Yezekiyele 45:2 - MUKANDA WA MYIDI MUKULU

² Mu tshitupa tshia buloba atshi, nulame muaba wa metre nkama ibidi ne makumi atanu ku nseke yonsu bua kuasa nzubu wa Mvidi Mukulu. Badi ne bua kunyungulula nzubu awu ne muaba udi mushale mutupu wa metre makumi abidi ne itanu mu butshiama.

Mukanda wa Nzambi Dihungila Dikulukulu ne Dihungila Dihia-dihia 2003

² Tshinga tshituha tshia buloba ebu bua tshijila tshikale luhangu lua kuasamu ntempelo, bule bualu coudées nkama itanu ne butshiama bualu coudées nkama itanu, nseke yalu ikale muomumue; bashiye muaba mutuhu numunyunguluke, coudées makumi atanu ku nseke yau yonso.

Yezekiyele 45:2 ပူးပေါင်းရင်းမြစ်များ

Yezekiyele 27:28

Muadi wa bendeshi ba majuwa uvua uzakeja bantu bavua basombe ku muelelu wa mayi manene.

Yezekiyele 42:15

Muntu mumane kupima bibambalu bionsu bitua munda mua nzubu wa Mvidi Mukulu, kupatukilaye nanyi ku tshiibi tshia luseke ludi diba dipatukila lua nzubu wa Mvidi Mukulu. Kutuadijaye kupima muaba uvua munyungulule nzubu wa Mvidi Mukulu.

Yezekiyele 43:21

Pashishe, wangate mulume wa ngombe uvuabu balambula awu, bamoshile ku mpenga kua muaba wa tshijila wa Maweja-Nangila, muaba udibu balongolola bua mudimu awu.

Yezekiyele 45:1

“Padibu bamane kuabanyina bisamba bia bena Izrayele ditunga, nebalame tshitupa tshia buloba tshidibu bajidila Maweja-Nangila. Tshitupa tshia buloba atshi netshikale ne kilometre dikumi ne ibidi ne tshitupa mu bule, kilometre dikumi mu butshiama. Tshitupa tshia buloba tshionsu atshi netshikale tshia tshijila.

Yezekiyele 45:3

Mu tshitupa tshia buloba atshi, badi ne bua kupima muaba wa kilometre dikumi ne ibidi ne tshitupa mu bule, kilometre itanu mu butshiama. Mu tshitupa atshi nebase nzubu wanyi, muaba menemene wa tshijila.