Yirmeya 10:6 - MUKANDA WA MYIDI MUKULU

⁶ Maweja-Nangila, kakuena mukuabu bu wewe, wewe udi munene. Bantu badi bamanye bunene ne bukole buebe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kakuena mukuabo bu wewe, Yehowa; wewe udi munene, dina diebe didi dinene mu bukole buadi.

Yirmeya 10:6 ပူးပေါင်းရင်းမြစ်များ

2 Samuele 7:22

Maweja-Nangila Mvidi Mukulu wanyi, wewe udi muena bukole buonsu! Kakuena mukuabu udi bu wewe. Ke mutudi bumvue bantu bonsu bamba nanku.

1 Kulondolola 16:25

Maweja-Nangila udi munene, wa kutumbisha bipite, wa kutshina ku mutu kua mvidie yonsu.

Nehemya 4:14

Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Misambu 145:3

Wewe Maweja-Nangila udi munene, ne bantu bonsu nebakutumbishe, bualu buneme buebe kabuena ndekelu.

Misambu 147:5

Maweja-Nangila wetu mmunene. Udi ne bukole buonsu, lungenyi luende kaluena kuamba.

Misambu 35:10

Nengambile Maweja-Nangila muanyi muonsu ne: “Kakuena udi bu wewe. Wewe udi upandisha mupele mu bianza bia baluishi bende, usungidila muena dikenga kudi muena tshinyangu.”

Misambu 48:1

Musambu wa mu mukanda wa misambu wa bena Kora.

Misambu 96:4

Maweja-Nangila udi munene, bidi bimpe bamutumbishe. Bamutshine kumpala kua mvidie yonsu.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Ekesode 8:10

Kukungujabu ndimba ayi mishiki ne mishiki. Ditunga dijima kununkadi mupuya mubi.

Ekesode 9:14

Mpindiewu ndi mujadike bua kukutumina makenga a mishindu yonsu, wewe ne balombodi ba bukalenga kabidi ne bantu bebe bonsu, bua ujadike ne: pa buloba bujima kakuena mukuabu, amu meme!

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 40:18

Nudi basue kuteka Mvidi Mukulu mulongu umue ne nganyi? Nenumufuanyikije ne tshinyi?

Yeshaya 40:25

Mvidi Mukulu wa tshijila udi ukonka ne: “Nenumfuanyikije ne nganyi? Udi mua kuikala nanyi mumue nnganyi?”

Yeshaya 46:5

Nenumfuanyikije ne nganyi? Nenungidikije ne nganyi? Nenumfuanyikije ne nganyi, bua tuetu kufuanangana nende?

Yeshaya 46:9

Nuvuluke malu enu a kale. Meme ke Mvidi Mukulu, kakuena mukuabu. Kakuena Mvidi Mukulu mukuabu udi bu meme.

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Yirmeya 32:18

Udi unanga bantu too ne ku ndelanganyi yabu tshinunu. Kadi padi baledi benza tshilema, udi unyoka ne bana babu mene. Udi Mvidi Mukulu munene ne wa bukole. Dina diebe mMvidi Mukulu wa bukole buonsu.

Danyele 4:3

Meme kutuma diyi bua bena meji bonsu ba mu Babilone bafike kundi bua kunjanduila tshilota.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.

Dielulula 33:26

Pashishe Moshe kuamba ne: “Nuenu bena Yeshurune, numanye ne: kakuena mvidie udi ufuana Mvidi Mukulu wenu. Udi upitshila mu diulu, upueka, wenda pa mavuba, anu bua kuvua kunuambuluisha.