Yezekiyele 7:8 - MUKANDA WA MYIDI MUKULU

⁸ Mpindiewu, tshiena mua kunengakana kabidi to. Nennunyoke mudi tshiji tshianyi tshingambila. Nennulumbuluishe, nnunyoke bilondeshile malu enu mabi anudi benze.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Tshituha tshihi nennuhongoluele tshiji tshianyi tshikole, nemmane difikʼa munda dianyi kunudi; nennulumbuluishe bu mudi bienzedi bienu, nennuhingashile difutu bua malu enu onso a bundu.

Yezekiyele 7:8 ပူးပေါင်းရင်းမြစ်များ

2 Kulondolola 34:21

— Nuye kukonka Maweja-Nangila buanyi meme, bua bena Izrayele, ne bua bena Yuda bonsu badi bashale ne muoyi, bua tumanye tshitudi mua kuenza, bua malu onsu adibu bafunde mu mukanda udibu bangule ewu. Bualu, bankambua betu kabavua bakumbaja mikenji ivuabu bafundamu to. Ke padi Maweja-Nangila mutufikile munda bikole.

Misambu 79:6

Benyi aba badi kabayi bakumanye, ne makalenga adi kaayi akutendelela, ubafikile bonsu munda.

Yeshaya 42:25

Ke pavua Maweja-Nangila muleje bantu bende bunene bua tshiji tshiende, mubakengeshe ne mvita. Mvita kuosha bena Izrayele nseke yonsu. Kadi nanshabu kujingulula tshintu. Kapia kubosha, kubashidisha, kadi nanshabu kubuelela meji.

Yirmeya 36:31

Nemmunyoke yeye ne ndelanganyi yende ne balombodi bende ba bena mvita. Nembanyoke bua bilema biabu. Makenga onsu amvua muambe, nembatuminewu, bobu bantu ba mu Yerushalayime ne bantu ba mu Yuda, bualu kabavua banteleje.”

Yirmeya 7:20

Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Muadi 2:17

Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Muadi 2:4

Bu muluishi, kunanaye buta buende. Kushalaye mubunane ne diboku diende dia balume. Kudilejaye mudiye muluishi wetu. Kunyangaye bionsu bivua bitulengelela ku mesu. Kuitshikijaye tshiji tshiende bu kapia pa nzubu wa Mvidi Mukulu wa mu Yerushalayime.

Muadi 4:11

Tshiji tshia Maweja-Nangila ntshijike. Mvidi Mukulu mmutshileje tshionsu. mMuele kapia mu Siyone, kadi kuosha bitaku biende.

Yezekiyele 11:21

Kadi badi batendelela mvidie, benza malu mabi andi mbenga, balonda mudi muoyi wabu mubi ubambila, nembanyoke bua bubi buabu. Ke mundi nnuambila nanku, meme Maweja-Nangila Mvidi Mukulu.”

Yezekiyele 14:19

Misangu mikuabu, ndi mua kutumina bantu aba disama dia tshiambu tshikole. Ndi mua kubaleja tshiji tshianyi, kubatumina tshipupu etshi tshia disama dia tshiambu, tshidi mua kushipa bantu ne nyama mu ditunga.

Yezekiyele 16:43

Kuena muvuluke tshimvua mukuenzele ku buana buebe to. Udi mumfikishe munda ku bionsu biuvua muenze. Ke mundi ne bua kukunyoka bua buenzavi buebe! Meme Maweja-Nangila, ndi njadika bualu ebu. Kuvua musakidile buenzavi bua bundu ebu ku malu ebe mabi makuabu a kutendelela mvidie anyi?”

Yezekiyele 16:59

“Teleja tshindi meme Maweja-Nangila Mvidi Mukulu ngamba ne: kuena munemeke malaya auvua mulaye. Kadi udi munyange ndondu wetu. Nanku nenkunyoke bilondeshile biuvua muenze.

Yezekiyele 18:30

Meme nendumbuluishe yonsu wa kunudi bilondeshile malu adiye wenza. Meme Maweja-Nangila ndi njadika nanku. Enzayi malu mimpe. Lekelayi bibi bionsu binudi nuenza. Kanuenji bubi nansha bumue budi mua kunujimija.

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Yezekiyele 20:21

Kadi bana babu kabidi bavua bantombokela. Kabavua bakumbaje mikenji yanyi. Kabavua balame meyi anyi adi afikisha muntu udi walama ku muoyi. Bavua banyanga dituku dia Dikisha. Diba adi, mvua mujadike ne: nembanyoke ne tshiji. Ndi musue kubajikijilatshi mu tshipela.

