Yezekiyele 45:7 - MUKANDA WA MYIDI MUKULU

⁷ Mukalenga wa ditunga neapete pende muaba ku nseke yonsu ibidi ya tshitupa tshia buloba tshivuabu bajidila Maweja-Nangila, ne tshivuabu balama bua kuasa tshimenga. Tshitupa tshia mukalenga etshi netshiye too ne ku Mayi manene a pankatshi luseke ludi diba dibuelela, kabidi netshifike too ne ku mukalu wa ditunga dia bena Izrayele wa luseke ludi diba dipatukila. Muaba awu wikale bule bua momumue ne bua tshitupa tshia buloba tshivua tshisamba tshionsu tshipete.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukokeshi ikale ne buloba bua ku nseke yonso ibidi ya buloba bua tshijila ne ya buloba bua musoko. Buloba buandi butangilangane ne buloba bua tshijila ne buloba bua musoko ku luseke lua esete ne ku luseke lua wesete; bule buabu buikale bule bua tshituha tshia buhianyi bukuabo bua bisamba bia Bena Isalele, ku butshika bua buloba ku luseke lua wesete tô ne ku butshika buabu ku luseke lua esete.

Yezekiyele 45:7 ပူးပေါင်းရင်းမြစ်များ

Yezekiyele 34:24

Meme Maweja-Nangila nengikale Mvidi Mukulu wayi. Muntu wanyi neikale mulami wa bushuwa bu muvua Davide. Meme Maweja-Nangila ndi njadika nanku.

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Yezekiyele 48:21

Muaba udi ushala newikale wa mukalenga. Buloba buende nebuikale ku nseke yonsu ibidi ya buloba bua Maweja-Nangila ne bua tshimenga. Nebutuangane nabu, kilometre dikumi ne ibidi ne tshitupa mu butshiama, too ne ku mukalu wa luseke ludi diba dipatukila, kabidi too ne ku Mayi manene a pankatshi pa matunga luseke ludi diba dibuelela. Nanku, buloba budibu bajidila mu dina dia Maweja-Nangila, ne muaba wa tshijila, nebikale munkatshi mua buloba busunguluke.

Yoshua 19:49

Bena Izrayele bamane kujikija diabanyangana dia ditunga, bavua bapesha pende Yoshuwa, muana wa Nune, tshitupa tshia buloba.