Yezekiyele 48:21 - MUKANDA WA MYIDI MUKULU

²¹ Muaba udi ushala newikale wa mukalenga. Buloba buende nebuikale ku nseke yonsu ibidi ya buloba bua Maweja-Nangila ne bua tshimenga. Nebutuangane nabu, kilometre dikumi ne ibidi ne tshitupa mu butshiama, too ne ku mukalu wa luseke ludi diba dipatukila, kabidi too ne ku Mayi manene a pankatshi pa matunga luseke ludi diba dibuelela. Nanku, buloba budibu bajidila mu dina dia Maweja-Nangila, ne muaba wa tshijila, nebikale munkatshi mua buloba busunguluke.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mukokeshi ikale ne buloba budi bushala, bukuabo ku lunga luseke ne bukuabo ku luseke lukuabo lua muaba udi usangisha buloba bujidila Nzambi ne buloba bua musoko hohamue; bukuabo buikale ku mpala kua mukalu wa muaba au wa coudées binunu makumi abidi ne bitanu tô ne ku butshika bua buloba bua Isalele ku luseke lua esete, bukuabo buikale ku luseke lua wesete lua muaba au wa coudées binunu makumi abidi ne bitanu tô ne ku butshika bua buloba bua Isalele ku luseke lua wesete; buloba budi buludiludi ne mahianyi a bisamba bia Bena Isalele, buikale buloba bua mukokeshi, ne tshituha tshia buloba tshidibo bajidila Yehowa ne muaba wa tshitendelelu nebikale munkatshi muabu.

Yezekiyele 48:21 ပူးပေါင်းရင်းမြစ်များ

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Yezekiyele 48:10

Buloba bunudi bapeshe batuangaji nebuikale bule bua kilometre dikumi ne ibidi ne tshitupa, biangatshile ku luseke ludi diba dipatukila too ne ku ludidi dibuelela. Nebuikale butshiama bua kilometre itanu, biangatshile ku mutu wa ditunga too ne kuinshi. Munkatshi muabu nebase nzubu wa Maweja-Nangila.

Yezekiyele 48:20

Buloba bua Maweja-Nangila ne buloba bua tshimenga, onsu abidi masanga neikale bunene bumue bua kilometre dikumi ne ibidi ne tshitupa ku nseke yonsu inayi.

Yezekiyele 48:22

Buloba bua tshisamba tshia bena Levi ne tshimenga, nebikosolole buloba bua mukalenga mu bitupa bibidi, budi pankatshi pa buloba bua Yuda ku mutu, ne buloba bua Binyamine kuinshi.

Yezekiyele 48:8

Biangatshile ku luseke ludi diba dipatukila too ne ku Mayi manene a pankatshi, luseke ludidi dibuelela, nebashiye buloba butuangane ne bua Yuda, buikale bule bumue ne bua tshisamba tshionsu. Mu bule nebuikale ne kilometre dikumi ne ibidi ne tshitupa. Nebase nzubu wa Mvidi Mukulu munkatshi mua buloba abu.