Yirmeya 1:16 - MUKANDA WA MYIDI MUKULU

¹⁶ Nennyoke bena ditunga nanku, bilondeshile mushindu undi mukose tshilumbu tshiabu, bua malu mabi onsu adibu benze. Bantu aba bavua bambenge meme, baye kulambula milambu kudi mvidie mikuabu. Bavua batendelele mvidie, mvidie ivuabu badienzele!

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nembambile mei onso a kulumbulula kuanyi bua malu mabi abo onso, bualu bua bakundekela, bakuoshila nzambi mikuabo musenga wa manananshi, bakutendelela bintu biakusongabo ne bianza biabo.

Yirmeya 1:16 ပူးပေါင်းရင်းမြစ်များ

2 Bakalenga 22:17

Bena mu Yerushalayime mbambenge, mbalambule milambu kudi mvidie mikuabu. Bionsu bidibu benza mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

2 Kulondolola 28:2

Uvua mulonde amu buenzayi bua bakalenga ba bena Izrayele. Akaze uvua muengulule mene mpingu ya tshiamu mu kapia bua kutendelela mvidie Baale.

2 Kulondolola 34:25

Bena Yerushalayime mbambenge, mbalambule mvidie mikuabu milambu. Bionsu bidibu benze mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

2 Kulondolola 7:19

Kadi, wewe muntombokele, kuyi ukumbaja meyi ne mikenji bianyi bimvua mukupeshe, wewe mutendelele mvidie mikuabu, wewe muyituile binu bua kuyikukuila,

Yeshaya 2:8

Buloba bua Yakobe mbuwule tente ne mvidie ya dishima. Bantu badi batendelela mvidie, bakukuila bintu bidibu badienzela.

Yeshaya 37:19

Bavua boshe, banyangakaje mvidie ya matunga aa, bualu kayivua mvidie ya bushiwa to. Ivua amu mpingu ya mitshi, nansha ya mabue masonga kudi bantu.

Yeshaya 44:15

Mutshi ewu udi wambuluisha bantu, bua kutemeshabu nawu kapia. Nkunyi yawu badi bayota kapia, balamba nayi biakudia, benza nayi mvidie, udibu batuila mpala panshi. Badi benza nayi lupingu, ludibu batendelela.

Yeshaya 65:3

Ke bantu badi bamfikisha tshiji misangu yonsu ku mesu a bantu. Badi balambula milambu mu mpangu yabu, boshila mvidie yabu ya tshianana manananshi pa bilambuilu bia tushole.

Yirmeya 10:15

Mpingu ayi idi bu lupepele. Bantu mbenze mudimu wa tshidimudimu patupu. Yonsu neyijimine, padi Maweja-Nangila ulumbuluisha bantu.

Yirmeya 10:3

Ditendelela dia bantu ba bisamba bikuabu didi anu lupepele, kadiena ne mushinga to. Badi bakosa mutshi mu ditu, muntu usonga nawu lupingu.

Yirmeya 11:12

Diba adi, bantu badi basombe mu bimenga bia Yuda ne mu Yerushalayime, nebapingane kudi mvidie yabu ivuabu balambula milambu. Kadi mu dikenga diabu mvidie eyi kayena mua kubambuluisha nansha.

Yirmeya 11:17

Maweja-Nangila wa bukole buonsu uvua mukune Izrayele ne Yuda. Kadi udi ubambila lelu ne: nennubutule. Dikenga edi nedinukuate bua bubi bunuvua benze. Bualu nuvua bampende, balambule mvidie Baale milambu.

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Yirmeya 16:11

Wewe ubandamune ne: “Maweja-Nangila udi wamba ne: bualu baledi benu bavua bambenge, balamate ku mvidie ya bantu ba bisamba bikuabu. Bavua bayitendelela, bayifuila binu panshi. Kabavua bamvuluke, kabavua balame mikenji yanyi.

Yirmeya 17:13

Maweja-Nangila, bena Izrayele badi bakutekemena amu wewe. Nanku badi bakubenga, bundu buasangana kubakuata anyi? Buabakuata! Bonsu badi bakubenga wewe, mbajimine bu mena adibu bafunde mu lupuishi. Bualu mbumuke kuudi wewe, Maweja-Nangila mpokolu wa muoyi.

Yirmeya 18:15

Kadi bantu banyi bakadi bampue muoyi. Badi balambula milambu kudi mvidie idi kayiyi mvidie mene. Ke mudibu badishinde mu njila wabu, ke mudibu bumuke mu njila wabu wa kale, benda mu njila udi bantu kabayi banji kuenda.

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Yirmeya 2:17

Bionsu ebi mbienzeke, bualu nuenu bena Izrayele nudi badikebele diakabi. Nudi babenge Maweja-Nangila, Mvidi Mukulu wenu, uvua unulombola mu njila.

