Yezekiyele 6:4 - MUKANDA WA MYIDI MUKULU

⁴ Nebanyange bilambuilu bienu. Nebazaze mbabula yenu inudi nuoshila manananshi. Bantu ba bungi ba munkatshi muenu nebafuile kumpala kua mvidie yenu mibi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nebashimbule bioshelu bienu ne makunshi anudi nutendelela nʼau diba; nengele bana benu bashihibue hanshi ku mpala kua mpingu yenu.

Yezekiyele 6:4 ပူးပေါင်းရင်းမြစ်များ

1 Bakalenga 13:2

Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

2 Bakalenga 23:14

Yoshiya kupula mabue avuabu bimanyika, kupula makunji a kutendelela mvidie, kubuikilaye miaba ya kutendelela mvidie ayi ne mifuba ya bantu.

2 Kulondolola 14:5

Muntu nansha umue kavua mumuluishe mvita mu bidimu abi to. Bualu Maweja-Nangila nkayende uvua mumulame ne ditalala. Matuku avua ditunga mu ditalala, Asa kukolesha bimenga bivule bia bena Yuda ne bimana.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yirmeya 43:13

Mu tshimenga tshia Eliyopolise neupule makunji a mabue, neoshe nzubu ya mvidie ya bena Ejipitu.”

Yirmeya 7:32

Ke mudi Maweja-Nangila wamba ne: Matuku adi kumpala, kabena mua kuinyika kabidi muaba ewu ne: “Tofete,” nansha ne: “tshibandabanda tshia Inome” to. Nebinyike muaba awu ne: ‘Tshibandabanda tshia dishipangana?” Nebajike bantu bafue anu muaba awu. Kabakupeta lukita muaba mukuabu to.

Yezekiyele 6:13

Bitalu biabu nebishale panshi munkatshi mua mpingu yabu, ne ku nseke yonsu ya bilambuilu biabu, ku nsongu ya mikuna minene ne mikese, muinshi mua mitshi idi ne mabeji mabishi mapite bungi, ne ku miaba mikuabu yonsu idibu balambuila mvidie yabu milambu. Nanku muntu yonsu neashindike ne: meme ndi Maweja-Nangila.

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.

1 Samuele 5:4

Butshia kabidi, kusanganabu lupingu alu ludishinda kabidi panshi, kumpala kua mushete wa tshijila. Kadi luvua lushala amu tshitumpampa, mutu walu ne bianza bivua bituka, bimata panshi mu mushiku wa nzubu.