Yirmeya 10:12 - MUKANDA WA MYIDI MUKULU

¹² Maweja-Nangila kufuka buloba, ke mudiye uleja bukole buende. Kufukaye diulu dialabale, ke mudiye uleja meji ende.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nzambi nyeye wakafuka buloba ku bukole buandi, wakajadika bia ha buloba ku lungenyi luandi, wakavungula diulu ku meji andi.

Yirmeya 10:12 ပူးပေါင်းရင်းမြစ်များ

Genese 1:1

Dituku dia kumpala Mvidi Mukulu kufuka diulu ne buloba.

Genese 2:5

mitshi ne bisosa kabivua bianji kutoloka to. Bualu Maweja-Nangila Mvidi Mukulu kavua muanji kulokesha mvula, kabidi muntu kavuapu bua kudima buloba.

1 Kulondolola 16:26

Mvidie ya bukua bisamba yonsu idi tshianana. Kadi Maweja-Nangila mmufuke diulu!

Yobe 26:7

Amu Mvidi Mukulu ke udi mubalule tshibuashibuashi, mubalule buloba bulembelela anu tshianana.

Yobe 37:18

Nanku wewe uvua mua kuambuluisha Mvidi Mukulu, diba divuaye mufuke tshibuashibuashi tshikole bu lumuenu, luenza ne tshiamu anyi?

Yobe 9:8

Yeye nkayende ke udi ubalula diulu, udi wendakana pa mavuala a mayi manene.

Misambu 104:2

Udi muvuale butoke bu tshinkutu, udi muadije diulu bu ntenta.

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Misambu 119:90

Bulelela buebe budi bushala bidimu nkama ne nkama. Wewe kufuka buloba kushalabu;

Misambu 24:2

Yeye ngudi mushindike buloba pa mayi manene, bua mavuala kaabunyungishi.

Misambu 33:6

Maweja-Nangila mmufuke diulu ku muaku wende, mmufuke bia mulu bionsu ku mueyelu wa mukana muende.

Misambu 65:7

Udi ushindika mikuna ku bukole buebe, uleja dikanda diudi nadi.

Misambu 78:69

Yeye kuibakilapu nzubu wende wa tshijila, nzubu uvua mukole bu diulu, ne bu buloba, buvuaye muibake nabu nzubu wa kashidi.

Misambu 93:1

Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

Nsumuinu 3:19

Maweja-Nangila wakenza buloba ne meji ende. Kufikaye diulu ne lungenyi luende.

Nsumuinu 30:4

Udi mubande mu diulu mua Mvidi Mukulu, kabidi mutulukemu nnganyi? Udi mukuate lupepele mu bianza biende nnganyi? Udi muvungile mayi mu tshilamba tshiende nnganyi? Udi mufundile buloba mikalu nnganyi? Dina diende nnganyi? Dina dia muanende nnganyi? Paudi mudimanye, udingambile!

Yeshaya 37:16

“Maweja-Nangila muena bukole buonsu, Mvidi Mukulu wa bena Izrayele, wewe udi usomba ku mutu kua bakerubine. Wewe nkayebe ke Mvidi Mukulu, mfumu wa makalenga onsu a pa buloba. Wewe ke udi mufuke diulu ne buloba.

Yeshaya 40:22

Ke Maweja-Nangila udi usomba mu nkuasa wende, kulu kule ku mutu kua buloba. Udi umona bantu pa buloba, bamueneka bu tunkenene. Udi ubalula diulu, bu tshilamba tshinene tshidibu bakudika. Udi utshibalula bu ntenta, bua bantu basombe muinshi muatshi.

Yeshaya 42:5

Maweja-Nangila udi mufuke diulu ne bionsu bidimu, udi muteke buloba, ne bionsu bidi bimuenekamu, udi mupeshe bantu muoyi, upesha bonsu badi basapu Mueyelu wende. Ke yeye udi wambila muntu uvuaye musungule ne:

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Yeshaya 45:12

Meme ndi muenze buloba, mufuke ne bantu badi basombapu. Meme ndi mubalule diulu. Ndi ntumina mabulunge a kulu ne mitotu diyi.

Yeshaya 45:18

Maweja-Nangila uvua mufuke diulu, ke Mvidi Mukulu uvua muenze buloba, mubusonge, mubushindike. Kadi kena mubutuke munda mutupu, mmubuenze bua bantu basepu. Mpindiewu udi wamba ne: “Maweja-Nangila ke Meme! Kakuena mvidie mukuabu.

Yeshaya 48:13

Ndi mushindike buloba ne bianza bianyi meme. Ndi mbalula ne diulu. Pandi mbikila diulu ne buloba, diakamue bidi bimueneka kundi.

Yeshaya 49:8

Maweja-Nangila udi wamba ne: “Padi tshikondu tshia lupandu tshifika, nengandamune ku dindomba diebe. Pafika dituku dia kukupandisha, nenkuambuluishe. Mvua mukuteke, mukulame, bua ukumbaje bimvua mulaye bantu banyi. Ndi nnupingaja mu ditunga dienu, bua nusombe tshiakabidi miaba yonsu mu buloba bua tshijila, buvuabu banyangakaje lelu.

Yirmeya 10:13

Maweja-Nangila kutuma diyi dikole, mayi kusangila pamue mu diulu, mavuba manene kubandawu, atumine ku ndekelu kua diulu ne buloba, miele kuela, mvula kuloka, bipepele kupatuka mu mayeba abi.

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 27:5

Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Zekâya 12:1

Maweja-Nangila mmutume mukenji udi utangila bena Izrayele. Maweja-Nangila uvua mubalule diulu, muteke buloba pa bitaku biabu, mupeshe muntu mueyelu ne muoyi, udi wamba ne:

Yowanane 1:3

Mvidi Mukulu uvua mufuke bintu bionsu ne Muaku. Kakuvua tshintu nansha tshimue tshivua Mvidi Mukulu kayi mufuke ne Muaku.

Kolose 1:16

Bualu kudiye Mvidi Mukulu mmufuke bionsu, bidi mu diulu ne bidi pa buloba, bidi bimueneka ne bidi kabiyi bimueneka, makole a mulu, makalenga, makokeshi, ne mamfumu. Mvidi Mukulu uvua mufuke bionsu kudiye, kabidi bualu buende Yeye.