Yirmeya 10:9 - MUKANDA WA MYIDI MUKULU

⁹ Mpingu eyi, mbayilamike tshiamu tshitoke tshia mushinga mukole tshia ku Tarshishe, nansha tshiamu tshia mpawungi, tshiaku Ufaze. Muntu ke udi musonge mpingu ayi. Nsenda wa tshiamu tshia mpawungi ke udi muyilengeje. Badi bayivuadika bilamba bimpe, bikunze ne bifikuluke. Mpingu yonsu eyi, idi anu mienza kudi muntu udi mumanye mudimu wende bilenga.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tshidi tshilamika ne tshiamu tshia argent tshiakafumabo nʼatshi ku Tâshishi, ne tshiamu tshia or tshia ku Ufaza, mmudimu wa nsenda ne mutudi wa or; badi ne bilulu bifike ne bikunzubile; buonso buabi mmudimu wa bena lungenyi.

Yirmeya 10:9 ပူးပေါင်းရင်းမြစ်များ

1 Bakalenga 10:22

Mukalenga Shelomu uvua ne matu avuaye utuma mitantshi mile, musangu umue ne matu a mukalenga Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

2 Kulondolola 9:21

Mukalenga Shelomu uvua ne matu avuaye utuma mitantshi mile, avuabu bita kudi bena mudimu ba Irame. Pavua bidimu bisatu bipite, matu awu avua apingana mambule tshiamu tshia mpawungi, tshiamu tshitoke tshia mushinga mukole, mibanga, nyama ya nkima, ne nyunyi ya mu matunga makuabu.

Misambu 115:4

Kadi mvidie yabu mmienza ne tshiamu tshitoke tshia mushinga mukole nansha ne mpawungi. Idi bintu bienza kudi bantu.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Yeshaya 23:6

“Nuenu badi basa ku muelelu wa mayi manene, sabukayi mayi manene too ne ku tshimenga tshia Tarshishe. Asayi miadi.

Yeshaya 40:19

Ne lupingu anyi? Muena mudimu uvua mulusonge. Pashishe mufudi uvua mululamike mpawungi, kululengejaye ne nkanu ya tshiamu tshitoke tshia mushinga mukole.

Yezekiyele 27:12

“Bena Tarshishe batuta basumbishangana nebe bintu bitule. Batua basumba bintu biebe, bakufuta ne tshiamu tshitoke tshia mushinga mukole, tshia ntenda ne biamu bikuabu.

Yezekiyele 27:7

Bavua batela bilamba bia buatu, ne buanda buimpe bua mitshi ya mu Ejipitu. Patshidi bantu kule, badi bamona mekala abi, bakumanya! Bilamba bifikuluke ne bikunze, bidi bifuma ku tshidiila tshia Shipre, bavua benza nabi nzubu ya wewe kuteka bintu biebe bia kupana.

Danyele 10:5

Pamvua ntangila, meme kumona muntu muvuale bilamba bia ndanda, musuike mukaba wa tshiamu tshimpe tshia mpawungi mu tshimonu.

Osheya 8:6

Mvidie ewu mmukebe tshinyi mu bena Izrayele. Nsenda wenu ke udi mumufule. Eyowa, mvidie wa kana ka ngombe wa bena Samariya neatayike, bualu kena Mvidi Mukulu.

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.

Abakuke 2:19

Nudi bena diakabi! Nudi nuambila mutshi ne: “Juka” nansha dibue ne: “Tabala!” Kadi, nansha biobi bilamika biamu bia mushinga mukole pambidi, kabiena biakula, kabiena ne muoyi!