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yirmeya 2:28

Kadi, meme Maweja-Nangila nennukonke ne: “Mvidie inuvua badienzele idi penyi? Pikalayi ne bukole, inusungidile, panudi mu dikenga! Bualu nuenu bena Yuda, bungi bua bimenga bienu, ke bungi bua mvidie yenu.”

Yirmeya 4:12

Lupepele ludi lufuma luseke alu ku diyi dianyi, nebikale lukole lupite. Mpindiewu ndi musue kunulumbuluisha.”

Yirmeya 4:28

Nanku, buloba nebudile muadi. Mulu nemuenze miidima. Ndi ngamba bindi mumane kuela meji bua kuenza. Tshiena nkudimuna meyi andi mumane kuamba to. Tshiena nshintulula bualu ebu to.”

Yirmeya 44:17

Netuenze anu tshitu-vua balaye. Netuambule Astarte, mvidie wetu, Mukalenga mukaji wa diulu, milambu ya manananshi ne ya maluvu a mvinyo. Ke mutuvua benza tuetu, ke muvua kabidi bankambua betu, bakalenga betu ne balombodi betu ba bukalenga benza mu bimenga bia Yuda ne mu misesu ya mu Yerushalayime. Nanku tuvua ne biakudia bungi bukumbane. Bionsu bivua bienda amu bimpe. Katuvua tukenga nansha.

Yirmeya 5:29

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua ditunga dia nanku anyi?

Yirmeya 5:9

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua tshisamba tshia mushindu ewu anyi?

Yirmeya 51:17

Padi bantu bamona bionsu ebi, badi bu bantu bapale, kabayi bajingulula bidi bienzeka. Bonsu bavua basonga mpingu, badi bafue bundu, bualu mpingu yabu ayi idi anu idinga bantu. Kayena yeyela, kayena ne mushinga.

Yirmeya 7:17

Udi mumone bionsu bidibu benza mu bimenga bia bena Yuda ne mu misesu ya mu Yerushalayime anyi?

Yirmeya 7:18

Bana badi bangula nkunyi, batatu batemesha kapia, bakaji balamba mikata bua mvidie udibu binyika ne: mukalenga mukaji wa mu diulu. Padibu balambula milambu ya maluvu a mvinyo kudi mvidie ya bantu ba bisamba bikuabu, badi bampenda meme Maweja-Nangila.

Yirmeya 7:9

Eyowa, nudi nuiba, nushipangana, nuenda tshiendenda, nuditshipa mitshipu ya dishima, nulambula milambu kudi Baale, nutendelela mvidie ya bantu ba bisamba bikuabu inudi kanuyi bamanye to.

Yezekiyele 16:18

Uvua muvuadike mpingu eyi bilamba bizola bimpe, bimvua mukupeshe. Wewe kulambula mvidie eyi mafuta ne manananshi bimvua mukupeshe.

Yezekiyele 24:14

Meme Maweja-Nangila Mvidi Mukulu ndi njadika ne: bionsu ebi nebikumbane. Nenkunyoke tshiyi mpingana panyima, tshiyi ngunwua kanyinganyinga, nansha luse. Nebakunyoke bua malu ebe mabi. Meme Maweja-Nangila Mvidi Mukulu ndi ngamba nanku.

Osheya 11:2

Kadi pamvua mbikila bena Izrayele nanku, munanukile, bavua bambenga anu kubenga. Bantu banyi badi balambula mvidie Baale milambu. Mvidie yonsu ya mushindu ewu, badi bayoshila milambu.

Osheya 8:6

Mvidie ewu mmukebe tshinyi mu bena Izrayele. Nsenda wenu ke udi mumufule. Eyowa, mvidie wa kana ka ngombe wa bena Samariya neatayike, bualu kena Mvidi Mukulu.

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?

Bienzedi 7:41

Kufulabu lupingu lua muana wa ngombe, kululambulabu mulambu. Nanku kusankidilabu tshintu tshivuabu benze ne bianza biabu!

Dielulula 28:20

Nanku, Maweja-Nangila neanuendeshe diakabi mu bionsu binudi nuenza: nenuikale ne makenga, ntatu ne bowa, too ne panuabutuka bonsu lukasa, bualu nudi benze malu mabi, babenge Maweja-Nangila.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.

Yoshua 24:20

Nuenu babenge Maweja-Nangila, nuenu batendelele mvidie ya bantu benyi, Maweja-Nangila neanuluishe. Neanukengeshe, anubutule, nansha yeye mumane kunuenzela malu mimpe a bungi.

Didimanyisha 9:20

Kadi bantu bavua bashala ne muoyi, bonsu bavua bipupu ebi kabiyi bibutula, kabavua badilengeja to. Batshivua batendelela nwidie ivuabu badienzela. Batshivua bakukuila mikishi mibi, kabidi ne nwidie mienza ne mpawungi, ne tshiamu tshitoke tshia mushinga mukole, ne tshiamu tshikunze, ne mabue, kabidi ne mitshi. Ke nwidie idi kayiyi mua kumona, kayiyi yumvua, kayiyi yenda.