudimu matuku onsu, bua nudipetele tshiakudia tshienu.

1 Samuele 8:9

Nanku itaba bionsu bidibu bakulomba. Kadi ubabela, ubambile patoke, ubaleje malu onsu abenzelabu kudi mukalenga udi ushala mfumuabu.