Yezekiyele 41:4 - MUKANDA WA MYIDI MUKULU

⁴ Uvua mupime kabidi muaba wa tshijila menemene. Uvua ne bule bua metre dikumi ku nseke yonsu. Pashishe, kungambilaye ne: ke muaba wa tshijila menemene.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wakidikisha bule bua nsubu mene, coudées makumi abidi, ne butshiama buandi buakadi coudées makumi abidi, ku mpala kua muaba wa tshijila wa ntempelo. Yeye wakangambila ne, Muaba eu udi muaba mutambe tshijila.

Yezekiyele 41:4 ပူးပေါင်းရင်းမြစ်များ

1 Bakalenga 6:16

Mutantshi wa metre dikumi ne tshimana tshia ku ndekelu kua nzubu wa Mvidi Mukulu, bavua batekapu mikamba minene ya mutshi wa sedre, miasa panshi, mitue ku tshisasa tshia nzubu. Nanku, kupetabu muaba mu nzubu wa Mvidi Mukulu wa kuteka mushete wa ndondu. Bavua babikila muaba awu ne: muaba wa tshijila menemene.

1 Bakalenga 6:20

Tshibambalu etshi, tshivua ne metre dikumi mu butshiama, ne metre dikumi mu butumbuke ne mu bule. Bavua batshilamika tshiamu tshia mpawungi, bu muvuabu balamika munda mua nzubu wa Mvidi Mukulu muonsu. Kumpala kua mushiku wa mbelu wa tshibambalu etshi, bavua bololaku lukanu lua tshiamu tshia mpawungi. Bavua batekaku tshilambuilu tshienza ne mitshi ya sedre, milamika tshiamu tshia mpawungi.

1 Bakalenga 6:5

Kuasabu nzubu mikuabu isatu mitentakaja, milamakaja ku bimana bia pa mbelu bia ku tshibambalu tshinene, ne bia ku tshibambalu tshia ndekelu.

1 Bakalenga 7:50

malongu, binta bia kusukula nabi miendu, makopu a kumiamina nawu, makopu makuabu ne mbabula, bia tshiamu tshia mpawungi menemene; biamu bia biibi bia ku tshibambalu tshivuabu babikila ne: muaba wa tshijila menemene, ne bia ku biibi bia tshibambalu tshinene, bia tshiamu tshia mpawungi.

1 Bakalenga 8:6

Pashishe batuangaji kubueja mushete muaba uvuabu balongolola, mu tshibambalu tshivuabu babikila ne: muaba wa tshijila menemene, muinshi mua mapuapua a bakerubine.

2 Kulondolola 3:8

Bavua bibaka tshibambalu tshikuabu tshivuabu binyika ne: “Muaba wa tshijila menemene’”. Tshibambalu atshi, tshivua ne metre dikumi mu butshiama, bilondeshile butshiama bua nzubu wa Mvidi Mukulu, ne metre dikumi mu bule. Munda mua nzubu amu, bavua balamika kilo binunu makumi abidi bia tshiamu tshia mpawungi.

2 Kulondolola 5:7

Pashishe, batuangaji kubueja mushete muaba uvuabu bamane kulongolola, mu tshibambalu tshivuabu binyika ne: muaba wa tshijila menemene, muinshi mua mapuapua a bakerubine.

Yezekiyele 41:23

Bua kubuela muaba wa tshijila, nansha muaba wa tshijila menemene, kuvua tshiibi tshikale ne bitupa bibidi.

Didimanyisha 21:16

Nseke yonsu inayi ya tshimenga ivua mushindu umue. Nenku bule buvua momumue ne butshiama. Mutumibue uvua upima tshimenga ne dikombu, kupetaye kilometre binunu bibidi ne nkama ibidi mu bule, mu butshiama, ne mu butumbuke.