Yezekiyele 7:2 - MUKANDA WA MYIDI MUKULU

² — Muntu, teleja bindi meme Maweja-Nangila Mvidi Mukulu ngambila bena Izrayele: “Nshikidilu wafiki, ku nseke yonsu inayi ditunga dijima nedibutuke.

Mukanda wa Nzambi Dihungila Dikulukulu ne Dihungila Dihia-dihia 2003

² Wewe, muana wa muntu, amba ne, Mukelenge Yehowa udi wambila ba mu buloba bua Isalele ne, Nshikidilu wafiki, nshikidilu wafiki ku matengu anai onso a buloba!

Yezekiyele 7:2 ပူးပေါင်းရင်းမြစ်များ

Genese 6:13

Nanku kuambilaye Nowa ne: “Tshikondu tshia kubutula bionsu bidi ne muoyi pa buloba tshiakumbanyi! Bualu buenzayi budi pa buloba bujima, mbufume anu kudi bantu. Nanku ndi musue kubabutula pa buloba.

2 Kulondolola 34:7

Yoshiya kupula bilambuilu, kuzaza makunji ne mpingu bia kutendelela mvidie. Kutshibulaye ne mbabula ya kuosha manananshi mu bisamba bionsu bivua ku mutu mu ditunga. Pashishe, Yoshiya kupingana mu Yerushalayime.

Yeshaya 47:7

Uvua uditangila wewe bu mukalenga mukaji, uvua ne bua kudia bumfumu kashidi mu bantu. Kadi kuvua muele meji bimpe, ku malu avua enzeka diba adi. Kuvua nansha muele meji, ku bivua ne bua kuenzeka to.

Yirmeya 12:4

Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 51:13

Wewe Babilone, udi muase ku muelelu wa musulu munene. Wewe udi ne biuma bivule, kuebe nkujika, wabutuku.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Muadi 4:18

Badi amu batutentekela, katuyi ne mushindu wa kuya ku yetu miaba. Diba dietu ndikumbane. Nshikidilu wetu udi pabuipi. Tukadi tufua!

Yezekiyele 11:13

Pamvua ngambila bantu miaku ya Maweja-Nangila ayi, Pelatiya, muana wa Benaya, kufua. Meme kutua mpala panshi, kuela mbila ne: — Eyi! Maweja-Nangila Mvidi Mukulu, neushipe bena Izrayele bonsu badi bashale anyi?

Yezekiyele 12:22

— Yezekiyele, mmunyi mudi bantu ba mu ditunga dia bena Izrayele bamba bambulula kasumuinu ka ne: “Matuku adi enda apita. Bidi Mvidi Mukulu mutulaye kabiena bienzeka!”

Yezekiyele 21:2

— Muntu, tangila luseke lua kuinshi mu ditunga. Utandishe mu dina dianyi bantu badi basombe mu ditu didi kuinshi mu ditunga.

Yezekiyele 21:25

Njila umue neafikishe bena mvita ba bena Babilone mu tshimenga tshia Raba, tshia bena Amone. Njila mukuabu neabafile mu tshimenga tshia Yerushalayime tshidi mu Yuda, tshivuabu bakoleshe ne bimana.

Yezekiyele 21:4

Muntu yonsu neamone ne: meme Maweja-Nangila mvua mutemeshe kadilu aku. Neamone kabidi ne: kakuena tshidi mua kukajima to.”

Yezekiyele 21:7

— Yezekiyele, kudimuka utangile ku Yerushalayime. Ukanyine miaba ya kutendelela mvidie, utandishe ditunga dia Izrayele.

Yezekiyele 35:5

Kuonsu eku nuvua anu bakine bena Izrayele. Pavua baluishi babu babatshimune, bua kubanyoka bua bubi buabu, nuenu nuvua amu nubakengesha ne mvita.

Yezekiyele 40:2

Meme kumvua muvua Mvidi Mukulu ungambula, uya nanyi mu ditunga dia Izrayele. Uvua munteke mu katongobela ku mukuna mupite bule. Mu tshibandabanda tshia mukuna, luseke lua kuinshi kuatshi, muvua nzubu miasa mifuanangane ne tshimenga.

Yezekiyele 7:1

Maweja-Nangila kungambila ne:

Yezekiyele 7:3

Mpindiewu nenufue. Nennunyoke mudi tshiji tshianyi tshingambila. Ndi musue kunulumbuluisha, ne kunufuta bua malu mabi mapite anudi benze.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Amosa 8:2

Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!

Matayi 24:6

Nenumvue mutoyi wa myita ya pabuipi, ne ngumu ya myita ya kule. Kadi kanutshinyi to. Ebi bionsu bidi ne bua kuenzeka; kadi ki nshikidilu wa buloba to!

Dielulula 32:20

Ke Maweja-Nangila kuamba ne: “Tshiena mua kutekemena kudi bena Izrayele to. Kabena ne kanemu nansha kakese to. Tshiena musue kubalama kabidi to. Nemmone bidi mua kubenzekela.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

Didimanyisha 20:8

Neaye kudinga bantu bonsu ku ntengu inayi ya buloba, ke Ngoge ne Magoge. Neabasangishe bua kuluangana mvita. Nebikale bungi bu lusenga lua ku muelelu wa mayi manene.

Didimanyisha 7:1

Malu aa mamane kupita, meme kumona batumibue banayi bimane ku ntengu inayi ya buloba. Bavua bimanyike mpepele inayi ya buloba, bua lupepele nansha lumue kalututshi pa buloba, nansha pa mayi manene, nansha ku mitshi.