Yezekiyele 20:33

Ndi Maweja-Nangila Mvidi Mukulu udi ne muoyi. Nennukengeshe ne bukole buonsu. Tshiji tshianyi netshinunyoke bikole. Ke mundi nnuleja ne: ndi mfumuenu.

Yezekiyele 20:8

“Kadi bena Izrayele kuntombokela, kubenga kungitaba. Muntu nansha umue kavua mubenge mvidie ya dishima ivuaye utendelela. Kavua muimanshe mpingu ya bena Ejipitu. Diba adi meme kushindika ne: nembanyoke ne tshiji. Nkavua musue kubabutuila mu Ejipitu mene.

Yezekiyele 22:31

Nanku meme kubapumuina tshiji tshianyi. Meme kubabutula mu kapia, bualu mvua mufike munda. Meme kubanyoka bua malu abu mabi. Ke mundi ngamba nanku meme Maweja-Nangila Mvidi Mukulu.

Yezekiyele 24:14

Meme Maweja-Nangila Mvidi Mukulu ndi njadika ne: bionsu ebi nebikumbane. Nenkunyoke tshiyi mpingana panyima, tshiyi ngunwua kanyinganyinga, nansha luse. Nebakunyoke bua malu ebe mabi. Meme Maweja-Nangila Mvidi Mukulu ndi ngamba nanku.

Yezekiyele 30:15

Nembutule ne tshiji tshimenga tshia Sine, tshivuabu bakoleshe ne bimana, tshidi tshilama mikalu ya ditunga dia Ejipitu. Nenshipeshe bantu ba bungi ba mu No.

Yezekiyele 33:20

“Nuenu bena Izrayele nudi nuamba ne: Maweja-Nangila udi ukolesha malu. Kadi numanye bimpe ne: Nendumbuluishe muntu yonsu bilondeshile malu adiye muenze!”

Yezekiyele 6:12

Bantu badi mitantshi mile, nebafue ku disama dia tshiambu. Badi pabuipi, nebafue ku mvita. Badi bashale ne muoyi mu tshimenga tshidibu baluisha, nebafue ku nzala. Nembenzele mudi tshiji tshianyi tshingambila.

Yezekiyele 7:27

Mukalenga wa ditunga neabuele mu madilu. Muana wa mukalenga kakutekemena tshintu. Bantu ba mu ditunga nebazakale. Nembanyoke bilondeshile mudi nsombelu wabu mubi. Nembalumbuluishe tshiyi ne luse, amu muvuabu balumbuluishe bantu. Nanku nebajadike ne: meme ndi Maweja-Nangila.”

Yezekiyele 7:9

Tshiena mua kunufuila luse, tshiena mua kulengulula bilema bienu. Nennunyoke bua bibi bienu bionsu binudi nuenza kanuyi nupungila. Nanku, nenujadike ne: ke meme Maweja-Nangila udi ununyoka.

Yezekiyele 9:10

Kadi meme tshiena mua kubafuila luse. Tshiena mua kubashiya ne muoyi to. Nembanyoke bua bubi budibu benza.

Yezekiyele 9:8

Diba divuabu benda bashipa bantu, meme kushala nkayanyi mutue mpala panshi, ngamba ne: — Eyi! Maweja-Nangila Mvidi Mukulu, paudi mufikile bena Yerushalayime munda, ubashipa nanku, udi musue kubutula bena Izrayele bonsu batshidi bashale ne muoyi anyi?

Danyele 9:11

Tshisamba tshijima tshia bena Izrayele tshiwa tshishipe mikenji yebe, tshisesuke ku malongesha ebe. Nanku milawu idi mifunda mu mikenji ya muena mudimu webe Moshe, yatukuatshi bua buntomboji buetu ebu.

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Osheya 12:3

Maweja-Nangila udi tshilumbu ne bena Yuda. Neanyoke bena Yakobe, bua buenzayi buabu. Neabafute bua malu mabi avuabu benze.

Osheya 5:10

Bamfumu ba bena Yuda, mbafuanangane ne bantu badi bashintulula mikalu ya madimi abu. Nanku tshiji tshianyi netshibapuekele bu mvula wa tshipupu.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Didimanyisha 14:10

Mvidi Mukulu neamunuishe maluvu a tshiji tshiende, avuaye muele mu dikopu dia tshiji tshiende, kayi musakidile mayi! Bonsu badi bakukuila nyama, nebabakengeshe mu kapia ne mu mvuanda, batumibue ba tshijila ne Muana wa mukoku bamone.