Yezekiyele 45:22 - MUKANDA WA MYIDI MUKULU

²² Dituku dia kumpala dia tshibilu, mukalenga nealambule ngombe mulume, bua kudikobolola yeye, ne kukobolola bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

²² Mu dituku adi mukokeshi alongolole bua bualu buandi ne bua bantu bonso ba mu buloba mulumʼa ngombe bu mulambu wa kujimisha nʼau bubi.

Yezekiyele 45:22 ပူးပေါင်းရင်းမြစ်များ

Yezekiyele 46:4

“Dituku dia Dikisha, mukalenga neantuadile bana ba mikoku basambombu ne mukoku wa tshimpanga umue, bidi kabiyi ne bulema pambidi, bua babilambule bu mulambu wa kuosha.

Lewitiki 16:5

Bena Izrayele nebamupe mbuji ibidi ya mpumbu ya mulambu wa kukobolola nawu bantu, ne mukoku wa tshimpanga umue bua mulambu wa kuosha.

Lewitiki 4:13

“Padi bena Izrayele bonsu benza bualu bubi mu mpukapuka, budi bubengangana ne mikenji ya Maweja-Nangila, badi amu bena tshibawu, nansha bobu kabayi bamanye tshilema tshidibu benza.

Lewitiki 4:14

Diakamue padibu bamanye bualu bubi buvuabu benza abu, badi ne bua kudikobolola, balambula Maweja-Nangila ngombe mulume, bua Maweja-Nangila abafuile luse. Badi baya nende kumpala kua ntenta wa kusambakena.

Lewitiki 4:21

Pashishe bintu bionsu bidi bishale, mutuangaji umuke nabi mu mitanda, aye kubiosha bu mudibu bosha bintu bidi bishale bia ngombe mulume, padibu bakobolola mutuangaji munene. Mulambu ewu mbua kukobolola nawu bena Izrayele, bua Mvidi Mukulu abafuile luse.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.