Yezekiyele 45:3 - MUKANDA WA MYIDI MUKULU

³ Mu tshitupa tshia buloba atshi, badi ne bua kupima muaba wa kilometre dikumi ne ibidi ne tshitupa mu bule, kilometre itanu mu butshiama. Mu tshitupa atshi nebase nzubu wanyi, muaba menemene wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

³ Idikisha tshituha tshikuabo tshia buloba ebu bua tshijila, bule buatshi coudées binunu makumi abidi ne bitanu, butshiama buatshi coudées binunu dikumi, bu muaba wa tshitendelelu, buloba buhite tshijila.

Yezekiyele 45:3 ပူးပေါင်းရင်းမြစ်များ

Yezekiyele 48:10

Buloba bunudi bapeshe batuangaji nebuikale bule bua kilometre dikumi ne ibidi ne tshitupa, biangatshile ku luseke ludi diba dipatukila too ne ku ludidi dibuelela. Nebuikale butshiama bua kilometre itanu, biangatshile ku mutu wa ditunga too ne kuinshi. Munkatshi muabu nebase nzubu wa Maweja-Nangila.

Yezekiyele 45:2

Mu tshitupa tshia buloba atshi, nulame muaba wa metre nkama ibidi ne makumi atanu ku nseke yonsu bua kuasa nzubu wa Mvidi Mukulu. Badi ne bua kunyungulula nzubu awu ne muaba udi mushale mutupu wa metre makumi abidi ne itanu mu butshiama.

Yezekiyele 45:4

Tshitupa tshia ditunga etshi ntshia tshijila, ntshia batuangaji badi bangenzela mudimu muaba wa tshijila. Mu tshitupa atshi nebapete miaba ya kuasa, nebashiye kabidi muaba wa tshijila bua kuasa nzubu wanyi.

Yezekiyele 48:8

Biangatshile ku luseke ludi diba dipatukila too ne ku Mayi manene a pankatshi, luseke ludidi dibuelela, nebashiye buloba butuangane ne bua Yuda, buikale bule bumue ne bua tshisamba tshionsu. Mu bule nebuikale ne kilometre dikumi ne ibidi ne tshitupa. Nebase nzubu wa Mvidi Mukulu munkatshi mua buloba abu.

1 Bakalenga 6:16

Mutantshi wa metre dikumi ne tshimana tshia ku ndekelu kua nzubu wa Mvidi Mukulu, bavua batekapu mikamba minene ya mutshi wa sedre, miasa panshi, mitue ku tshisasa tshia nzubu. Nanku, kupetabu muaba mu nzubu wa Mvidi Mukulu wa kuteka mushete wa ndondu. Bavua babikila muaba awu ne: muaba wa tshijila menemene.